NAZİRLİYİN KOLLEGİYASI

Azərbaycan Respublikası Prezidentinin 2018-ci il 6 iyun tarixli 119 nömrəli Fərmanı ilə təsdiq edilmiş “Azərbaycan Respublikasının Mədəniyyət Nazirliyi haqqında Əsasnamə”nin 5.10-cu bəndinə əsasən Azərbaycan Respublikasının Nazirlər Kabineti qərara alır:

1. Azərbaycan Respublikası Mədəniyyət Nazirliyinin kollegiya üzvlərinin sayı 9 nəfərdən ibarət müəyyənləşdirilsin və aşağıdakı tərkibdə təsdiq edilsin:

Kollegiyanın sədri

• Azərbaycan Respublikasının mədəniyyət naziri

Kollegiyanın üzvləri:

• Azərbaycan Respublikası mədəniyyət nazirinin birinci müavini
• Azərbaycan Respublikası mədəniyyət nazirinin müavinləri
• Naxçıvan Muxtar Respublikasının mədəniyyət naziri
• Azərbaycan Respublikasının Mədəniyyət Nazirliyi Aparatının rəhbəri
• Azərbaycan Respublikasının Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin rəisi
• Bakı Şəhər Mədəniyyət Baş İdarəsinin rəisi
• M.F.Axundzadə adına Azərbaycan Milli Kitabxanasının direktoru.

2. “Azərbaycan Respublikası Mədəniyyət və Turizm Nazirliyinin kollegiyasının tərkibi haqqında” Azərbaycan Respublikası Nazirlər Kabinetinin 2006-cı il 14 iyun tarixli 146 nömrəli qərarının (Azərbaycan Respublikasının Qanunvericilik Toplusu, 2006, № 6, maddə 574; 2007, № 11, maddə 1180; 2008, № 7, maddə 691; 2011, № 12, maddə 1254; 2014, № 10, maddə 1327; 2015, № 4, maddə 455, № 6, maddə 798, № 10, maddə 1247; 2016, № 6, maddə 1191) 1-ci və 2-ci hissələri ləğv edilsin.

Azərbaycan Respublikasının Baş naziri
Novruz MƏMMƏDOV

Bakı şəhəri, 12 sentyabr 2018-ci il
№ 386