Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
989

Paytaxt muzeylərinin fəaliyyətinə həsr olunan müşavirə keçirilib

Yanvarın 25-də Milli İncəsənət Muzeyində mədəniyyət naziri Adil Kərimlinin iştirakı ilə muzey müəssisələrinin fəaliyyətinə həsr olunan müşavirə keçirilib.

Nazir çıxış edərək bildirib ki, ölkəmizdə muzey işi, muzey müəssisələrinin müasir dövrün tələblərinə uyğun fəaliyyətinin təşkili ölkə rəhbərliyi və dövlət tərəfindən daim diqqət mərkəzində saxlanılır. Prezident İlham Əliyevin bu sahəyə dair sərəncam və tapşırıqlarına uyğun olaraq, paytaxtda və regionlarda mövcud muzey binalarının əsaslı təmiri və ekspozisiyaların zənginləşdirilməsi, yeni muzeylərin yaradılması istiqamətində ardıcıl tədbirlər həyata keçirilir.

Birinci vitse-prezident Mehriban xanım Əliyevanın təşəbbüsü və himayəsi ilə Heydər Əliyev Fondu tərəfindən mədəni irsimizlə bağlı həyata keçirilən genişmiqyaslı fəaliyyətdə muzeylərlə bağlı layihələr mühüm yer tutur. Bu layihələr ölkəmizin muzey incilərinin dünyada tanıdılması ilə yanaşı, bir sıra ölkələrin muzey fondlarındakı Azərbaycan xalqına məxsus mədəni irs nümunələrinin, o cümlədən qədim xalça məmulatlarının, əlyazmaların surətlərinin Vətənə qaytarılmasına xidmət edir. Muzeylərin fəaliyyətinin müasir dövrün tələblərinə uyğun qurulmasının zərurətə çevrildiyini deyən nazir bu sahədə konkret addımların atılmasının vacibliyini vurğulayıb. Qeyd olunub ki, muzey müəssisələrinə daha geniş ziyarətçi kütləsinin cəlb olunması, muzey fondlarının zənginləşdirilməsi və inventarizasiyası, ekspozisiyaların və fondların müasir avadanlıqla təchiz edilməsi, kadr islahatlarının həyata keçirilməsi, dünya muzeyləri ilə əməkdaşlığın genişləndirilməsi, qarşılıqlı təcrübə mübadiləsi və birgə layihələrin təşkili diqqətdə saxlanılmalıdır. Bundan əlavə, muzey əməkdaşlarının bilik və bacarıqlarının artırılması məqsədilə onların müvafiq təlimlərdə iştirakı təmin edilməlidir.

Vurğulanıb ki, həssas qruplardan olan vətəndaşların muzeylərin xidmətlərindən lazımi şəkildə istifadəsi məqsədilə inklüziv layihələr həyata keçirilməlidir. Uşaqlar və gənclərin muzeylərə marağını təmin etmək məqsədilə yeni layihələr nəzərdə tutulmalıdır. Müəssisələrdə yanğın və texniki təhlükəsizlik qaydalarına ciddi riayət olunmalı, bununla bağlı əməkdaşlar dəqiq və davamlı təlimatlandırılmalıdırlar.

Müşavirədə çıxış edən Milli Azərbaycan Tarixi Muzeyinin direktoru Nailə Vəlixanlı, Üzeyir Hacıbəylinin Ev-Muzeyinin direktoru Sərdar Fərəcov, Azərbaycan Musiqi Mədəniyyəti Dövlət Muzeyinin direktoru Alla Bayramova, Milli İncəsənət Muzeyinin direktoru Şirin Məlikova, Abdulla Şaiqin Ev-Muzeyinin direktoru Ülkər Talıbzadə, Cəfər Cabbarlının Ev-Muzeyinin direktoru Qəmər Seyfəddinqızı sahə üzrə problemləri diqqətə çatdırıb, təkliflərini səsləndiriblər.

XƏBƏRLƏR

16.04.2024 09:46
“Yaradıcı müzakirələr” (“Creative Talks”) layihəsinə qeydiyyat başlayıb
15.04.2024 15:11
“Səslənən irsimiz” – Mədəniyyət Nazirliyi tərəfindən yeni layihə həyata keçirilir
05.04.2024 12:33
Azərbaycanda keçirilən Belarus Mədəniyyəti Günlərinin geniş icmalı
04.04.2024 12:28
Azərbaycan Respublikasında Belarus Respublikasının Mədəniyyət Günləri çərçivəsində “Belarus rəssamların gözü ilə” adlı sərginin açılışı oldu
03.04.2024 16:20
Azərbaycan və Belarus mədəniyyət xadimlərinin iştirakı ilə dəyirmi masa keçirilib
03.04.2024 15:11
Bakıda Belarus Mədəniyyəti Günlərinin təntənəli açılış mərasimi keçirilib
02.04.2024 12:44
Mədəniyyət naziri Adil Kərimli belaruslu həmkarı Anatoli Markeviçlə görüşüb
22.03.2024 22:10
Parisdə Azərbaycan və UNESCO arasında əməkdaşlığın inkişaf etdirilməsi müzakirə olunub
15.03.2024 15:16
Azərbaycan Milli Xalça Muzeyində “Türk xalqlarının geyim və zərgərlik mədəniyyəti” sərgisi açıldı
13.03.2024 14:13
Azərbaycan və Xorvatiya arasında iqtisadi əməkdaşlıq üzrə Birgə Komissiyanın 3-cü iclası keçirilib
07.03.2024 15:04
Mədəniyyət naziri Zaqatalada vətəndaşları qəbul edib
05.03.2024 17:19
Heydər Əliyev Mərkəzində Türk dünyası rəssamlarının “Tomris” adlı sərgisi keçirilib
04.03.2024 09:50
"Qarabağ” Futbol Klubu haqqında sənədli filmin təqdimatı keçirilib
01.03.2024 17:22
Bakı Şəhər Mədəniyyət Baş İdarəsinin tabeliyindəki müəssisələrin fəaliyyəti üzrə ictimai dinləmə keçirilib
01.03.2024 13:00
“Young Lions” Azerbaijan yaradıcı gəncləri səsləyir!
01.03.2024 12:55
Mədəniyyət Nazirliyində "TikTok" nümayəndə heyəti ilə görüş olub
28.02.2024 18:01
“Salam, Novruz!” 28 fevral – 15 aprel
28.02.2024 15:34
Xalq artisti Süleyman Ələsgərovun 100 illik yubileyinə həsr olunan konsert keçirilib
26.02.2024 09:00
CINEMO ilk Mobil Film Festivalının Qala Gecəsi keçirildi
24.02.2024 13:10
Dohada Azərbaycan Mədəniyyəti Günləri çərçivəsində qala-konsert keçirilib
23.02.2024 11:48
“TikTok” Azərbaycan Respublikası Mədəniyyət Nazirliyinin dəstəyi ilə #TikTokdanÖyrən layihəsinə başladı
23.02.2024 10:10
Qətər Milli Kitabxanasında “Qədim köklərə malik Azərbaycan mədəniyyəti” adlı kitab sərgisi açılıb