Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
393

Lənkəran şəhərinin mədəni inkişaf strategiyasının təqdimatı keçirildi

Lənkəran şəhərinin mədəni inkişaf strategiyasının təqdimatına həsr olunan tədbir keçirildi.

Lənkəran Regional Mədəniyyət İdarəsinin (RMİ) təşkilatçılığı ilə “Lənkəran Springs Hotel”də keçirilən tədbir Lənkəranın şəhərinin Avropa İttifaqı tərəfindən maliyyələşdirilən “EU4Culture” (“Avropa İttifaqı mədəniyyət naminə”) layihəsi çərçivəsində elan edilən “Şərq Tərəfdaşlığı ölkələrində iqtisadi inkişaf və sosial rifah üçün mühərrik kimi mədəniyyət və yaradıcılığın təşviqi” qrant müsabiqəsində iştirakına həsr olunmuşdu.

Mərasimdə çıxış edən Mədəniyyət Nazirliyi Yaradıcı sənayelər və rəqəmsal inkişaf şöbəsinin müdiri Ramil Abbəkirov çıxış edərək bildirdi ki, mədəniyyət  həyatımızda böyük rolu olan amillərdən biridir. Gündəlik həyat tərzimiz, kulinariya, ünsiyyət və s. Bütün bunlar mədəniyyətin bir parçasıdır. Mədəni inkişaf fərd, icma və dövlət olaraq tam şəkildə bir-biri ilə əlaqəli şəkildə inkişaf etməlidir. Mədəniyyət Nazirliyi bu istiqamətdə çoxsaylı layihələr həyata keçirir ki, hazırda bu layihələrin böyük bir hissəssi işğaldan azad olunmuş ərazilərimizə yönəldilib və mədəniyyət paytaxtımız Şuşada reallaşır.

“EU4Culture” layihəsi haqqında söz açan şöbə müdiri dedi ki, bu layihə Avropa İttifaqının Şərqində yerləşən 5 ölkədə reallaşır: “Layihənin 2021-ci ildən başlayan fazasında əsas diqqət mərkəzə deyil, regionlara yönəldilib. Ölkəmizdən dən layihəyə 8 şəhər müraciət etmişdi. Birinci mərhələdə 5 şəhər, ikinci mərhələdə də isə 3 şəhər – Şəki, Xırdalan və Lənkəran – qrantı əldə etmək uğrunda yaraşır. Lənkəran çox gözəl və potensialı ilə seçilən şəhərlərimizdəndir. Bu şəhər qalib gələrsə, çalışacağıq ki, onun mədəni potensialını bu strategiya vasitəsilə üzə çıxara bilərək. Strategiyanın işləmə müddəti 4 il üçün nəzərdə tutulub. Layihə əsas olaraq cəmiyyətin aktiv dəstəyini tələb edir. Çünki yekun məqsəd yenə də insanların rifahına xidmət edir”.

Lənkəran Şəhər İcra Hakimiyyəti başçısının müavini Mikayıl Cəfərzadə təqdimatın şəhər üçün əhəmiyyətini yüksək qiymətləndirdi. Qeyd etdi ki, layihə regionda mədəniyyətimizin təbliği və təşviqində vacib rol oynayacaq. Həmçinin diqqətə çatdırdı ki, Prezident İlham Əliyevin sərəncamı ilə təsdiq olunmuş “Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı” çərçivəsində Lənkəran şəhərində bir sıra tədbirlər həyata keçirilib. Yol infrastrukturunun qurulması, müasir tələblərə cavab verən müəssisələrin inşası və sahibkarlığın inkişafına yönəldilmiş işləri misal çəkə bilərik. Mədəniyyət Nazirliyinin təşəbbüskarı olduğu “EU4Culture” layihəsinin Lənkəranda icrasını yüksək qiymətləndirdiklərini deyən M.Cəfərzadə təşkilatçılara təşəkkürünü bildirdi. 

Təqdimatda çıxış edən Avropa İttifaqının “EU4Culture” layihəsinin yerli əlaqələndiricisi Firuzə Bağır diqqətə çatdırdı ki, 2021-ci ilin may ayında elan edilən proqram Şərq Tərəfdaşlığı ölkələrində qeyri-paytaxt və regionlara xüsusi diqqət yetirməklə mədəniyyət və yaradıcı sektoru dəstəkləmək üçün Avropa İttifaqı tərəfindən maliyyələşdirilən dördillik layihədir. Layihənin ölkəmiz üzrə həyata keçirilməsində tərəfdaş Azərbaycan Respublikasının Mədəniyyət Nazirliyidir: “Layihə çərçivəsində alınan qrant hesabına şəhərlər üçün mədəniyyət strategiyasının hazırlanacaq. Gələcəkdə növbəti mərhələdən uğurla keçəcək şəhərlər üçün strategiyanın həyata keçirilməsi məqsədilə 300 min avro qrant ayrılması nəzərdə tutulub. Təqdim olunan müraciətlər qiymətləndirildikdən sonra ölkə üzrə Şəki, Xırdalan və Lənkəran şəhərləri öz mədəni inkişaf strategiyalarını hazırlamaq üçün 30 min avro qrant qazanıblar. Lənkəran şəhərindən layihəyə Lənkəran Regional Mədəniyyət İdarəsi müraciət edib”.

Sonra “EU4Culture” layihəsi çərçivəsində Avropa İttifaqının maliyyə dəstəyi ilə hazırlanmış Lənkərana həsr olunmuş videoçarx nümayiş etdirildi.

Daha sonra Lənkəran RMİ-nin rəisi Şahin Şahbazov şəhərin mədəniyyət strategiyasını təqdim etdi. Bildirdi ki, Lənkəran öz yerli sakinləri və onu ziyarət edən qonaqlar üçün mədəni, sosial və iqtisadi cəhətdən inkişaf edən tolerant, aktiv və canlı şəhərdir. Layihədə “Niyə Lənkəranın qalib gəlməsi vacibdir” fikrini isə idarənin rəisi regionun zəngin və multikultural mədəniyyəti, yüksələn iqtisadi və inkişaf edən nəqliyyat və turizm infrastrukturu, unikal qastronomiya (Lənkəran qastronomiya tematikası üzrə 2021-ci ildən UNESCO-nun Yaradıcı şəhərlər şəbəkəsinin üzvüdür), multietnik yaradıcı mühit və zəngin yaradıcılıq praktikası ilə əlaqələndirdi.

Şahin Şahbazov tematik istiqamətlər üzrə, strategiya çərçivəsində reallaşacaq qastronomiya, folklor, musiqi, sənətkarlıq və s. istiqamətlərdə şəhərin potensialı haqqında geniş məlumat verdi. Diqqətə çatdırdı ki, strategiyanın fəaliyyətləri bölməsində il ərzində həftə sonlarında 2-3 günlük festivalların təşkilini, 2024-cü ilin sonuna qədər 24 festivalın keçirilməsini qarşıya məqsəd qoyur. Strategiyanın reallaşması üçün əsas layihə komandasına dəstək mədəniyyət liderlərindən ibarət yerli dəstək qrupu tərəfindən təmin olunacaq və onlar gələcəkdə “Kreativ Lənkəran platforması”nı da idarə edəcəklər. Layihənin icraçısı Lənkəran Regional Mədəniyyət İdarəsi, əsas tərəfdaş Lənkəran Rayon İcra Hakimiyyətidir. Digər tərəfdaşlar sırasında Dövlət Turizm Agentliyinin Lənkəran Destinasiya Menecmenti Təşkilatı, Kiçik və Orta Biznesin İnkişaf Agentliyi (KOBİA), Lənkəran KOB İnkişaf Mərkəzi, Gənclərin İnkişaf və Karyera Mərkəzi Lənkəran nümayəndəliyi, Azərbaycan Milli Kulinariya Assosiasiyası, Lənkəran Dövlət Universiteti, “Regional İnkişaf” İctimai Birliyi, Azərbaycan Yaradıcı Sənayelər Federasiyası, Kreativ Azərbaycan Platforması, Azərbaycan Film Komissiyası və “Azərxalça” ASC-dir.

Milli Kulinariya Assosiasiyasının rəhbəri, Əməkdar mədəniyyət işçisi Tahir Əmiraslanov strategiya ilə bağlı fikirlərini bölüşdü. Qrantda Lənkəranın qalib gəlməsi üçün regionun özəl xüsusiyyətlərini vurğulayaraq belə bir təşəbbüsün reallaşmasında əməyi olan hər kəsə minnətdarlığını ifadə etdi.

Təqdimatdan sonra fikir mübadiləsi aparıldı və gələcək planlarla bağlı təkliflər müzakirə edildi. Tədbir iştirakçıları həmçinin yerli sənətkarların əl işlərindən ibarət sərgi ilə də tanış oldular.

XƏBƏRLƏR

05.07.2022 16:45
Mədəniyyət Nazirliyi mədəniyyət siyasətinə dair beynəlxalq tədbirlərdə təmsil olunub
04.07.2022 17:57
Azərbaycan Respublikasının Mədəniyyət Nazirliyi tərəfindən son bir il ərzində aparılmış yoxlama və xidməti araşdırmaların nəticələri açıqlanıb
04.07.2022 12:26
Azərbaycanın əməkdar artisti Yakutiyanın Prezidenti tərəfindən Saxa Respublikasının 100 illiyi münasibəti ilə qızıl medalla təltif edilib
04.07.2022 11:27
“Nəşr məhsullarının satınalınması” müsabiqəsinin nəticələri müəyyən olunub
04.07.2022 10:29
“Şuşa mədəniyyətinin inciləri”: “Məclisi-fəramuşan” ədəbi məclisi
01.07.2022 18:06
Mədəniyyət naziri Anar Kərimov Macarıstanın ölkəmizdəki səfiri Viktor Szederkenyini fəaliyyət müddətinin bitməsi ilə əlaqədar qəbul edib
01.07.2022 17:30
Professor Çingiz Fərzəliyev “İllüstrasiya sənəti” nominasiyasının qalibi olub
01.07.2022 16:48
“Mədəni gənclik” layihəsinə yekun vuruldu
01.07.2022 12:26
Bərdə Regional Mədəniyyət İdarəsinin əməkdaşları üçün təlimlər keçirilib
30.06.2022 17:31
UNESCO-nun “Silahlı münaqişə zamanı mədəni sərvətlərin qorunması haqqında” 1954-cü il tarixli Haaqa Konvensiyası ilə bağlı təlim kursu başa çatdı
30.06.2022 16:59
“Rəngli perimetr” adlı rəsm sərgisi keçirilib
30.06.2022 15:10
Gənc tarzənlər “Yeni adlar”da
30.06.2022 12:58
Anar Kərimov İran İslam Respublikasının mədəni irs, turizm və əl işləri sənayesi naziri Seyid İzzətulah Zərqami ilə görüşüb
30.06.2022 11:09
“Gəncə-Daşkəsən və Qazax-Tovuz iqtisadi rayonlarının tarixi irsinin qorunması və şəhərsalma inkişafı” müzakirə olunub
30.06.2022 10:31
“Şuşa İli”nə həsr olunan muğam festivalına yekun vuruldu
29.06.2022 17:24
Gürcüstan Milli Muzeyinin baş direktoru David Lordkipanidzenin "Afrikadan ilk insanlar, Qafqazdan baxış" adlı mühazirəsi baş tutub
29.06.2022 16:20
“Diplomatic World” jurnalında mədəniyyət naziri Anar Kərimov ilə müsahibə dərc edilib
29.06.2022 12:47
“4-cü Beynəlxalq Bakı Yay Caz günləri” keçiriləcək
29.06.2022 12:15
Mədəniyyət Nazirliyi “Qarabağın tarixi” mövzusunda qısa videoçarxlar müsabiqəsi elan edir
29.06.2022 10:42
Braziliyanın “Choronas” musiqi qrupu Beynəlxalq Muğam Mərkəzində çıxış etdi
29.06.2022 10:28
Qarabağ Dirçəliş Fondunun təşəbbüsü ilə “Qarabağ gecəsi” xeyriyyə konserti keçirilib
28.06.2022 17:37
Azərbaycan kitabları “Kitab sənəti” müsabiqəsində qalib olub
28.06.2022 15:28
"Silahlı münaqişə zamanı mədəni sərvətlərin qorunması haqqında" 1954-cü il tarixli Haaqa Konvensiyası ilə bağlı təlim kursuna start verildi
28.06.2022 11:55
Azad Cəfərlinin rəhbərlik etdiyi nümayəndə heyəti UNESCO-da müzakirələrdə iştirak edib
28.06.2022 11:08
“Kommunikasiya meneceri” layihəsi regionlararası kommunikasiyanın daha effektiv qurulmasına əhəmiyyətli töhfə verəcək
28.06.2022 10:34
“Şuşa mədəniyyətinin inciləri”: Şuşa qalası
28.06.2022 10:14
Kəlbəcər İşğal və Zəfər muzeyləri kompleksinin təməli qoyulub
28.06.2022 10:04
“44 gün – tarixi Zəfər” çoxcildliyinin birinci kitabının təqdimatı keçirildi
24.06.2022 18:15
“Şuşa söhbətləri” layihəsində “Musiqinin Şuşaya qayıdışı” mövzusuna həsr olunmuş növbəti görüş keçirildi
23.06.2022 15:03
III “Azerbaijan Design Award” müsabiqəsi başa çatdı
23.06.2022 10:03
"Kommunikasiya meneceri” layihəsi üzrə ADA Universitetində təlimlər davam edir