Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
261

“İpək Yolu dürdanəsi” XIV Daşkənd kinofestivalı çərçivəsində Qərbi azərbaycanlıların deportasiyasına həsr edilən “Torpaq” filminin nümayişi olub

Özbəkistanda “İpək Yolu dürdanəsi” XIV Daşkənd Beynəlxalq Film Festivalına start verilib. Festivalda dünyanın 40 ölkəsindən 500-ə yaxın xarici kino ulduzu, kinematoqrafçılar və media nümayəndələri iştirak edir. Azərbaycan da bu nüfuzlu kino festivalda təmsil olunan ölkələr sırasındadır. Festival çərçivəsində bir neçə ölkənin kino şirkətləri ilə “Özbəkfilm” arasında memorandum imzalanıb.

Festivalın keçirildiyi “Özbəkfilm”də Azərbaycanın nümayəndə heyəti ilə görüş keçirilib. Görüşdə 2021-ci ildə özbək və Azərbaycan kinematoqrafçıları arasında əməkdaşlıq və müştərək filmlərin çəkilməsini nəzərdə tutulan memorandumun nəticələri müzakirə olunub. Qeyd edildi ki, memoranduma Xalq artisti, kinorejissor Vaqif Mustafayevin müəllifi olduğu “Molla Nəsrəddin və yaxud çətin günlərimin dostu” kinolayihəsi yaxın gələcəkdə istehsalata buraxılacaq. “Azərbaycanfilm”in direktoru Nazim Hüseynov, Əməkdar incəsənət xadimi Ayaz Salayev iki ölkə arasında mədəni əlaqələrin inkişafında kino sahəsinin önəmindən söz açıblar.

Özbəkistandakı Heydər Əliyev adına Azərbaycan Mədəniyyət Mərkəzində “İpək Yolu dürdanəsi” XIV Daşkənd kinofestivalı çərçivəsində Daşkənd və Buxara şəhərlərində keçiriləcək “Azərbaycan kinosu günləri”nin açılışı olub.

Azərbaycan Mədəniyyət Nazirliyi, “Özbəkkino” Milli Agentliyi və Azərbaycan Mədəniyyət Mərkəzinin birgə təşəbbüsü və dəstəyi ilə keçirilən tədbirdə iştirakçılar əvvəl ulu öndər Heydər Əliyevin mərkəzin qarşısındakı abidəsi önünə və şəhidlər bağına əklil və çiçək dəstələri düzüblər.

Qeyd edək ki, “Azərbaycan kinosu günləri”nin açılışı qardaş ölkədə böyük maraqla qarşılanıb, tədbirdə Özbəkistanın mədəniyyət, incəsənət ictimaiyyəti, yerli azərbaycanlılar, çoxsaylı təhsil müəssisələrinin müəllim və tələbələri, mətbuat nümayəndələri iştirak ediblər.

İlk öncə Ermənistanın son günlər Azərbaycanla sərhəddə təxribatı nəticəsində  həlak olan  şəhidlərimizin əziz xatirəsi bir dəqiqəlik sükutla yad olunub.

Özbəkistandakı Heydər Əliyev adına Azərbaycan Mədəniyyət Mərkəzinin direktoru Samir Abbasov Azərbaycanla Özbəkistan arasında bütün sahələrdə əməkdaşlığın durmadan inkişaf etdiyini, dövlət başçımız Prezident İlham Əliyevin Özbəkistana səfəri, keçirilən görüşlər, imzalanan müqavilələr ölkələrimiz arasında əməkdaşlıqda yeni imkanlar açdığını qeyd edib.

O, iki ölkə arasında mədəniyyət sahəsində əlaqələrdən danışaraq, həm ötən il, həm də bu il Özbəkistanda keçirilən beynəlxalq kinofestivalda Azərbaycan Mədəniyyət Nazirliyinin dəstəyi ilə ölkəmizin geniş təmsil olunduğunu, Azərbaycan kinolarının Özbəkistanda böyük maraq və  sevgi ilə qarşılandığını söyləyib.

Diplomat 30 ilə yaxın işğal altında qalan Vətən torpaqlarının 2020-ci ildə Azərbaycan ordusunun şücaəti, Ali Baş komandanımızın müdrik siyasəti nəticəsində azad olunduğunu və bu gun kinomuzun azad Qarabağımızdan, Şərqi Zəngəzurumuzdan filmlər yaratmasının qürurverici olduğunu qeyd edib.
“Ozbəkkino Milli Agentliyi”nin rəsmisi, “Gənclik” kinostudiyasının rəhbəri Adxam Nurkulov ölkədə son vaxtlar kinematoqrafçılara yaradılan şərait haqqında məlumat verib, Özbəkistanda keçirilən kinofestivaldan, Azərbaycan kinematoqrafçıları ilə əməkdaşlıqdan danışıb. O, beynəlxalq kinofestivalda dünyanın 35 ölkəsindən gələn 300-dən artıq kinematoqrafçı, rejissor, tanınmış artist, kino sahəsinin mütəxəssislərinin  iştirak etdiyini qeyd edib.

Tədbirdə çıxış edən Azərbaycan Respublikasının Xalq artisti Gülyanaq Məmmədova Özbəkistanın Xalq artisti adına layiq görüldüyü üçün özbək xalqına və dövlət başçısı Şavkat Mirziyoyevə minnətdarlıq edib, Festivalın işinə uğurlar arzulayıb.

Daha sonra filmlərin nümayişinə başlanılıb. Kinorejissorlar Ayaz Salayevin “Torpaq” və İlqar Nəcəfin “Suğra və onun oğulları” filmləri nümayiş etdirilib. Hər iki rejissor yaradılan filmlər haqqında danışaraq, filmlərə dair öz fikirlərini bölüşüblər.

Azərbaycan Mədəniyyət Nazirliyinin sifarişi ilə hazırlanmış “Torpaq” filmində azərbaycanlıların öz ata-baba yurdlarından qovulması, deportasiyası, onların acı xatirələri, tarixi faktlar öz əksini tapır. Digər “Suğra və onun oğulları”  filmi də nümayiş olunub.  İkinci dünya müharibəsi dövrünün bütün keşməkeşlərini özündə cəmləşdirən filmdə sevgi və nifrətlə dolu həyat öz əksini tapıb. Hər iki film festival iştirakçılarının böyük marağına səbəb olmuş və rejissorlar tədbir iştirakçılarının alqışlarına layiq görülmüşlər.

Qeyd edək ki, Beynəlxalq Kino Festivalın davamı olaraq 17 sentyabr tarixində filmlərimiz Buxara şəhərində nümayiş olunacaqdır.

XƏBƏRLƏR

28.09.2022 08:52
“Hippolar: iqlim dəyişikliyi ilə mübarizə üçün dünya səyahəti” adlı sərgi təşkil edildi
27.09.2022 16:57
Mədəniyyət Nazirliyinin əməkdaşları şəhidlərimizin xatirəsini yad ediblər
26.09.2022 11:34
“Lənkəran şəhərinin mədəni inkişaf strategiyası” Avropa İttifaqı tərəfindən qalib seçilib
26.09.2022 10:32
Hüseyn Cavidin 140 illiyinin qeyd edilməsi haqqında Azərbaycan Respublikası Prezidentinin Sərəncamı
23.09.2022 20:31
Nazir Anar Kərimov Ağdaşda mədəniyyət müəssisələrinin fəaliyyəti ilə tanış olub
23.09.2022 19:38
“Şuşaya salam” Beynəlxalq Poeziya layihəsinin təqdimatı olub
23.09.2022 16:10
Azərbaycanda “Hippolar: iqlim dəyişikliyi ilə mübarizə üçün dünya səyahəti” adlı uşaqlar üçün sərgi keçirilir
23.09.2022 15:07
Mədəniyyət naziri Ağdaşda vətəndaşlarla görüşüb
23.09.2022 11:06
VI “DokuBaku” Beynəlxalq Sənədli Film Festivalı başlayıb
22.09.2022 18:07
Mədəniyyət naziri Göyçayda müəssisələrə baxış keçirib, mədəniyyət işçiləri ilə görüşüb
22.09.2022 14:34
Nazir Anar Kərimov Göyçayda mədəniyyət müəssisələrinin fəaliyyəti ilə tanış olub
22.09.2022 11:01
Tanınmış mədəniyyət yazarı, mərhum jurnalist Tahir Abbaslının kitabının təqdimatı keçirilib
22.09.2022 10:13
8-ci Bakı Beynəlxalq Kitab Sərgisinə sayılı günlər qalır
21.09.2022 11:12
“Azərbaycanda mədəniyyət iqtisadiyyatı: Şuşadan inkişaf impulsları” adlı beynəlxalq elmi-praktik konfrans başa çatıb
21.09.2022 10:53
“Qarabağın tarixi” müsabiqəsi davam etdirilir
20.09.2022 18:03
“Yaradıcı iqtisadiyyata dəstək, maliyyəyə çıxış”
20.09.2022 16:12
Beynəlxalq elmi-praktik konfransda mədəni iqtisadiyyatın qlobal tendensiyaları müzakirə olunub
20.09.2022 15:26
“Azərbaycanda mədəniyyət iqtisadiyyatı: Şuşadan inkişaf impulsları” beynəlxalq elmi-praktik konfransı Bakıda davam edir
19.09.2022 17:53
Beynəlxalq elmi-praktik konfransda məruzələr dinlənilib, dəyirmi masalar təşkil olunub
19.09.2022 16:09
Azərbaycan Milli Xalça Muzeyində “Geyimin cazibəsi: Belqrad Etnoqrafiya Muzeyinin sərgisi” açılıb
19.09.2022 15:44
Şuşada azad edilmiş torpaqlarda mədəniyyət iqtisadiyyatına dair müzakirələr aparılıb
19.09.2022 15:30
Əhməd Bakıxanov adına 6 nömrəli Uşaq musiqi məktəbinin əsaslı təmirdən sonra açılışı olub
19.09.2022 15:19
Səbail rayon Mərkəzi Kitabxanasının binasının əsaslı təmirdən sonra açılışı oldu
19.09.2022 13:12
Şuşada “Azərbaycanda mədəniyyət iqtisadiyyatı: Şuşadan inkişaf impulsları” adlı beynəlxalq elmi-praktik konfrans keçirilir
19.09.2022 12:51
“Şuşa mədəniyyətinin inciləri”: Süleyman Ələsgərov
19.09.2022 12:38
Özbəkistanda “İpək Yolunun dürdanəsi” adlı Beynəlxalq kinofestivala yekun vurulub
19.09.2022 11:23
Ölkəmiz İzmirdə Beynəlxalq Çəpni Barış Festivalında təmsil olunub
19.09.2022 10:59
Beynəlxalq elmi-praktik konfransın iştirakçıları Şuşanın görməli yerləri ilə tanış olublar
19.09.2022 10:31
Milli Musiqi Günü münasibətilə Üzeyir Hacıbəylinin məzarı ziyarət olundu
19.09.2022 10:18
Beynəlxalq elmi-praktik konfransın iştirakçıları Füzulidə erməni vandalizminin şahidi olublar
19.09.2022 10:11
Beynəlxalq elmi-praktik konfransın iştirakçıları Qobustan Milli Tarix-Bədii Qoruğunda olublar
19.09.2022 10:08
Beynəlxalq elmi-praktik konfransın iştirakçılarının Şuşaya səfəri başlayıb