Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
680

Xalq artisti Vaqif Əsədov vəfat edib

Azərbaycan mədəniyyətinə ağır itki üz vermişdir. 19 may 2022-ci ildə Xalq artisti, Gənc Tamaşaçılar Teatrının quruluşçu rejissoru, Prezident təqaüdçüsü Vaqif Firudin oğlu Əsədov dünyasını dəyişmişdir.   

Vaqif  Əsədov  5 aprel 1947-ci ildə Naxçıvan  Muxtar Respublikasında anadan olmuşdur. 1969-cu ildə Azərbaycan Dövlət İncəsənət İnstitutunun “Dram və kino aktyorluğu” fakültəsini bitirərək, 1969-1989-cu illərdə Naxçıvan Dövlət Musiqili Dram Teatrında aktyor, quruluşçu rejissor və baş rejissor vəzifələrində çalışmışdır. 1989-cu il yanvar ayının 1-dən bu günədək isə Azərbaycan Dövlət Gənc Tamaşaçılar Teatrının quruluşçu rejissoru olmuşdur.

Onun Dövlət Gənc Tamaşaçılar Teatrında quruluş verdiyi “Açıl, bənövşəm açıl”, “Ana laylası” (İ.Coşğun), “Mağara” (A.Həsənzadə), “Məhv olmuş gündəliklər” (İ.Əfəndiyev), “Adsız” (F.Mustafa), “Oliver Tvistin macəraları” (Ç.Dikkens), “Qaraca qız” (S.S.Axundov, A.Şaiq), “Yarımçıq qalmış” (Y.Abramov, L.Bəyim), “Oqtay Eloğlu” (C.Cabbarlı) və digər tamaşaları  səhnə həlli və uğurlu rejissor işi ilə yaddaşlara həkk olunmuşdur.

Vaqif Əsədov Naxçıvan Dövlət Musiqili Dram Teatrında “Əlincə qalası” (H.Arzulu), “Qarağaclar altında məhəbbət”  (Y.Onil ), “Elektra” (Sofokl), “Sükut divarı” (P.Messini), “Bəxt üzüyü” (V.Səmədoğlu) tamaşalarına maraqlı  səhnə quruluşları vermişdir.

Rejissor həmçinin Akademik Milli Dram Teatrında “Burlaxatun” (N.Xəzri), İrəvan Dövlət Dram Teatrında “Məhəbbət yaşayır hələ” (Hidayət), Azərbaycan Dövlət Akademik Musiqili Teatrı səhnəsində “Qar çiçəyi” (Y.Abramov, L.Bəyim) tamaşaları ilə qəlbləri fəth etmişdir.

Vaqif Əsədovun yaradıcılığı yalnız teatr tamaşaları hazırlamaqla məhdudlaşmır. O, eyni zamanda bir sıra iri miqyaslı dövlət səviyyəli tədbirlərin quruluşçu rejissoru və ssenari müəllifi olmuşdur. Belə tədbirlərdən Cəlil Məmmədquluzadənin 120  və 150 illiyi, Hüseyn Cavidin 120 illiyi, ,  Səməd Vurğunun 100 illiyi, Həsən Turabovun  80 illiyi, Mehdi Məmmədovun 100 illiyi, Leyla Bədirbəylinin 100 illiyi,  “Yeni teatr” gənc rejissorların ümumrespublika festivalının açılış və bağlanış mərasimləri, Gənclər Festivalı çərçivəsində “Tarixin canlı səhifələri”ni qeyd etmək olar. İstedadlı rejissor həm də “I və II Nəsimi – şeir, incəsənət və mənəviyyat” festivalları çərçivəsində Leyla Bəyim və Yefim Avramovun müəllifi olduğu “İmmolatio” ("Qurbanvermə") və  “LEYLA. FONS VITAE” poeziya tamaşalarına maraqlı səhnə həyatı bəxş etmişdir.

Milli mədəniyyətimizin inkişafındakı xüsusi xidmətlərinə görə Vaqif Əsədov 1977-ci ildə Azərbaycan Respublikasının əməkdar artisti, 2006-cı ildə Azərbaycan Respublikasının xalq artisti fəxri adları ilə təltif edilmişdir. 2006-cı ildən Azərbaycan Respublikası Prezidentinin təqaüdçüsü olan rejissor, 2018-ci il tarixində Azərbaycan Respublikası Prezidentinin Fəxri diplomuna layiq görülmüşdür.

Gözəl insan, istedadlı sənətkar Vaqif Əsədovun xatirəsi tamaşaçıların, həmkarlarının, əzizlərinin qəlbində əbədi yaşayacaqdır. 

Allah rəhmət eləsin!

XƏBƏRLƏR

12.08.2022 17:50
Nazirin birinci müavini Elnur Əliyev Xalq artisti Azərpaşa Nemətovla görüşüb
11.08.2022 16:51
"Qonağımız var" layihəsi çərçivəsində Azərbaycanın Xalq yazıçısı Anar ilə görüş keçirilib
10.08.2022 17:13
Azərbaycan Respublikası Mədəniyyət Nazirliyinin Apellyasiya Şurasının növbəti iclası keçirilib
10.08.2022 17:01
Uşaq musiqi, incəsənət, rəssamlıq, muğam, aşıq məktəb və mərkəzlərinə müəllimlərin işə qəbulu üzrə keçirilmiş test imtahanının nəticələri açıqlanıb
08.08.2022 11:43
“Şuşa mədəniyyətinin inciləri”: Şəmsi Bədəlbəyli
03.08.2022 18:28
Mədəniyyət naziri Qırğızıstanın ölkəmizdəki səfiri ilə görüşüb
03.08.2022 16:49
Qobustan qoruğu haqqında sənədli film və kataloqun təqdimatı keçirildi
03.08.2022 12:45
Azərbaycan Kinosu Günü ilə bağlı “Böyük Qayıdış” müsabiqəsinin qalibləri olan filmlər nümayiş edilib
02.08.2022 11:03
Mədəniyyət naziri Anar Kərimov “Yüksəliş” müsabiqəsinin qalibi Fərrux Əliyev ilə görüşdü
01.08.2022 17:31
II Milli Yaylaq Festivalına 120 mindən artıq iştirakçı qatılıb
01.08.2022 13:40
Azərbaycan Respublikası Mədəniyyət Nazirliyinin 2022-ci ilin birinci yarısında fəaliyyətinə dair hesabat
01.08.2022 12:40
“Bəşəriyyətin ortaq dəyəri - Qobustan" sənədli filminin və “Qobustan - Cingirdağ-Yazılıtəpə və Sona qaya petroqliflərinin korpusu” adlı kataloqun təqdimat mərasimi keçiriləcək
01.08.2022 12:05
“Muzeyi peşəkardan öyrənək” layihəsi çərçivəsində Sumqayıtda tədbir keçirilib
01.08.2022 11:04
Mədəniyyət Nazirliyinin dəstəyi ilə Milli Yaylaq Festivalının rəsmi açılış mərasimi baş tutub
28.07.2022 18:56
Azərbaycan Respublikasında elm və təhsil sahəsində idarəetmənin təkmilləşdirilməsi ilə bağlı bəzi tədbirlər haqqında Azərbaycan Respublikası Prezidentinin Fərmanı
27.07.2022 14:33
Mədəniyyət Nazirliyinin Media və kommunikasiya şöbəsi Londonda "CNN" telekanalının qonağı olub
27.07.2022 09:27
Reza Deqatinin 70 illik yubileyi qeyd edilib
26.07.2022 13:10
Mədəniyyət Nazirliyinin dəstəyi ilə Milli Yaylaq Festivalı keçirilir
25.07.2022 10:40
“Şuşa mədəniyyətinin inciləri”: Vasif Adıgözəlov
22.07.2022 18:16
Anar Kərimov İsmayıllı, Ağsu, Şamaxı, Qobustan, Qəbələ rayonlarının mədəniyyət işçiləri ilə görüş keçirib
22.07.2022 16:16
Nazir Anar Kərimov İsmayıllı rayonunda mədəniyyət müəssisələrinin fəaliyyəti ilə tanış olub
22.07.2022 12:00
Mədəniyyət naziri Milli Mətbuat Günü münasibətilə media nümayəndələrini təbrik edib
22.07.2022 11:18
Nazir Anar Kərimov Qəbələdə mədəniyyət müəssisələrinin fəaliyyəti ilə tanış olub
22.07.2022 10:38
Nazirin birinci müavini Elnur Əliyev Xalq artisti Bəxtiyar Xanızadə ilə görüşüb
21.07.2022 12:37
Mədəniyyət naziri Qəbələdə vətəndaşlarla görüşüb
20.07.2022 15:02
“Şuşanın irsi” və “Qafqaz Albaniyası: Əsrlərin dərinliklərindən gələn bir ölkədir” adlı kitablar dünya kitabxanalarına göndərilib
19.07.2022 17:46
Mədəniyyət naziri media nümayəndələri ilə görüşdü
19.07.2022 16:52
Azərbaycan musiqi mədəniyyətinə ağır itki üz verib