Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
620

“Lənkəran şəhərinin mədəni inkişaf strategiyası” Avropa İttifaqı tərəfindən qalib seçilib

“Lənkəran şəhərinin mədəni inkişaf strategiyası” Avropa İttifaqı (Aİ) tərəfindən həyata keçirilən “EU4Culture” (“Avropa İttifaqı mədəniyyət naminə”) layihəsinin “Şərq Tərəfdaşlığı ölkələrində iqtisadi inkişaf və sosial rifah üçün mühərrik kimi mədəniyyət və yaradıcılığın təşviqi” qrant müsabiqəsində qalib olub.

Bu münasibətlə sentyabrın 23-də Lənkəran şəhərində təqdimat keçirildi. Tədbirdə mədəniyyət nazirinin birinci müavini Elnur Əliyev, nazirliyin Yaradıcı sənayelər və rəqəmsal inkişaf şöbəsinin müdiri Ramil Abbəkirov, Avropa İttifaqının Azərbaycandakı nümayəndəliyinin rəhbəri Peter Mixalko, tərəfdaş ölkələrin ölkəmizdəki səfirlikləri, Lənkəran Şəhər İcra Hakimiyyətinin başçısı Taleh Qaraşov iştirak edirdi.

İlk olaraq layihə haqqında geniş məlumat diqqətə çatdırıldı. Avropa İttifaqının “EU4Culture” layihəsinin yerli əlaqələndiricisi Firuzə Bağır bildirdi ki, 2021-ci ilin may ayında elan edilən proqram Şərq Tərəfdaşlığı ölkələrində qeyri-paytaxt və regionlara xüsusi diqqət yetirməklə mədəniyyət və yaradıcı sektoru dəstəkləmək üçün Avropa İttifaqı tərəfindən maliyyələşdirilən dördillik layihədir. Layihənin ölkəmiz üzrə həyata keçirilməsində tərəfdaş Azərbaycan Respublikasının Mədəniyyət Nazirliyidir: “Layihə çərçivəsində alınan qrant hesabına şəhərlər üçün mədəniyyət strategiyası hazırlanacaq. Gələcəkdə növbəti mərhələdən uğurla keçəcək şəhərlər üçün strategiyanın həyata keçirilməsi məqsədilə 300 min avro qrant ayrılması nəzərdə tutulub. Təqdim olunan müraciətlər qiymətləndirildikdən sonra ölkə üzrə Şəki, Xırdalan və Lənkəran şəhərləri öz mədəni inkişaf strategiyalarını hazırlamaq üçün 30 min avro qrant qazanıblar. Lənkəran şəhərindən layihə üçün nazirliyin Lənkəran Regional Mədəniyyət İdarəsi (RMİ) müraciət etmişdi”.

Avropa İttifaqının Azərbaycandakı nümayəndəliyinin rəhbəri Peter Mixalko çıxışında diqqətə çatdırdı ki, Aİ tərəfindən Höte İnstitutunun koordinasiyası ilə Şərq Tərəfdaşlığı ölkələrinin qeyri-paytaxt şəhər və qəsəbələrində mədəniyyət və yaradıcı sektoru dəstəkləmək məqsədilə 2021-ci ilin iyun ayında ümumi büdcəsi 40 milyon avro olan “EU4Culture” qrant müsabiqəsi elan olunmuşdu: “Bu layihə Avropa İttifaqı tərəfindən hazırlanmış ən böyük mədəniyyət proqramlarından biridir. Lənkəran şəhərinin bu layihədə qalib olması bizləri sevindirir. Bu qrant vasitəsilə şəhərdə mədəni layihələri dəstəkləməklə orta sahibkarlığın da inkişafına təkan veriləcək.  Mədəniyyət cəmiyyət üçün universal dəyərə malikdir. Avropa İttifaqının gündəmdə olan əsas prioritetlərindən biri də mədəniyyət sahəsidir və əməkdaşlığın mühüm mövzularındandır. Mədəniyyət sahəsinin inkişafına yönələn bu layihə insanların sosial-iqtisadi inkişafına da töhfədir. 

Çıxışının sonunda layihənin tərəfdaşlarına təşəkkürünü bildirən Peter Mixalko layihənin simvolik kubokunu Lənkəran Regional Mədəniyyət İdarəsinin rəisi Şahin Şahbazova təqdim etdi.

Şahin Şahbazov “EU4Culture” layihəsi çərçivəsində elan edilən “Şərq Tərəfdaşlığı ölkələrində iqtisadi inkişaf və sosial rifah üçün mühərrik kimi mədəniyyət və yaradıcılığın təşviqi” qrant müsabiqəsində qalib olmalarından məmnunluğunu ifadə edərək dəstək olan təşkilatlara minnətdarlığını dilə gətirdi. Layihə çərçivəsində Lənkəran şəhərinin mədəni inkişaf strategiyasının hazırlandığını diqqətə çatdıran RMİ-nin rəisi layihənin uğurla reallaşacağına ümidvar olduğunu bildirdi.

Tədbirdə çıxış edən mədəniyyət nazirinin birinci müavini Elnur Əliyev bildirdi ki, bu gün nazirliyin qarşısında duran məqsədlərdən biri də mədəniyyətin iqtisadiyyata çevrilməsidir: “Müxtəliflik mədəniyyətimizi rəngarəng edir. Ölkəmiz Avropa İttifaqı ilə bir sıra sahələrdə əməkdaşlıq edir. Bunlardan biri də mədəniyyət sahəsidir. Bizim bu sahədə böyük potensialımız var. Layihə qeyri-paytaxt şəhərlərə həsr olunub. Amma mən bu layihəni “hər şəhər bir paytaxtdır” – deyə adlandırardım. Məqsədimiz ilk növbədə mədəni dəyərlərimizə diqqət və qayğı ilə yanaşaraq onları təbliğ etməkdir. Lənkəran camaatı öz nemət və dəyərləri ilə fəxr edərək bu dəyərləri bu bölgənin inkişafına həsr etməklə töhfələr verə bilərlər. Bu gün dünya bərpaolunan enerji mənbələri haqqında danışır. Azərbaycan üçün mədəniyyət ən zəngin mənbədir. Biz bu mənbəni, mədəniyyəti iqtisadi inkişafa səfərbər etməliyik. Biz bu gün regional mədəniyyət idarələrini bölgələrdə yerləşən mədəniyyət müəssisələrinə idarəedici kimi deyil, bu sahənin inkişafına iqtisadi töhfələr verən koordinator kimi görürük. Layihəyə dəstək verən təşkilatlara təşəkkür edirəm.

Lənkəran Şəhər İcra Hakimiyyətinin başçısı Taleh Qaraşov çıxışı zamanı əlamətdar hadisə münasibətilə bütün lənkəranlıları təbrik etdi. Bildirdi ki, bu qalibiyyət Lənkəran üçün xüsusi önəm kəsb edir. Taleh Qaraşov Lənkəran Şəhər İcra Hakimiyyətinin əsas tərəfdaşlığı ilə həyata keçiriləcək layihənin tarixi və mədəni irsinin təbliğinə xidmət edəcəyini və sosial inkişafına töhfə verəcəyini vurğuladı.

Beynəlxalq kulinariya çempionatında Lənkəranın ilk kulinariya komandasının  1-ci yeri qazandığını deyən icra başçısı Prezident İlham Əliyevin və Birinci vitse- prezident, UNESCO-nun və ISESCO-nun xoşməramlı səfiri Mehriban xanım Əliyevanın diqqət və qayğısı nəticəsində “Cənub mirvarisi” olan Lənkəran şəhərinin UNESCO-nun “qastronomiya” tematikası üzrə 2021-ci ildə “Yaradıcı şəhərlər şəbəkəsi”nə daxil edildiyini bildirdi. Qeyd etdi ki, layihə çərçivəsində kitabxana, muzey, qalereya və regionda fəaliyyət göstərən digər mədəniyyət ocaqlarının fəaliyyətində Avropa modellərinin tətbiq edilməsi, eləcə də şəhərin mədəniyyət potensialının artırılması və regionda mədəni əməkdaşlığın inkişaf etdirilməsi önəmlidir.

Təqdimatda çıxış edən Fransanın ölkəmizdəki səfiri Zakari Qros, Avropa İttifaqının regional tədqiqatlar üzrə koordinatoru Marika Jabua Lənkəran şəhərinin sakinlərini təbrik edərək layihənin reallaşmasında uğurlar arzuladılar.

Qeyd edək ki, müsabiqəyə Azərbaycan üzrə səkkiz şəhər müraciət etmişdi: Lənkəran, Sumqayıt, Gəncə, Mingəçevir, Yevlax, Şirvan, Xırdalan və Şəki. Lənkəran şəhəri üçün müraciət Mədəniyyət Nazirliyinin Lənkəran Regional Mədəniyyət İdarəsi vasitəsilə həyata keçirilib. Layihə üzrə strategiya iki il ərzində icra ediləcək. Maliyyə dəstəyi ilə yanaşı, layihə çərçivəsində qalib şəhərin mədəniyyət sahəsində potensialının gücləndirilməsinə yönəlmiş dəstək və təlim proqramları keçiriləcək.

XƏBƏRLƏR

05.12.2022 17:34
Mədəniyyət naziri Anar Kərimov gənc kinematoqrafçılarla görüşüb
05.12.2022 16:52
Maestro Rauf Abdullayevin 85 illiyi qeyd olunub
05.12.2022 10:26
"Şuşa – Zirvədən uca" və "Şuşa – Qarabağın ulduzu" kitablarının təqdimatı keçirilib
02.12.2022 18:14
Heydər Əliyev Sarayında təntənəli konsert proqramı - "Şövkət Ələkbərova 100"
02.12.2022 17:22
Mədəniyyət Nazirliyi tabeliyində olan kitabxanalara işə qəbul üzrə keçirilmiş müsabiqənin test mərhələsinin nəticələrini elan edir
02.12.2022 11:26
“Şuşa İli” çərçivəsində heykəltaraşlıq müsabiqəsinin qalibləri müəyyən olunub
01.12.2022 17:51
Azərbaycanın qeyri-maddi mədəni irsi ilə bağlı daha 4 element UNESCO-nun siyahısına daxil edilib
30.11.2022 16:52
Türkmənistanda dünya xalqlarının musiqi sənətinə həsr olunmuş beynəlxalq festivalda Azərbaycan da təmsil olunur
30.11.2022 16:27
Türk dünyasının birlik simvoluna çevrilən Əhməd Cavadın yubileyi qeyd olunub
30.11.2022 15:58
Tatarıstan Respublikasının mədəniyyət naziri ilə görüş keçirilib
30.11.2022 11:10
Nazir Anar Kərimov Yevlaxda mədəniyyət müəssisələrinin fəaliyyəti ilə tanış olub
29.11.2022 15:46
Mədəniyyət naziri Yevlax şəhərində vətəndaşlarla görüşüb
29.11.2022 12:42
Azərbaycan Respublikası Mədəniyyət Nazirliyinin sistemində olan kitabxanalara işə qəbul üzrə test imtahanı keçirilib
29.11.2022 11:46
Anar Kərimov Mingəçevirdə mədəniyyət işçiləri ilə görüş keçirib
29.11.2022 10:37
Özbəkistanda “Türkistan və Qafqazların unikal tarixi xəritələri” adlı sərgi açılacaq
28.11.2022 19:57
Mədəniyyət müəssisələrində fəaliyyət müasir tələblərə uyğun şəkildə qurulmalıdır
28.11.2022 15:41
“Mərmər soyuğu” filmi Estoniyada mükafata layiq görülüb
28.11.2022 15:07
Mədəniyyət naziri Mingəçevirdə müəssisələrin fəaliyyəti ilə tanış olub
25.11.2022 20:06
Nazir Anar Kərimov Azərbaycanda Amerika Ticarət Palatasının təşkil etdiyi növbəti görüşün qonağı olub
25.11.2022 18:05
Avropa Şurasının Mədəniyyət, İrs və Landşaft üzrə Rəhbər Komitəsinin 11-ci plenar iclası öz işini yekunlaşdırıb
25.11.2022 15:43
Görkəmli Azərbaycan bəstəkarı Fikrət Əmirovun 100 illiyi Nyu-Yorkda təntənə ilə qeyd edilib
25.11.2022 14:52
II “4.4 Qısa Tamaşalar Festivalı” çərçivəsində Xalq artisti Cahangir Novruzovun ustad dərsləri keçirilib
25.11.2022 10:15
BMT Sivilizasiyalar Alyansının Qlobal Forumunda Azərbaycanın təşəbbüsləri təqdim edilib
24.11.2022 18:10
“Yuxarı Gövhər Ağa məscidi” adlı sənədli filminin təqdimatı olub
24.11.2022 17:22
Mingəçevir Dövlət Dram Teatrında təyinat
24.11.2022 15:01
Dövlət Xidmətinin əməkdaşları ANAMA-nın təlimində iştirak edib
23.11.2022 12:07
Fikrət Əmirovun 100 illiyinə həsr olunmuş təntənəli yubiley gecəsi keçirilib
22.11.2022 19:15
Mərakeşdə BMT Sivilizasiyalar Alyansının IX Qlobal Forumu keçirilir
22.11.2022 16:29
Fikrət Əmirovun doğum günündə Fəxri xiyabanda məzarı ziyarət olunub
21.11.2022 12:56
“Şuşa mədəniyyətinin inciləri”: maestro Niyazi
21.11.2022 12:25
Özbəkistanda Azərbaycan ədəbiyyatının da yer aldığı “Türk ədəbiyyatının inciləri” adlı 100 cildlik kitablar seriyası nəşr edildi
21.11.2022 11:07
Mədəniyyət naziri Anar Kərimov Rabatda ICESCO-nun Baş direktoru ilə görüşüb
21.11.2022 10:10
Gəncədə Fikrət Əmirovun 100 illik yubileyinə həsr olunmuş konsert proqramı keçirilib
18.11.2022 17:55
Xızının mədəniyyət işçiləri narkomaniyaya qarşı