Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
245

Milli Musiqi Günü münasibətilə Üzeyir Hacıbəylinin məzarı ziyarət olundu

Azərbaycan professional musiqi sənətinin və milli bəstəkarlıq məktəbinin banisi Üzeyir Hacıbəylinin (1885-1948) dünyaya gəldiyi 18 sentyabr hər il ölkəmizdə Milli Musiqi Günü (“Üzeyir musiqi günü”) kimi qeyd edilir.

Bu il də mədəniyyət tariximizin əlamətdar günündə I Fəxri xiyabanda dahi bəstəkarın məzarı ziyarət olundu. Mərasimdə mədəniyyət naziri Anar Kərimov, tanınmış mədəniyyət və incəsənət xadimləri, musiqisevərlər iştirak edirdilər.

Üzeyir Hacıbəylinin məzarı üzərinə əklil və gül dəstələri qoyuldu. Azərbaycan Dövlət Xor Kapellası (bədii rəhbər – Xalq artisti Gülbacı İmanova) heyətinin ifasında Üzeyir Hacıbəylinin “Leyli və Məcnun” operasından “Şəbi-hicran” kompozisiyası səsləndirildi.

Mədəniyyət naziri Anar Kərimov çıxış edərək bildirdi ki, 18 sentyabr mədəniyyətimizin ən əlamətdar günlərindən biridir:

“Xalqımızın ölməz sənətkarları arasında Üzeyir Hacıbəylinin xüsusi yeri var. Üzeyir Hacıbəyli elə bir şəxsiyyətdir ki, məhz onun sayəsində Azərbaycan musiqisində tarixi bir dövr başlandı, klassik musiqi sənətimizin təməli qoyuldu, yeni musiqi janrları yarandı. O, mədəniyyətimizə çox böyük töhfələr verərək, milli musiqimizi dünya səviyyəsinə qaldıra bildi. Təbii ki, dövlətimiz belə şəxsiyyətləri heç vaxt yaddan çıxarmır. 1995-ci ildə ulu öndər Heydər Əliyevin fərmanı ilə Üzeyir Hacıbəylinin anadan olmasının 110 illik yubileyi münasibətilə 18 sentyabrın Milli Musiqi Günü kimi qeyd olunması qərara alındı. Artıq neçə ildir ki, xalqımız bu günü qeyd edir. Bu gün Prezident İlham Əliyev və Birinci vitse-prezident Mehriban Əliyeva mədəniyyət və incəsənət xadimlərinə böyük diqqət və qayğı göstərirlər. Onların rəhbərliyi ilə bir neçə dəfə Üzeyir Hacıbəylinin yubileyi UNESCO səviyyəsində qeyd edilib. 2009-cu ildən etibarən isə ölkəmizdə Üzeyir Hacıbəyli adına festival keçirilir...”.

Nazir bildirdi ki, bu il də Üzeyir Hacıbəyli XIV Beynəlxalq Musiqi Festivalının geniş tədbirlər planı tərtib edilmişdi. Lakin son günlər baş verən məlum hadisələrlə bağlı, Azərbaycanın sərhədlərinin toxunulmazlığı, ərazi bütövlüyü uğrunda canlarından keçən şəhidlərin xatirəsinə ehtiram olaraq festivalın proqramı dəyişdirildi.

“Bir daha bütün şəhidlərimizə Allahdan rəhmət diləyirəm, onların yaxınlarına başsağlığı verirəm. Əslində, bu il festivalı ölkəmizin bir neçə şəhərində keçirməyi planlaşdırırdıq. Düşmənin sərhədlərimizdə törədiyi təxribatın qarşısının alınması zamanı həlak olan igidlərimizin xatirəsinə ehtiram əlaməti olaraq festivalın proqramında dəyişiklik etdik. Festivalın tədbirləri Bakıda, bir konsert isə Şuşada keçiriləcək. Bunun da bir rəmzi var. Bütün bu çətinliklərə baxmayaraq Azərbaycan musiqisi Şuşada səsləndiriləcək. Bu bizim Üzeyir Hacıbəyli və şəhidlərimiz qarşısında borcumuzdur. Biz festivaldakı tədbirləri şəhidlərimizə ithaf etmək istəyirik. Bununla da bir daha göstərmək istəyirik ki, Azərbaycan xalqı qəhrəman övladlarını heç vaxt yaddan çıxarmır”.

Üzeyir Hacıbəyli adına Bakı Musiqi Akademiyasının rektoru, Xalq artisti Fərhad Bədəlbəyli çıxışında dahi bəstəkarımızın mədəniyyət tariximizdə rolunu qeyd edərək onu musiqimizin peyğəmbəri adlandırdı. Vurğuladı ki, biz həmişə Azərbaycan musiqisini dünyada təbliğ etməliyik. Bütün dünya Azərbaycan musiqisinin əzəmətini görməlidir.

Azərbaycan Milli Konservatoriyasının rektoru, Xalq artisti Siyavuş Kərimi də Üzeyir Hacıbəylinin ölməz irsindən söz açdı. Bildirdi ki, nə qədər ki, Azərbaycan xalqı var, Üzeyir Hacıbəylinin ölməz irsi hər zaman yaşayacaq.

Sonra mərasim iştirakçıları Azərbaycan musiqisinin korifeylərindən Qara Qarayev, Fikrət Əmirov, Bülbül, Rəşid Behbudov, Niyazi və Müslüm Maqomayevin Fəxri xiyabandakı məzarlarını ziyarət etdilər.

Ümummilli lider, mədəniyyətimizin böyük hamisi, 1995-ci ildə imzaladığı fərmanla mədəniyyət təqvimimizə Milli Musiqi Gününü bəxş etmiş Heydər Əliyevin və görkəmli oftalmoloq alim, akademik Zərifə xanım Əliyevanın xatirəsini də ehtiramla anıldı, məzarları üzərinə tər çiçək dəstələri düzüldü.

Sonda mərasim iştirakçıları Şəhidlər xiyabana gələrək Azərbaycanın suverenliyi və ərazi bütövlüyü uğrunda canlarını fəda edən Vətən övladlarının xatirəsini yad etdilər, “Əbədi məşəl” memorialı önünə gül dəstləri qoydular.

XƏBƏRLƏR

06.10.2022 16:19
Yaradıcı İqtisadiyyat üzrə III Ümumdünya Konfransı keçirilir
06.10.2022 10:30
“İrəvan necə varsa: keçmişdən bu günə” kitabının təqdimatı keçirildi
06.10.2022 10:19
İlber Ortaylının "Azerbaycan ve Kadim şehirleri" adlı kitabının təqdimat mərasimi keçirildi
06.10.2022 09:53
Qənirə Paşayevanın “Tarixə adını yazan qadınlar” üçcildliyinin imza mərasimi keçirildi
06.10.2022 09:44
Nazir Anar Kərimov Türkiyənin mədəniyyət və turizm nazirinin müavini ilə görüşüb
05.10.2022 18:41
Mədəniyyət naziri Anar Kərimov BDU və ADMİU 2021-2022-ci il kitabxanaçılıq üzrə məzunlarını işlə təmin edib
05.10.2022 18:19
Nazir Anar Kərimovun Afrika ölkələrindən olan UNESCO üzrə milli komissiyaların baş katibləri və nümayəndələri ilə görüşü keçirilib
05.10.2022 18:03
VIII Bakı Beynəlxalq Kitab Sərgisinin açılış mərasimi keçirildi
05.10.2022 16:17
“Muzeyi peşəkardan öyrənək” adlı layihə Biləsuvarda təşkil olundu
05.10.2022 16:13
Türkiyədə “Şuşa İli” çərçivəsində konsert keçirilib
05.10.2022 13:56
Beynəlxalq Kompendium Assosiasiyası çərçivəsində növbəti məruzə hazırlanıb
05.10.2022 09:31
Prezident İlham Əliyev və birinci xanım Mehriban Əliyeva Ağdamda Pənahəli xanın sarayı və İmarət Kompleksində görüləcək işlərlə tanış olublar
04.10.2022 16:26
Xurşidbanu Natəvanın 190 illiyi münasibətilə “Natəvan” operası nümayiş olunub
04.10.2022 14:16
“Silahın mistik gözəlliyi” adlı kataloqun təqdimat mərasimi keçirildi
04.10.2022 13:15
VIII Bakı Beynəlxalq Kitab Sərgisinə həsr olunan mətbuat konfransı keçirildi
03.10.2022 16:40
Azərbaycan incəsənət nümayəndələri Türkiyədə keçirilən IV Dünya Köçəri Oyunları Festivalında iştirak edib
03.10.2022 15:19
Ömər Faiq Nemanzadənin 150 illik yubileyinin qeyd edilməsi haqqında Azərbaycan Respublikası Prezidentinin Sərəncamı
03.10.2022 12:20
“Şuşa mədəniyyətinin inciləri”: Üzeyir Hacıbəylinin Şuşadakı ev-muzeyi
03.10.2022 10:51
Mədəniyyət Nazirliyi kommunikasiya menecerləri komandasını ictimaiyyətə təqdim edir
03.10.2022 09:20
Nazir A.Kərimovun çıxışı, habelə bir sıra ikitərəfli görüşləri və eksklüziv müsahibələri Meksika mətbuatında və bir sıra kütləvi informasiya vasitələrində geniş yayılmışdır
03.10.2022 09:17
“MondiaCult2022” konfransı çərçivəsində nazir Anar Kərimov bir sıra mötəbər görüşlər keçirib
30.09.2022 16:47
“Şuşa söhbətləri”də şanlı Zəfərimizə və mədəniyyət paytaxtımıza həsr olunan ekran əsərlərindən söz açıldı
30.09.2022 15:26
Beynəlxalq konfrans çərçivəsində nazir Anar Kərimov bir sıra ikitərəfli görüşlər keçirib
30.09.2022 12:39
"Mondiacult 2022" konfransı çərçivəsində nazir Anar Kərimov "İrs və mədəni müxtəliflik böhran dövründə" mövzusuna həsr olunmuş sessiyada çıxış edib
29.09.2022 14:55
Tanınmış rəssam Lətafət Məmmədovanın "Rənglərin sirri" adlı fərdi sərgisi açıldı
29.09.2022 13:08
Azərbaycan Respublikasında 2023-cü ilin “Heydər Əliyev İli” elan edilməsi haqqında Azərbaycan Respublikası Prezidentinin Sərəncamı
29.09.2022 10:41
Mədəni Strategiya və Dayanıqlı İnkişafa dair Dünya Konfransı ("Mondiacult 2022") öz işinə başlayıb
28.09.2022 08:52
“Hippolar: iqlim dəyişikliyi ilə mübarizə üçün dünya səyahəti” adlı sərgi təşkil edildi
27.09.2022 16:57
Mədəniyyət Nazirliyinin əməkdaşları şəhidlərimizin xatirəsini yad ediblər
26.09.2022 11:34
“Lənkəran şəhərinin mədəni inkişaf strategiyası” Avropa İttifaqı tərəfindən qalib seçilib
26.09.2022 10:32
Hüseyn Cavidin 140 illiyinin qeyd edilməsi haqqında Azərbaycan Respublikası Prezidentinin Sərəncamı