Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
556

Beynəlxalq Muzeylər Günü münasibətilə "Muzeydə gecə" adlı tədbir keçirildi

18 may – Beynəlxalq Muzeylər Günü ilə bağlı ölkəmizdə müxtəlif tədbirlər keçirildi, layihələr təqdim edildi. Əlamətdar gün münasibətilə Azərbaycan Milli İncəsənət Muzeyinin həyətində təşkil edilən "Muzeydə gecə" adlı tədbir xüsusilə yaddaqalan oldu.

Mədəniyyət Nazirliyinin təşkilatçılığı və İsveçin Azərbaycandakı Səfirliyinin dəstəyi ilə gerçəkləşən tədbirdə TÜRKSOY-un Baş katibi Sultan Raev, İCESCO-nun Baş direktoru Salim bin Məhəmməd əl-Malik, mədəniyyət nazirinin müavini Sevda Məmmədəliyeva, Türkiyə mədəniyyət və turizm nazirinin müavini Sərdar Çam, İsveç Krallığının ölkəmizdəki səfiri Kristian Kamill, yaradıcı təşkilatların rəhbər şəxsləri, mədəniyyət və incəsənət xadimləri, digər qonaqlar iştirak edirdi.

Giriş sözü ilə çıxış edən mədəniyyət nazirinin müavini Sevda Məmmədəliyeva bildirdi ki, Beynəlxalq Muzeylər Günü Azərbaycanda da geniş miqyasda qeyd edilir. Bu əlamətdar tarixlə əlaqədar Mədəniyyət Nazirliyinin tabeliyində fəaliyyət göstərən muzeylərdə “açıq qapı günü” elan olunub. Vətəndaşlar və ölkəmizin qonaqları 18 may tarixində ödənişsiz olaraq muzeyləri ziyarət etmək imkanı əldə edirlər.

"Muzeydə gecə" tədbiri haqqında məlumat verən nazir müavini qeyd etdi ki, layihə çərçivəsində Əməkdar artist Fuad İbrahimovun dirijorluğu ilə muzeydə ilk dəfə açıq səma altında Bakı Kamera Orkestrinin konserti keçiriləcək. Həmçinin muzeyin zəngin kolleksiyasından seçilmiş eksponatlar əsasında Xalq rəssamı Səttar Bəhlulzadənin sehrli sənət dünyasının instalyasiyaya çevrildiyi proqram təqdim ediləcək.

30 il əvvəl, 1992-ci il mayın 18-də Azərbaycanın Laçın rayonunun Ermənistan silahlı qüvvələri tərəfindən işğal olunduğunu xatırladan Sevda Məmmədəliyeva dedi ki, uzun illər bu tarix bizim üçün ağrılı günlərdən idi: “Azərbaycan Respublikasının Prezidenti, Ali Baş Komandan İlham Əliyevin rəhbərliyi ilə qüdrətli Ordumuzun qəhrəmanlığı sayəsində 2020-ci ili 44 günlük Vətən müharibəsində Qarabağ, o cümlədən Laçın rayonu düşmən işğalından azad edildi. Artıq 18 may tarixini biz Beynəlxalq Muzeylər Günü və bir bayram günü kimi ürəkdən, yüksək əhval-ruhiyyə ilə qeyd edirik. Hazırda işğaldan azad olunmuş ərazilərimizdə böyük quruculuq işləri həyata keçirilir. Bu layihələr çərçivəsində vaxtilə mövcud olan muzeylər də bərpa edilir. Nəhayət ki, illərdir doğma məkanından uzaq düşən muzeylərimiz vətəninə qayıdacaq və muzeylərin zəngin kolleksiyası öz doğma yurdunda sərgilənəcək".

Sevda Məmmədəliyeva çıxışının sonunda tədbir iştirakçılarını Beynəlxalq Muzeylər Günü münasibətilə təbrik etdi.

İsveçin ölkəmizdəki səfiri Kristian Kamill bildirdi ki, muzeylər ətrafımızdakı dünyanı dəyişdirmək gücünə malikdir. Onlar misilsiz kəşf məkanları olaraq bizə keçmişimiz haqqında öyrədir və zehnimizi yeni ideyalara açır: "Bu günə kimi təkcə Bakının əsas muzeylərində deyil, həm də kənd yerlərində çoxlu sayda muzeyləri ziyarət etmişəm. Bölgələrdə ziyarət etmək üçün ən azı onlarla muzey var ki, onların çoxu Azərbaycanın görkəmli musiqiçilərinin, şairlərinin və alimlərinin ev-muzeyləridir. Mən bütün bunları kəşf etməkdən böyük məmnunluq duyuram və fürsətdən istifadə edərək, ziyarət zamanı həmişə göstərilən səmimi qəbula görə bütün muzey işçilərinə təşəkkürümü bildirirəm. Mən xüsusilə şadam ki, bu gecə Könül Rəfiyevanın kuratorluğu ilə “İsveç-Azərbaycan incəsənət dialoqu” layihəsi də təqdim olunur. Paytaxtımız Stokholmdan olan rəssam Lyudmila Kristeseva və bakılı Günel Ravilova heç vaxt şəxsən görüşməyiblər, lakin pandemiya zamanı onlar bu gecə nümayiş etdirilən bu gözəl instalyasiyanı yaradıblar".

Bədii hissədə Mədəniyyət Nazirliyinin "Yeni adlar" layihəsinin iştirakçılarından olan gənc musiqiçilər – respublika və beynəlxalq müsabiqələr laureatları Əziz Pənah (qoboy) və Nərmin Nəcəfli (piano) çıxış etdilər. Onları Bakı Kamera Orkestri (dirijor – Əməkdar artist Fuad İbrahimov) müşayiət edirdi.

Musiqiçilər tərəfindən Üzeyir Hacıbəylinin “Arazbarı” zərbi-muğamı, D.Çimarozanın “Qoboy və orkestr üçün konsert”i, F.Mendelsonun “10 nömrəli simli simfoniya”sı və F.Şopenin “Fortepiano və orkestr üçün 1 nömrəli konsert”i ifa olundu.

Daha sonra dizayner Murad Hüseyn tərəfindən məşhur "Giedi" markasının muzey kolleksiyası əsasında hazırlanmış moda nümayişi oldu.

Sonra tədbir iştirakçıları Azərbaycan Milli İncəsənət Muzeyinin zəngin kolleksiyası və müxtəlif mövzu və muzeyin tarixinin fərqli dövrlərini əks etdirən sərgi layihələri aləminə səyahət etdi. Fərhad Fərzəliyev, Günel Ravilova, İbrahim Babayev, Lyudmila Kristeseva, Timur Əmirxanov kimi rəssam və müəlliflərin multimedia instalyasiyaları, rəqəmsal layihələr, davamlı inkişaf və gender mövzularında əsərləri gecə boyunca muzeyin müxtəlif guşələrində nümayiş olundu.

Qeyd edək ki, “Muzeydə gecə-2022” multimedia aksiyasının tədbirləri Mədəniyyət Nazirliyinin onlayn platforması “Museum.az” üzərindən işıqlandırılırdı.

XƏBƏRLƏR

01.07.2022 18:06
Mədəniyyət naziri Anar Kərimov Macarıstanın ölkəmizdəki səfiri Viktor Szederkenyini fəaliyyət müddətinin bitməsi ilə əlaqədar qəbul edib
01.07.2022 17:30
Professor Çingiz Fərzəliyev “İllüstrasiya sənəti” nominasiyasının qalibi olub
01.07.2022 16:48
“Mədəni gənclik” layihəsinə yekun vuruldu
01.07.2022 12:26
Bərdə Regional Mədəniyyət İdarəsinin əməkdaşları üçün təlimlər keçirilib
30.06.2022 17:31
UNESCO-nun “Silahlı münaqişə zamanı mədəni sərvətlərin qorunması haqqında” 1954-cü il tarixli Haaqa Konvensiyası ilə bağlı təlim kursu başa çatdı
30.06.2022 16:59
“Rəngli perimetr” adlı rəsm sərgisi keçirilib
30.06.2022 15:10
Gənc tarzənlər “Yeni adlar”da
30.06.2022 12:58
Anar Kərimov İran İslam Respublikasının mədəni irs, turizm və əl işləri sənayesi naziri Seyid İzzətulah Zərqami ilə görüşüb
30.06.2022 11:09
“Gəncə-Daşkəsən və Qazax-Tovuz iqtisadi rayonlarının tarixi irsinin qorunması və şəhərsalma inkişafı” müzakirə olunub
30.06.2022 10:31
“Şuşa İli”nə həsr olunan muğam festivalına yekun vuruldu
29.06.2022 17:24
Gürcüstan Milli Muzeyinin baş direktoru David Lordkipanidzenin "Afrikadan ilk insanlar, Qafqazdan baxış" adlı mühazirəsi baş tutub
29.06.2022 16:20
“Diplomatic World” jurnalında mədəniyyət naziri Anar Kərimov ilə müsahibə dərc edilib
29.06.2022 12:47
“4-cü Beynəlxalq Bakı Yay Caz günləri” keçiriləcək
29.06.2022 12:15
Mədəniyyət Nazirliyi “Qarabağın tarixi” mövzusunda qısa videoçarxlar müsabiqəsi elan edir
29.06.2022 10:42
Braziliyanın “Choronas” musiqi qrupu Beynəlxalq Muğam Mərkəzində çıxış etdi
29.06.2022 10:28
Qarabağ Dirçəliş Fondunun təşəbbüsü ilə “Qarabağ gecəsi” xeyriyyə konserti keçirilib
28.06.2022 17:37
Azərbaycan kitabları “Kitab sənəti” müsabiqəsində qalib olub
28.06.2022 15:28
"Silahlı münaqişə zamanı mədəni sərvətlərin qorunması haqqında" 1954-cü il tarixli Haaqa Konvensiyası ilə bağlı təlim kursuna start verildi
28.06.2022 11:55
Azad Cəfərlinin rəhbərlik etdiyi nümayəndə heyəti UNESCO-da müzakirələrdə iştirak edib
28.06.2022 11:08
“Kommunikasiya meneceri” layihəsi regionlararası kommunikasiyanın daha effektiv qurulmasına əhəmiyyətli töhfə verəcək
28.06.2022 10:34
“Şuşa mədəniyyətinin inciləri”: Şuşa qalası
28.06.2022 10:14
Kəlbəcər İşğal və Zəfər muzeyləri kompleksinin təməli qoyulub
28.06.2022 10:04
“44 gün – tarixi Zəfər” çoxcildliyinin birinci kitabının təqdimatı keçirildi
24.06.2022 18:15
“Şuşa söhbətləri” layihəsində “Musiqinin Şuşaya qayıdışı” mövzusuna həsr olunmuş növbəti görüş keçirildi
23.06.2022 15:03
III “Azerbaijan Design Award” müsabiqəsi başa çatdı
23.06.2022 10:03
"Kommunikasiya meneceri” layihəsi üzrə ADA Universitetində təlimlər davam edir
22.06.2022 14:49
Anar Kərimov İrana rəsmi səfəri çərçivəsində bir sıra görüşlər keçirib
22.06.2022 12:47
UNESCO- nun yaradıcı şəhərləri elan edilmiş Şəki, Bakı və Lənkəran şəhərləri ilə bağlı təbliğat işləri aparılır
22.06.2022 12:14
Azərbaycan Dövlət Uşaq Filarmoniyasının Gəncədə "Şuşa ili" çərçivəsində konserti keçirilib
22.06.2022 11:21
Nazir Anar Kərimov İranın Mədəni İrs, Turizm və Əl işləri naziri ilə görüşüb