Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
20.07.2022 15:02
“Şuşanın irsi” və “Qafqaz Albaniyası: Əsrlərin dərinliklərindən gələn bir ölkədir” adlı kitablar dünya kitabxanalarına göndərilibAzərbaycan Respublikası Prezidentinin elan etdiyi “Şuşa ili” ilə əlaqədar tədbirlər planına müvafiq olaraq Azərbaycan Milli Kitabxanası tərəfindən Azərbaycan Respublikasının Mədəniyyət Nazirliyi ilə birgə həyata keçirdiyi “Azərbaycanı dünyaya tanıdaq” layihəsi çərçivəsində Qaçqınların və Məcburi Köçkünlərin işləri üzrə Dövlət Komitəsinin dəstəyi ilə nəşr olunan doktor Mixail Hessin “Şuşanın irsi” kitabının (Michael Reinhard Heß «Schuschas vermachtnis geschichte und werdegang der kulturhauptstadt Aserbaidschans», München, 2022) və Peter Tibor Veresin “Qafqaz Albaniyası: Əsrlərin dərinliklərindən gələn bir ölkədir” («Caucasian Albania: a country from the depths of the centuries», Budapest, 2021) adlı kitab dünyanın bir çox ölkələrinin kitabxanalarına göndərilmişdir. Michael Reinhard Heß «Schuschas vermachtnis geschichte und werdegang der kulturhauptstadt Aserbaidschans» (München, 2022) adlı kitab 17 ölkəyə - Almaniya (Franfurt, Leypsiq və Drezden ), Avstriya, İsveçrə, Lüksemburq Milli Kitabxanalarına, ABŞ Konqres Kitabxanasına, Berlin Humboldt Universiteti kitabxanasına, Lixtenşteyn Dövlət Kitabxanasına, Belçika Kral Kitabxanasına, Roma Milli Mərkəzi Kitabxanasına, Yaponiya Milli Parlament Kitabxanasına və digər ölkələrin kitabxanalarına göndərilmişdir. Peter Tibor Veresin «Caucasian Albania: a country from the depths of the centuries» (Budapest, 2021) adlı kitabı isə ABŞ Konqres Kitabxanasına,  Los-Anceles Universitet Kitabxanasına, Fransa, Britaniya, İsveç, İspaniya, İsrail, Estoniya, Belarus, Bolqarıstan, Çexiya, Çin, Qətər, Latviya, Litva, Macarıstan, Moldova, Polşa, Rumıniya, Slovakiya, Türkiyə, Yunanıstan, Cənubi Koreya, Rusiya Milli və Dövlət, Pakistan Milli Kitabxanalarına, eləcə də Roma Milli Mərkəzi Kitabxanasına, Kanada Milli Elmi Kitabxanasına, Makedoniya Kliment Ohrid Universitet və Milli Kitabxanasına, Danimarka Kopenhagen Kral Kitabxanasına, Serbiya Matice ad. Elmi İnstitutunun Kitabxanasına, Yaponiya Milli Parlament Kitabxanasına və s. göndərilmişdir. Son iki il ərzində Milli Kitabxana “Azərbaycanı dünyaya tanıdaq” layihəsi çərçivəsində “Vətən müharibəsinin tarixi: Şəxsiyyət faktoru. 27 sentyabr-10 noyabr 2020-ci il” (rus dilində), Y.Bertelsin “Böyük Azərbaycan şairi Nizami” (ingilis və ərəb dillərində), Z.Göyüşovun “Nizami Gəncəvinin “İskəndərnamə” poemasının mədəniyyətlərarası dialoqda rolu” (yunan dilində), Çingiz Qacarın “Köhnə Şuşa” (ingilis və rus dillərində), Kərim Şükürovun “Azərbaycan millətlərarası münasibətlər sistemində 1648-1991 (rus dilində), “İrəvan xanlığı” (ingilis dilində), Mustafa Topçubaşovun “Paris arxivi: 1919-1921” (rus dilində) kitablarını və Azərbaycan tarixinə dair digər kitabların dünyanın bir çox milli və universitet kitabxanalarına göndərilməsini təmin etmişdir. ..
08.07.2022 14:37
“Şuşa ili” çərçivəsində “ArtCamp Shusha” adlı beynəlxalq layihə təşkil olunurMədəniyyət Nazirliyinin təşkilatçılığı və Heydər Əliyev Fondunun dəstəyi ilə 2022-ci ilin iyul ayında rəssamlar üçün “ArtCamp Shusha” adlı beynəlxalq layihə həyata keçiriləcəkdir. Bununla əlaqədar ölkəmizə İtaliya, Almaniya, Rumıniya, Danimarka və Türkiyədən olan rəssamların səfəri planlaşdırılır. Xarici rəssamlar isə yanaşı, layihədə Rəşad Mehdiyev, Vüqar Muradov, Anar Hüseynzadə, Butunay Haqverdiyev, Günel Ravilova və Vüsalə Ağarazıyeva kimi yerli rəssamlar da iştirak edəcəklər. Layihə çərçivəsində xarici və yerli rəssamlar Şuşa şəhərini ziyarət edəcəkdir. Mədəniyyət paytaxtımız olan bu şəhər ilə yaxından tanış olacaq rəssamlar Şuşaya həsr olunmuş rəsm əsərləri yaradacaqlar. Tanınmış yerli sənət xadimlərinin, şairlərin, yazıçıların, musiqiçilərin, rəssamların, memarların yaradıcılığında Şuşa kifayət qədər tərənnüm olunsa da, xarici mütəxəssislərin gözü ilə ona yeni bir baxış zəruridir. Xarici mütəxəssislərin Qarabağın incisi olan qədim Şuşanın tarixi, mədəniyyəti, dahi şəxsiyyətləri və bu gün ölkə rəhbərliyinin tapşırığı ilə burada aparılan quruculuq işləri ilə yaxından tanış olmaları və qısa bir müddət Şuşada yaşamaları onlarda bu ecazkar şəhər haqqında tam təsəvvür yaranmasına səbəb olacaqdır. Dəvət olunan xarici rəssamların yaratdığı əsərlər onların Şuşa barədə təəssüratlarının tərənnümü olacaq və müxtəlif ölkələrin kütləvi informasiya vasitələrində işıqlandırılaraq daha geniş tamaşaçı kütləsinə xitab edəcəkdir. Layihə çərçivəsində Bakı şəhərində fəaliyyət göstərən rəssamların emalatxanalarında görüşlər təşkil olunacaq, rəsm qalereyaları ziyarət olunacaq və təsviri sənət sahəsində müasir çağırışlara dair müzakirələr aparılacaqdır. ..
30.06.2022 15:58
“Şuşa İli”nə həsr olunan muğam festivalına yekun vurulduMədəniyyət Nazirliyi tərəfindən uşaq musiqi və incəsənət məktəbləri şagirdlərinin iştirakı ilə keçirilən muğam festivalına yekun vuruldu. May-iyun aylarında gerçəkləşən festival “Şuşa İli”nə həsr olunmuşdu. İyunun 29-da Beynəlxalq Muğam Mərkəzində festivalın yekun konserti və qaliblərin mükafatlandırılması mərasimi keçirildi. Tədbirdə çıxış edən mədəniyyət nazirinin müavini Sevda Məmmədəliyeva festival iştirakçılarına təbriklərini çatdırdı. Bildirdi ki, muğam festivalının “Şuşa İli” çərçivəsində keçirilməsi təsadüfi deyil. Çünki Şuşa Azərbaycanın muğam ocaqlarından biridir. Qədim Qarabağ torpağı, Qarabağın tacı olan Şuşa Azərbaycanın musiqi beşiyi sayılır. “Şərqin konservatoriyası” da adlandırılan bu torpaqda Azərbaycan musiqi sənətinin ən görkəmli nümayəndələri doğulub boya-başa çatıblar. Qarabağ eli neçə-neçə istedadlı bəstəkar, tarzən, kaman ustası, xanəndə yetişdirib: “Şuşa xalqımız üçün müqəddəs və əziz məkandır. Qarabağımız, Şuşamız Azərbaycan Respublikasının Prezidenti, Silahlı Qüvvələrin müzəffər Ali Baş Komandanı İlham Əliyevin rəhbərliyi ilə qüdrətli Azərbaycan Ordusunun şücaəti sayəsində işğaldan azad edilib. Azərbaycanın mədəniyyət paytaxtı olan Şuşada bu gün nəhəng quruculuq layihələri həyata keçirilir. Şuşadakı tarixi, dini və memarlıq abidələri bərpa olunur, Şuşaya dolğun mədəni həyat qayıdır. Şuşada Prezident İlham Əliyevin və Birinci vitse-prezident Mehriban xanım Əliyevanın iştirakı ilə “Xarıbülbül” festivalının, Vaqif poeziya günlərinin keçirilməsi, şəhərdə müxtəlif mədəni layihələrin, beynəlxalq konfransların təşkili Azərbaycan mədəniyyətinin Qarabağa qayıdışının təsdiqi, milli ləyaqətimizin təntənəsidir”. Muğam festivalı haqqında məlumat verən nazir müavini qeyd etdi ki, 2 yaş qrupu (9-12 və 13-17 yaş) üzrə respublikanın şəhər və rayonlarından istedadlı şagirdlərin qatıldığı festivalın I mərhələsi regionlar üzrə keçirilib. Bu mərhələdə 1-ci yerlərin qalibləri Bakı şəhərində keçirilən final mərhələsində iştirak etmək hüququ qazanıblar. Festivalın final mərhələsində Xalq artisti Teyyub Aslanovun sədrliyi ilə Xalq artisti Gülyaz Məmmədova və Əməkdar artist Zakir Əliyevdən ibarət münsiflər heyəti tərəfindən iştirakçıların çıxışları qiymətləndirilib. Sevda Məmmədəliyeva çıxışının sonunda bütün festival iştirakçılarını, qalibləri, onların müəllimlərini, valideynlərini, məktəblərin kollektivini təbrik edərək uğurlar arzuladı. Münsiflər heyətinin sədri Teyyub Aslanov festivalın təşkilinə görə Mədəniyyət Nazirliyinə minnətdarlığını bildirdi. Dedi ki, muğam sənətimizin inkişafı və təbliği məqsədilə təşkil edilən layihə səhnəmizə neçə-neçə yeni adlar bəxş etmiş oldu. Sonra qaliblər elan olundu. Festivalın Qran-pri mükafatını Tuncay Oruczadə (Ağdam) qazandı. İsfəndiyar Dadaşov (H.Sarabski adına 7№-li Musiqi məktəbi – Bakı), Əli Ağazadə (Sabirabad) I, Mətin Cəfərov (Ağdam), Sadiq Zeynallı (Beyləqan), Aydın Həmzəyev (G.Şaroyev adına 35 nömrəli Musiqi məktəbi – Bakı), Aynur Ağamalıyeva (Salyan) II, Nihad Məmmədzadə (Xırdalan), Polad Salmanlı (Bərdə), Turan Salahov (Goranboy), Mənzurə Abdürəhmanova (Q.Qarayev adına Mərkəzi İncəsənət Məktəbi – Bakı), Gülyaz Həsənzadə (M.Maqomayev adına 26 nömrəli Musiqi məktəbi – Bakı), Fatimə Hümmətova (Şəki) və Ləman Məmmədova (Ağcabədi) III dərəcəli mükafata layiq görüldülər. Qaliblərə diplom və fəxri fərmanlar təqdim edildi. Şagirdləri festivala hazırlayan müəllimlərin və konsertmeysterlərə isə fəxri fərmanlar verildi. Sonda festivalın qalibləri Beynəlxalq Muğam Mərkəzinin səhnəsində bir daha məharətlərini göstərdilər. İfaçıları Rəşid Behbudov adına Azərbaycan Dövlət Mahnı Teatrının ansamblı (bədii rəhbər – Mirxalid Salayev) müşayiət edirdi. Konsert alqışlarla qarşılandı. ..
26.06.2022 19:06
“Şuşa söhbətləri” layihəsində “Musiqinin Şuşaya qayıdışı” mövzusuna həsr olunmuş növbəti görüş keçirildiXəbər verdiyimiz kimi, Mədəniyyət Nazirliyi “Şuşa İli” münasibətilə mart ayından “Şuşa söhbətləri” (Shusha talks) layihəsini həyata keçirir. İyunun 24-də Beynəlxalq Muğam Mərkəzində layihə üzrə “Musiqinin Şuşaya qayıdışı” mövzusuna həsr olunmuş ikinci görüş təşkil olundu. Tədbiri açıq elan edən Mədəniyyət Nazirliyi Media və kommunikasiya şöbəsinin müdiri Məryəm Qafarzadə layihə haqqında məlumat verdi. Bildirdi ki, Prezident İlham Əliyev tərəfindən Azərbaycanın mədəniyyət paytaxtı Şuşa şəhərinin 270 illiyi münasibətilə ölkəmizdə “Şuşa İli” elan edilib: “Mədəniyyət Nazirliyi olaraq məqsədimiz Şuşa mədəniyyətinin dirçəlişi üçün bir sıra istiqamətlərdə layihələr həyata keçirməkdir. Layihənin əsas məqsədi Qarabağın, onun tacı Şuşanın dirçəlişi ilə bağlı mədəniyyət sahəsində tanınmış şəxslərin fikirlərini öyrənməkdən ibarətdir. İlk görüşdə bir neçə təşəbbüs irəli sürülüb və uğurla reallaşdırılıb. Bugünkü görüş də məhz bu ideyaya xidmət edir. Layihə çərçivəsində ictimaiyyət nümayəndələri, mədəniyyət və incəsənət xadimləri, blogerlər və yaradıcı sənayenin nümayəndələrinin “Şuşa İli” ilə bağlı nazirliklə əməkdaşlığını genişləndirmək məqsədilə görüşlər keçiriləcək, fikir mübadiləsi aparılacaq”. Məryəm Qafarzadə dedi ki, nazirliyin bütün layihələrində Şuşanın tarixi-mədəni zənginlikləri həm Azərbaycanda, həm də beynəlxalq aləmdə təbliğ olunacaq: “Dövlət başçısı tərəfindən 2022-ci ilin ölkəmizdə “Şuşa İli” elan olunması və Xurşidbanu Natəvanın 190 illiyinin keçirilməsinə dair sərəncamların icrası ilə əlaqədar Mədəniyyət Nazirliyinin üzərinə böyük vəzifələr düşür. “Şuşa söhbətləri” layihəsində biz sizlərin bu sərəncamların icrası ilə bağlı layihələrdə və proseslərdə müvafiq tövsiyə və təkliflərinizi nəzərə alacağıq”. Daha sonra şöbə müdiri “Şuşa söhbətləri” layihəsi ilə bağlı təqdimat etdi. Layihədə Qarabağın zəngin mədəni irsi, tarixi, ədəbi mühiti, memarlığı, musiqisi və digər sahələri əhatə etdiyini diqqətə çatdırdı. Qeyd etdi ki, layihə çərçivəsində “Vətənin özü tarixin gözü ilə”, “Şuşa qalası” bölmələri də ictimaiyyətə təqdim olunacaq. M.Qafarzadə həmçinin “Şuşa İli” ilə bağlı Nazirlər Kabineti tərəfindən təsdiq olunan Tədbirlər Planı haqqında da məlumat verdi. Təqdimatdan sonra “Şuşa söhbətləri”nin qonaqları səhnəyə dəvət olundu. Mədəniyyət Nazirliyinin Media və kommunikasiya şöbəsinin əməkdaşı Leyla Sarabinin moderatorluğu ilə keçən tədbirdə Xalq artisti, “Cəngi” estrada folklor ansamblının rəhbəri Mircavad Cəfərov, Azərbaycan Dövlət Rəqs Ansamblının bədii rəhbəri Rüfət Xəlilzadə, Əməkdar artistlər Aybəniz Haşımova və Nuriyyə Hüseynova, tarzən Arslan Növrəsli Şuşada “Xarıbülbül” festivalında iştirakları və yaşadıqları təəssüratı bölüşdülər. Natiqlər xalqımıza Qələbə qüruru yaşatdığı üçün Ali Baş Komandana və şanlı Ordumuza təşəkkür etdilər. Əcdadları Şuşadan olan Arslan Növrəsli bildirdi ki, Şuşa şəhərinə səfəri zamanı babası, görkəmli şair Mirzə Ələsgər Növrəsin məzarını ziyarət edib. Nuriyyə Hüseynova Vətən müharibəsində oğlu və kürəkəninin, bacısı oğlunun döyüşdüyünü qeyd edib. Aybəniz Haşımova ömür yolunda bir Qarabağ imzası olduğunu və bir vətəndaş olaraq bundan qürur duyduğunu vurğuladı. Mircavad Cəfərov və Rüfət Xəlilzadə çıxışları zamanı milli ruhun, milli kimliyin Qarabağa, Şuşaya qayıdışından söz açdılar. Vurğulandı ki, “Şuşa söhbətləri” layihəsi ilə qədim şəhərimizin dəyərlərini təbliğ edərək musiqimizi, mədəniyyətimizin ruhu doğma məkana qaytarıldığına görə bütün sənət adamları fəxr duyur. ..
01.06.2022 14:36
“Şuşa İli”nə həsr edilən “Mədəniyyətimizin beşiyi Şuşa” adlı tədbir keçirilibİsmayıllı Regional Mədəniyyət İdarəsinin təşkilatçılığı ilə Azərbaycan Respublikasında 2022-ci ilin “Şuşa İli” elan edilməsi haqqında Azərbaycan Respublikası Prezidentinin Sərəncamına müvafiq olaraq “Şuşa İli”nə həsr edilən “Mədəniyyətimizin beşiyi Şuşa” adlı tədbir keçirilib. Tədbirdə ilk öncə şəhidlərin əziz xatirəsi bir dəqiqəlik sükutla yad edilib. Daha sonra “Şəhidin yuxusu“ adlı filmə baxılıb və İsmayıllı rayon Heydər Əliyev adına Mədəniyyət Mərkəzinin Xalq teatrının təşkilatçılığı ilə dahi Azərbaycan şairi Səməd Vurğunun “Vaqif” dramından ədəbi-bədii kompozisiya təqdim olunub. Tədbirdə 44 gün davam edən Vətən müharibəsində Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin rəhbərliyi ilə Müzəffər Azərbaycan Ordusunun düşmən üzərində qələbə çalaraq tarixi nailiyyətə imza atmasından bəhs edilib. Daha sonra Azərbaycan Respublikasının Əməkdar artisti, Sənət akademiyasının rəhbəri Aybəniz Haşımova və sənət akademiyasının tələbələri, “Niyal” instrumental ansamblının solistləri, Aşıq Elman Talıstanlı çıxış edib. ..
20.05.2022 11:06
İzmirdə "Şuşa ili" çərçivəsində "Gənclərə dəstək" layihəsinin konsertiMədəniyyət Nazirliyinin təşkilatçılığı ilə 17 may 2022-ci il tarixində Türkiyənin İzmir şəhərində Ege Universitesi Dövlət Türk Musiqi Konservatoriyasında Azərbaycan Dövlət Akademik Filarmoniyasının “Gənclərə dəstək“ layihəsi çərçivəsində görkəmli bəstəkar Fikrət Əmirovun 100 illiyinə həsr olumnuş konsert keçirilmişdir. Konsertdə dahi bəstəkar Fikrət Əmirovun əsərləri səslədirilmişdir. Konsertin solistləri “Gənclərə dəstək“ layihəsi iştirakçıları, respublika və beynəlxalq müsabiqələr laureatları, prezident təqaüdçüləri idi. Qeyd edək ki, layihənin rəhbəri Xalq artisti, Filarmoniyanın direktoru Murad Adıgözəl-zadə, koordinatoru isə musiqişünas Ayla Kərimova-Zəkəriyyədir. *** Azərbaycan Respublikası Mədəniyyət Nazirliyinin təşkilatçılığı ilə 18 may 2022-ci il tarixində Türkiyənin İzmir şəhərində Suat Taşer Sanat Mərkəzində Azərbaycan Dövlət Akademik Filarmoniyasının “Gənclərə dəstək“ layihəsi iştirakçılarının “Şuşa ili“ çərçivəsində konserti keçirilmişdir. Proqramda respublika və beynəlxalq müsabiqələr laureatları Nurlanə Abdullazadə (vokal), Zümrüd Məmmədova (xanəndə), Zəminə Babayeva Yalçın (qanun), Nuranə Əliyeva (piano), Elçin Hetəmli (tar), Surə Rüfət (violin) və Azərbaycan Milli Konservatoriyasının baş müəllimi, prezident mükafatçısı, Azərbaycan Dövlət Akademik Filarmoniyasının Xalq Çalğı alətləri orkestirinin artisti qanun ifaçısı Natəvan Həsənova və onun tələbələri İlkanə Cəfərova, Təhminə Əlixanova, Ülviyyə Dadaşova, Zilhiccə İsmayılova tamaşaçılara biri birindən gözəl ifalar təqdim etdilər. Bütün iştirakçıları konsertdə Azərbaycan Respublikasının Əməkdar artisti Nərgiz Əliyeva müşayiət edirdi. Tədbirin koordinatorları - Azərbaycan Dövlət Akademik Filarmoniyasının quruluşçu rejissoru, musiqişünas Ayla Kərimova-Zəkəriyyə və Ege Universitesi Dövlət Türk Musiqi Konservatoriyasının doktorantı, qanun ifaçısı Zəminə Babayeva Yalçın idi. Onu da qeyd etmək lazımdır ki, Zəminə Babayeva Yalçın ilk azərbaycanlı qanun ifaçısıdır ki xaricdə “Türkiyə və Azərbaycan musiqisində qanun ifaçılığı” adlı kitabını nəşr etdirib. Konsertin sonunda Zümrüd Məmmədovanın ifasında “Qarabağ şikəstəsi” səslədirilmişdir və iştirakçılar diplom və təşəkkürnamələr ilə təltif olunmuşdurla. “Halk Eğitimi  Merkezi”nin direktoru Suat Korkmaz “Gənclərə dəstək“ layihəsinin təşkilatçılarına, Mədəniyyət Nazirliyi və Akademik Filarmoniyaya təşəkkürünü bildirib. Qeyd edək ki, M.Maqomayev adına Azərbaycan Dövlət Akademik Filarmoniyası rəhbərliyinin təşəbbüsü və Mədəniyyət Nazirliyinin dəstəyi ilə “Gənclərə dəstək“ layihəsi 2016-cı ildən həyata keçirilir. Ötən müddətdə gənc musiqiçilərə sənət yolunda dəstək olan layihə üzrə çoxsaylı konsertlər təşkil edilib. ..
25.04.2022 17:01
Bakı Dövlət Universitetində "Şuşa İli" ilə bağlı mühazirə keçirilibAprelin 22-də Mədəniyyət Nazirliyinin Media və kommunikasiya şöbəsinin müdiri Məryəm Qafarzadə Bakı Dövlət Universitetinin jurnalistika fakültəsinin ikinci kurs tələbələrinə “Şuşa ili çərçivəsində həyata keçirilən layihələr və mediada təbliğatı“ mövzusunda mühazirə keçib. Cari ildə Şuşa ilə bağlı gerçəkləşən və planlaşdırılan layihə və tədbirlər barədə geniş təqdimatla çıxış edən M. Qafarzadə həmçinin media ilə əməkdaşlıq, ictimaiyyətə düzgün və şəffaf informasiyanın çatdırılması mövzusunda  bir sıra məqamlara toxunub. Mühazirə tələbələrin suallarının cavablandırılması və bir sıra məsələlərin müzakirələri ilə davam edib. ..
05.04.2022 18:57
Şuşa ili çərçivəsində təşkil olunacaq “4 seasons of Shusha” adlı beynəlxalq fotoqrafiya layihəsi barədə mətbuat konfransı keçirildi“Azərbaycan Respublikasında 2022-ci ilin “Şuşa İli” elan edilməsi haqqında“ Azərbaycan Respublikası Prezidentinin 2022-ci il 5 yanvar tarixli 3096 nömrəli Sərəncamının icrasını təmin etmək məqsədilə 2022-ci il ərzində Mədəniyyət Nazirliyi tərəfindən Şuşa şəhərində bir sıra beynəlxalq tədbirlərin təşkili nəzərdə tutulur. 5 aprel tarixində Azərbaycan Milli İncəsənət Muzeyində Mədəniyyət Nazirliyinin təşkilatçılığı və Heydər Əliyev Fondunun dəstəyi ilə keçiriləcək “4 seasons of Shusha” adlı beynəlxalq fotoqrafiya layihəsinə həsr olunan mətbuat konfransı baş tutdu. Mədəniyyət Nazirliyinin Muzey, qalereya və sərgilər şöbəsinin müdiri Nərgiz Abdullayeva, Media və kommunikasiya şöbəsinin müdiri Məryəm Qafar-zadə və layihənin kuratoru Angelo Bucarelli (Ancelo Bukarelli) mətbuat nümayəndələrinə layihə barədə ətraflı məlumat verdilər. Layihə çərçivəsində dünyanın məşhur fotoqraflarının 2022-ci ilin qış, yaz, yay və payız fəsillərində Şuşa şəhərinə səfərləri təşkil olunacaq, hər fəsil üzrə fotoqraflar tərəfindən Şuşanın fotoşəkilləri lentə alınacaq və həmin fotoşəkillərdən ibarət sərgi təşkil olunacaqdır. Bu layihə Şuşanın dünya miqyasında tanıdılması üçün bir çağırış olacaqdır. Şuşanın Azərbaycanın çoxəsrlik zəngin mədəniyyətinin, memarlıq və şəhərsalma sənətinin parlaq incisi kimi beynəlxalq aləmdə təbliği üçün sözügedən layihəyə xarici mütəxəssislərin cəlb olunması mühüm əhəmiyyət kəsb edir. Qeyd edək ki, layihə Almaniya, Türkiyə, Finlandiya və İsveçrənin tanınmış fotoqraflarının iştirakı ilə reallaşacaqdır. Xarici mütəxəssislərin Qarabağın incisi olan qədim Şuşanın tarixi, mədəniyyəti, dahi şəxsiyyətləri və bu gün ölkə rəhbərliyinin tapşırığı ilə burada aparılan quruculuq işləri ilə yaxından tanış olmaları və qısa bir müddət Şuşada yaşamaları onlarda bu ecazkar şəhər haqqında tam təsəvvür yaranmasına səbəb olacaqdır. Azərbaycana dəvət olunacaq mütəxəssislərin çəkdiyi fotoşəkillər onların Şuşa barədə təəssüratlarının tərənnümü olacaqdır. Həmçinin, bu layihəyə yerli gənc fotoqraflar da cəlb olunacaq və layihə çərçivəsində onlar dünyaca məşhur fotoqraflar ilə görüşmək imkanı əldə edəcəklər. Xarici mütəxəssislər tərəfindən gənc fotoqraflar üçün treninq proqramları da təşkil olunacaqdır. Sonda bu layihənin dünyada geniş təbliği məqsədilə çəkilən fotoşəkillərdən ibarət kitabın nəşr olunacaq və həm Azərbaycanda, həm də fotoqrafların öz ölkələri və dünyanın digər müxtəlif ölkələrində səyyar sərgilər təşkil ediləcəkdir. ..
04.04.2022 16:48
Zaqatalada “Şuşa İlinə” həsr olunmuş bir sıra tədbirlər keçirilib2022-ci ilin “Şuşa ili” elan edilməsi haqqında Azərbaycan Respublikası Prezidentinin Sərəncamının icrası məqsədilə Mədəniyyət Nazirliyi Mədəniyyət üzrə Elmi-Metodiki və İxtisasartırma Mərkəzinin (MEMİM) və Şəki Regional Mədəniyyət İdarəsinin birgə təşkilatçılığı ilə Zaqatala şəhərində cari ilin 27-29 aprel tarixlərində müxtəlif məzmunlu maarifləndirici silsilə tədbirlər təşkil edilmişdir. Gənc mədəniyyət işçilərinə motivasiya təlimi ilə başlayan tədbirdə uğurun sirləri və məqsədyönlü fəaliyyətin nəticələrinə dair sahə əməkdaşları ilə fikir mübadiləsi aparılmışdır. Uğur hekayəsini bölüşən təlimçilər əlda olunan nailiyyətlərin davamlı və məqsədyönlü fəaliyyətə bağlı olmasını iştirakçıların diqqətinə çatdırmışdır. Təlimin ardınca “Mədəniyyət sahəsində liderlik” mövzusunda debat keçirilmişdir. Mövzu ətrafında müzakirələr şəklində keçirilmiş debatlarda gənc mədəniyyət işçiləri öz fəaliyyətində rastlaşdığı müəyyən çətinlikləri qeyd etmiş və onların həlli istiqamətində hər bir gənc mədəniyyət işçisinin fərdi qaydada peşəkarlıq keyfiyyətlərinə yiyələnməsinin zəruriliyini bildirmişlər. Silsilə tədbirlər çərçivəsində Zaqatala Tarix Mədəniyyət qoruğunda gənc mədəniyyət işçiləri arasında “Cıdır düzü” adlı intellektual yarışma səmimi və qeyri-rəsmi mühitdə təşkil olunmuşdur. Yarışmanın məqsədi gənc mədəniyyət işçələrinin hazırlıq səviyyəsinin artırılması, onlar arasında koordinasiyanı gücləndirmək və intellektual turnirlərdə iştirak səriştələrin formalasdırılmasını təmin etmək, cəld və analitik düşünmə bacarığını, gənclər arasında yoldaşlıq münasibələri və komanda ruhunun formalaşdırılıb inkişaf etdirilməsidir. Bilik yarışmasında Balakən, Qax, Oğuz, Şəki və Zaqatala rayonlarında fəaliyyət göstərən mədəniyyət müəssisələrində çalışan gənc mədəniyyət işçilərindən ibarət 5 komanda iştirak etmiş, yarışmanın qalibi işə Şəki komandası olmuşdur. Qalib komandaya Mərkəz tərəfindən sertifikat və hədiyyələr təqdim edilmişdir. Tədbirin bədii hissəsində əsrlərdir yaşadılan multukulturalizm ənənlərinə uyğun müxtəlif xalqların rəqsləri, musiqiləri və mahnıları nümayiş olunmuş, yerli rəssamın rəsm əsarlərindən ibarət sərgiyə baxış keçirilmiş və  yerli xalqların dilində səsləndirilən şeirlər dinlənilmişdir. Tədbirin yekununda Mədəniyyət Nazirliyi Mədəniyyət üzrə Elmi-Metodiki və İxtisasartırma Mərkəzinin direktoru Səadət Xələfbəyli və Şəki Regional Mədəniyyət İdarəsinin rəisi vəzifələrini müvəqqəti icra edən Tərlan Nəsibov qalibləri təbrik etmiş, iştirakçılara gələcək fəaliyyətlərində uğurlar arzulamış və bu tipli silsilə tədbirlərin mədəniyyət sahəsinə verə biləcəyi tövhələrinin önəmini vurğulamışdırlar. Mərkəzin cari ilin birinci yarımili üzrə iş planına uyğun olaraq mədəni marşrutların müəyyən edilməsi, həmçinin Zaqatala rayonun müəyyən yerlərinə baxış keçirilməsi məqsədilə, səfər çərçivəsində Mərkəzin əməkdaşları tərəfindən rayonun müxtəlif kəndlərinə ziyarət təşkil edilmişdir. Səfər zamanı avar dilli Makov, Dardoqqaz, Danaçı, sahur dilli Suvagil, Mamrıx və ingiloy dilli Əliabad kəndlərinə gedilmiş, bir neçə maraqlı məqam müəyyən olunmuşdur. Əldə olunan məlumatlar əsasında yeni iqtisadi yönümlü və regionun inkişafına xidmət edəcək mədəni marşrutların formalaşması məqsədilə müvafiq addımların atılması nəzərdə tutulur. ..