Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
1090

Latviyada Zəfər Günü və “Şuşa İli”nə həsr olunmuş təntənəli konsert keçirilib

Noyabrın 9-da ölkəmizin Latviyadakı səfirliyi tərəfindən Riqada Azərbaycan Respublikası Mədəniyyət Nazirliyinin dəstəyi və Latviya Milli Kitabxanası ilə birgə əməkdaşlıq çərçivəsində Zəfər Gününə və “Şuşa İli”nə həsr olunmuş təntənəli konsert keçirilib. Konsert Latviyanın ən müasir və tanınmış mədəniyyət ocaqlarından biri olan və Latviyanın çağdaş memarlıq nümunələrindən hesab edilən Latviya Milli Kitabxanasında təşkil olunub.

Xəbər verir ki, tədbirdə Latviyanın sabiq prezidenti Andris Berzinş, Latviya dövlət qurumlarının rəsmiləri, bu ölkədə akkreditə olunan diplomatik korpusun, akademik, incəsənət, ictimai dairələrin nümayəndələri, Latviyada fəaliyyət göstərən ölkəmizin aparıcı diaspora təşkilatlarının üzvləri, eləcə də tələbələr iştirak ediblər.

Azərbaycanın Latviyadakı səfiri Elnur Sultanov tədbirdə çıxış edib. O diqqətə çatdırıb ki, Azərbaycan xalqı Zəfər Gününü Müzəffər Ali Baş Komandan İlham Əliyevin rəhbərliyi altında rəşadətli Azərbaycan Ordusu tərəfindən ərazilərimizin Ermənistanın 30 illik hərbi işğalından azad edilməsi, ədalətin və beynəlxalq hüququn bərqərar olması günü kimi hər il noyabrın 8-də qürurla qeyd edir. Səfir qeyd edib ki, Ermənistanın kapitulyasiyasına aparan 2020-ci il noyabrın 8-də Şuşanın işğaldan azad edilməsi xalqımızın və Şanlı Ordumuzun qəhrəmanlıq ruhunun təntənəsinə çevrilib. Diplomat torpaqlarımızın azadlığı uğrunda canlarından keçən bütün şəhidlərimizin əziz xatirəsinin xalqımızın qəlbində əbədi yaşayacağını bildirib.

E.Sultanov Latviya Prezidenti Eqils Levitsin iyunun 16-da Bakıda keçirilən IX Qlobal Bakı Forumunun iştirakçılarına müraciətində 2022-ci ilin “Şuşa İli” elan edilməsinin bu ili xüsusiləşdirdiyini vurğuladığını və Şuşanın Azərbaycanın mühüm tarixi və mədəni məkanı kimi ölkənin mədəniyyət paytaxtı statusunu almasını diqqətə çatdırdığını söyləyib. Uğurla inkişaf edən Azərbaycan-Latviya münasibətlərinə toxunan diplomat keçirilən mədəni tədbirlərin iki ölkə arasında sıx dostluq əlaqələrini daha da gücləndirdiyini bildirib.

Səfir Azərbaycan Prezidentinin müvafiq Sərəncamı ilə 2022-ci ilin “Şuşa İli” elan olunduğunu, bu il Şuşa şəhərinin salınmasından 270 il keçdiyini və bugünkü tədbirin həm də Azərbaycanın mədəniyyət paytaxtı olan “Şuşa İli”nə həsr olunduğunu diqqətə çatdırıb. E.Sultanov Şuşanın Azərbaycan mədəniyyətinə böyük şəxsiyyətlər bəxş etdiyini ifadə edərək 2022-ci ildə həm də Qarabağın tanınmış musiqiçi nəslindən olan böyük Azərbaycan bəstəkarı Fikrət Əmirovun anadan olmasının 100 illiyinin qeyd olunduğunu diqqətə çatdırıb. Vurğulayıb ki, dahi bəstəkarın yubileyi UNESCO-nun Yubileylər Siyahısına daxil edilib və bu konsert, həm də Fikrət Əmirovun 100 illik yubileyinə həsr olunub.

Səfir, həmçinin noyabrın 9-nun Azərbaycanda Dövlət Bayrağı Günü olaraq qeyd edildiyini, Azərbaycan Xalq Cümhuriyyətindən miras qalmış Azərbaycanın Dövlət Bayrağının milli suverenlik rəmzi kimi ölkəmizin bütün vətəndaşları üçün müqəddəs dövlətçilik atributlarından birinə çevrildiyini söyləyib. O, Zəfər Günü və Dövlət Bayrağı Günü münasibətilə Latviyada yaşayan həmvətənlilərimizi təbrik edib.

Daha sonra Azərbaycanın Əməkdar artistləri – tarzən Sahib Paşazadə, vokalçı İlham Nəzərov və bir sıra respublika və beynəlxalq müsabiqələr laureatı, pianoçu Səidə Tağızadə Azərbaycan və Latviya bəstəkarlarının əsərlərini uğurla ifa ediblər. Konsert dinləyicilər tərəfindən böyük marağa səbəb olub və gurultulu alqışlarla qarşılanıb.

XƏBƏRLƏR

19.04.2024 16:59
Mədəniyyət Nazirliyi yanında İctimai Şura “Azərbaycan uşaq ədəbiyyatı: uğurlar, qayğılar” mövzusunda ictimai müzakirə təşkil edib
18.04.2024 16:49
Ölkəmizdə Beynəlxalq Abidələr və Tarixi Yerlər Günü qeyd olunur
18.04.2024 14:13
Mədəniyyət Nazirliyi “Nəşrlərin satın alınması müsabiqəsi”ni elan edir
18.04.2024 13:31
Akademik Opera və Balet Teatrı ilk dəfə İtaliyaya qastrola dəvət olunub
16.04.2024 09:46
“Yaradıcı müzakirələr” (“Creative Talks”) layihəsinə qeydiyyat başlayıb
15.04.2024 15:11
“Səslənən irsimiz” – Mədəniyyət Nazirliyi tərəfindən yeni layihə həyata keçirilir
05.04.2024 12:33
Azərbaycanda keçirilən Belarus Mədəniyyəti Günlərinin geniş icmalı
04.04.2024 12:28
Azərbaycan Respublikasında Belarus Respublikasının Mədəniyyət Günləri çərçivəsində “Belarus rəssamların gözü ilə” adlı sərginin açılışı oldu
03.04.2024 16:20
Azərbaycan və Belarus mədəniyyət xadimlərinin iştirakı ilə dəyirmi masa keçirilib
03.04.2024 15:11
Bakıda Belarus Mədəniyyəti Günlərinin təntənəli açılış mərasimi keçirilib
02.04.2024 12:44
Mədəniyyət naziri Adil Kərimli belaruslu həmkarı Anatoli Markeviçlə görüşüb
22.03.2024 22:10
Parisdə Azərbaycan və UNESCO arasında əməkdaşlığın inkişaf etdirilməsi müzakirə olunub
15.03.2024 15:16
Azərbaycan Milli Xalça Muzeyində “Türk xalqlarının geyim və zərgərlik mədəniyyəti” sərgisi açıldı
13.03.2024 14:13
Azərbaycan və Xorvatiya arasında iqtisadi əməkdaşlıq üzrə Birgə Komissiyanın 3-cü iclası keçirilib
07.03.2024 15:04
Mədəniyyət naziri Zaqatalada vətəndaşları qəbul edib
05.03.2024 17:19
Heydər Əliyev Mərkəzində Türk dünyası rəssamlarının “Tomris” adlı sərgisi keçirilib
04.03.2024 09:50
"Qarabağ” Futbol Klubu haqqında sənədli filmin təqdimatı keçirilib
01.03.2024 17:22
Bakı Şəhər Mədəniyyət Baş İdarəsinin tabeliyindəki müəssisələrin fəaliyyəti üzrə ictimai dinləmə keçirilib
01.03.2024 13:00
“Young Lions” Azerbaijan yaradıcı gəncləri səsləyir!
01.03.2024 12:55
Mədəniyyət Nazirliyində "TikTok" nümayəndə heyəti ilə görüş olub
28.02.2024 18:01
“Salam, Novruz!” 28 fevral – 15 aprel
28.02.2024 15:34
Xalq artisti Süleyman Ələsgərovun 100 illik yubileyinə həsr olunan konsert keçirilib
26.02.2024 09:00
CINEMO ilk Mobil Film Festivalının Qala Gecəsi keçirildi