Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
603

Azərbaycan Dövlət Gənc Tamaşaçılar Teatrının Kalmıkiya Respublikasına səfəri yekunlaşdı

Azərbaycan Dövlət Gənc Tamaşaçılar Teatrının kollektivi Rusiya Federasiyasından qastrol səfərindən dönüb. Oktyabr ayının 25-dən – 31-dək davam edən qastrol Rusiya Federasiyası Kalmıkiya Respublikasının B.Basanqov adına Milli Dram Teatrında baş tutub.

Qastrol çərçivəsində kollektiv repertuarında olan 2 maraqlı tamaşa, eləcə də sərgi və konsert proqramı ilə çıxış edib.

3 gün ərzində Kalmık Milli Dram Teatrının səhnəsində uşaqlar üçün Pərvinin “Dəcəl keçi”, böyüklər üçün isə Ə.Haqverdiyevin “Xortdanın cəhənnəm məktubları” tamaşaları nümayiş etdirilib.

Səfər çərçivəsində Kalmıkiya Respublikası N.N.Palmov adına Milli Muzeydə Gənc Tamaşaçılar Teatrının və eyni zamanda nümayiş olunmuş tamaşaların quruluşçu rəssamı, Azərbaycan Rəssamlar İttifaqının üzvü Elşən Sərxanoğlunun əsərlərindən ibarət sərgi təşkil olunub. 3 gün davam edən sərgidə rəssamın 50-dən artıq qrafik və yağlı boya ilə işlənmiş əsərləri izləyicilərə təqdim olunub.

Sərginin açılış mərasimində Kalmıkiya Respublikası Mədəniyyət və Turizm Nazirinin müavini Nikolay Sandjiyev, Kalmıkiya Respublikası Rəssamlar İttifaqının sədri, Əməkdar Rəssam Yuri Xadjinov, N.N.Palmov adına Milli Muzeyin direktoru İrina Muçayeva, Azərbaycan Respublikası üzrə Kalmıkiya Respublikasının hökümət başçısının mədəni və iqtisadi əlaqələr üzrə baş məsləhətçisi, “Kalmıkiya Respublikasında Azərbaycan konqresi” qeyri hökümət təşkilatının sədri Sabir Quliyev, Kalmık Milli Dram Teatrının bədii rəhbəri, RF-in Əməkdar İncəsənət Xadimi Boris Mandjiyev çıxış edərək Kalmıkiyada ilk dəfə olaraq Azərbaycanlı rəssamın sərgisinin həyata keçirilməsini Kalmıkiya ilə Azərbaycan teatrları arasındakı yaradıcılıq əlaqələrinin uğurlu nəticəsi adlandırıblar.

Azərbaycan Dövlət Gənc Tamaşaçılar Teatrının direktoru, Azərbaycan Respublikasının Əməkdar Artisti, Kalmıkiya Respublikasının Əməkdar İncəsənət Xadimi Mübariz Həmidov, eləcə də rəssam Elşən Sərxanoğlu çıxış edərək 4 ildir davam edən yaradıcılıq münasibətlərinin gələcəkdə daha böyük layihələrlə davam etdiriləcəyinə əminliklərini bildiriblər.

Rəssam Bakını əks etdirən bir neçə əl işini Muzeyə təqdim etmiş, Muzey rəhbərliyi isə öz növbəsində E.Sərxanoğlunu diplomla təltif edib.

Qastrol səfərinin növbəti günündə teatrımızın istedadlı aktyoru – müğənni İlham Əsədovun xalq və müasir bəstəkar mahnılarından ibarət konserti baş tutub. Konsertdə Kalmıkiya Dövlət Filarmoniyasının direktoru, bəstəkar-müğənni, RF-in Əməkdar İncəsənət Xadimi Arkadi Mandjiyev çıxış edərək Azərbaycan Kalmıkiya mədəni əməkdaşılığının 2 teatr arasındakı qastrol mübadiləsindən çıxaraq daha geniş şəkildə təqdim olunmasının təqdirəlayiq olduğunu vurğulayıb və Azərbaycanlı sənətçi ilə birgə duet ifa edib.

Konsert proqramında teatrın gənc aktyorları Elnur Kərimov və Səbinə Məmmədovanın ifasında “Naz eləmə” rəqsi böyük maraqla qarşılanıb.

Qastrol səfərinin bağlanış mərasimində Kalmıkiya Respublikası Xalq Xuralının (Parlament) deputatı Konstantin Kirpilev çıxış edərək Azərbaycan və Kalmıkiya arasındakı qarşılıqlı yaradıcılıq müqaviləsinin hər il daha da genişləndirilərək maraqlı layihələrin, rejissor və tamaşa mübadilələrinin hər iki ölkə teatrları üçün əhəmiyyətindən danışıb. K.Kirpilev “Azərbaycan – Kalmıkiya arasındakı dostluq münasibətlərinə, beynəlxalq əlaqələrin inkişafı və mədəni əməkdaşlığın möhkəmlənməsinə verdiyi böyük töhfələrinə görə” Azərbaycan Dövlət Gənc Tamaşaçılar Teatrının direktoru Mübariz Həmidovu Kalmıkiya Respublikası Xalq Xuralının (Parlament) “Fəxri diplomu”, teatrın aktyoru İlham Əsədovu isə “Təşəkkürnamə” ilə təltif edib.

Kalmıkiya Respublikasının Mədəniyyət və Turizm Naziri Xonqor Elbikov Azərbaycan Dövlət Gənc Tamaşaçılar Teatrının bu dəfəki səfərini Kalmıkiya Respublikasında Azərbaycan Mədəniyyət Günləri adlandıraraq bu münasibətilə hər iki ölkə teatrını təbrik edərək “iki ölkə teatrları arasındakı qarşılıqlı mədəni əlaqələrin möhkəmləndirilməsi, birgə layihələrin təşkilindəki əvəzsiz xidmətlərinə görə” Azərbaycan Respublikası Mədəniyyət və Turizm Naziri cə\nab Əbülfəs Qarayevə “Təşəkkür məktub”u ünvanlayıb.

Nazir “qarşılıqlı yaradıcılıq müqaviləsinə əsasən mədəni əməkdaşlığın inkişafına və möhkəmləndirilməsi sahəsindəki şəxsi töhfələrinə görə” teatrımızın aktyoru Elnur Kərimova Kalmıkiya Respublikası Baş nazirinin “Təşəkkürnamə”si təqdim olunub.

Nazir Xonqor Elbikov həmçinin, “mədəni əlaqələrin möhkəmləndirilməsi və genişləndirilməsi sahəsindəki xidmətlərinə görə” teatrın aktyorları, Əməkdar Artistlər Şövqi Hüseynov, Leyli Vəliyeva, Qurban İsmayılov, aktyorlar Elşən Çarhanlı, Vüsal Mehrəliyev, quruluşçu rəssam Elşən Sərxanoğlu və mətbuat xidmətinin rəhbəri Hüsniyyə Mursaquliyevanı “Fəxri Fərman”la təltif edib.

Kalmıkiya Respublikasının Teatr Xadimləri İttifaqının sədri Tatyana Mixeyeva “Azərbaycan və Rusiya teatr əlaqələrinin genişləndirilməsində göstərdiyi dəstəyə görə” Azərbaycan Respublikası Mədəniyyət və Turizm Nazirinin müavini Ədalət Vəliyevin “Stanislanski medal”ı ilə təltif olunduğunu bildirərək, mükafatı Ə.Vəliyevə çatdırmaq üçün Mübariz Həmidova təqdim edib.  

Əməkdar Artist Şövqi Hüseynov və aktyor İlham Əsədova “Stanislavski medal”ı təqdim etmiş, aktyorlar Zemfira Əbdülsəmədova, Səbinə Məmmədova, Zümrüd Quliyeva, Manaf Dadaşov, Elşən Hacıbabayev, Vahid Orucoğlu, işıq üzrə rəssam Vadim Kuskovu isə “Diplom”la mükafatlandırıb.

Təntənəli bağlanış mərasimində teatrın direktoru Mübariz Həmidov öz səfər təəssüratlarını bölüşərək ötən mövsüm Dövlət Gənc Tamaşaçılar Teatrında təsis olunmuş “Sima” mükafatının “Ən yaxşı rejissor işi” (böyük tamaşaları üzrə) nominasiyası üzrə qalib olmuş B.Basanqov adına Milli Dram Teatrının bədii rəhbəri, RF-nin Əməkdar İncəsənət Xadimi və Azərbaycan Respublikası Fəxri Mədəniyyət İşçisi Boris Manciyevə diplom və mükafatını təqdim edərək, bu mövsüm üzrə təyin olunmuş “Teatrın dostu” nominasiyası üzrə diplom və mükafatı Kamık Milli Dram Teatrının baş direktoru RF-nin əməkdar mədəniyyət işçisi Qalina Şurayevaya təqdim edib.

B.Basanqov adına Milli Dram teatrının baş direktoru Q.Şurayeva və bədii rəhbər B. Mandjiyev qarşılıqlı qastrol səfərlərinin uğurundan danışaraq təqdim etdiyi maraqlı tamaşalar, sərgi və konsert proqramı üçün Azərbaycan Respublikasının Mədəniyyət və Turizm Nazirliyinə, Azərbaycan Dövlət Gənc Tamaşaçılar Teatrının rəhbərliyinə və kollektivə təşəkkürlərini bildirmiş və hədiyyələrini təqdim ediblər.

Sonda Azərbaycan Dövlət Gənc Tamaşaçılar Teatının direktoru Mübariz Həmidov, teatrın baş rejissoru Bəhram Osmanov və quruluşçu rəssam Elşən Sərxanoğlu çıxış edərək göstərilən isti münasibətə görə öz dərin minnətdarlıqlarını bildirmiş, Rusiya və Azərbaycan Teatrları arasındakı qarşılıqlı yaradılıcıq əlaqələrinin bundan sonra da davam edəcəyini vurğulayaraq, öz hədiyyələrini teatrın rəhbərliyinə təqdim etmişlər.

XƏBƏRLƏR

01.12.2022 17:51
Azərbaycanın qeyri-maddi mədəni irsi ilə bağlı daha 4 element UNESCO-nun siyahısına daxil edilib
30.11.2022 16:52
Türkmənistanda dünya xalqlarının musiqi sənətinə həsr olunmuş beynəlxalq festivalda Azərbaycan da təmsil olunur
30.11.2022 16:27
Türk dünyasının birlik simvoluna çevrilən Əhməd Cavadın yubileyi qeyd olunub
30.11.2022 15:58
Tatarıstan Respublikasının mədəniyyət naziri ilə görüş keçirilib
30.11.2022 11:10
Nazir Anar Kərimov Yevlaxda mədəniyyət müəssisələrinin fəaliyyəti ilə tanış olub
29.11.2022 15:46
Mədəniyyət naziri Yevlax şəhərində vətəndaşlarla görüşüb
29.11.2022 12:42
Azərbaycan Respublikası Mədəniyyət Nazirliyinin sistemində olan kitabxanalara işə qəbul üzrə test imtahanı keçirilib
29.11.2022 11:46
Anar Kərimov Mingəçevirdə mədəniyyət işçiləri ilə görüş keçirib
29.11.2022 10:37
Özbəkistanda “Türkistan və Qafqazların unikal tarixi xəritələri” adlı sərgi açılacaq
28.11.2022 19:57
Mədəniyyət müəssisələrində fəaliyyət müasir tələblərə uyğun şəkildə qurulmalıdır
28.11.2022 15:41
“Mərmər soyuğu” filmi Estoniyada mükafata layiq görülüb
28.11.2022 15:07
Mədəniyyət naziri Mingəçevirdə müəssisələrin fəaliyyəti ilə tanış olub
25.11.2022 20:06
Nazir Anar Kərimov Azərbaycanda Amerika Ticarət Palatasının təşkil etdiyi növbəti görüşün qonağı olub
25.11.2022 18:05
Avropa Şurasının Mədəniyyət, İrs və Landşaft üzrə Rəhbər Komitəsinin 11-ci plenar iclası öz işini yekunlaşdırıb
25.11.2022 15:43
Görkəmli Azərbaycan bəstəkarı Fikrət Əmirovun 100 illiyi Nyu-Yorkda təntənə ilə qeyd edilib
25.11.2022 14:52
II “4.4 Qısa Tamaşalar Festivalı” çərçivəsində Xalq artisti Cahangir Novruzovun ustad dərsləri keçirilib
25.11.2022 10:15
BMT Sivilizasiyalar Alyansının Qlobal Forumunda Azərbaycanın təşəbbüsləri təqdim edilib
24.11.2022 18:10
“Yuxarı Gövhər Ağa məscidi” adlı sənədli filminin təqdimatı olub
24.11.2022 17:22
Mingəçevir Dövlət Dram Teatrında təyinat
24.11.2022 15:01
Dövlət Xidmətinin əməkdaşları ANAMA-nın təlimində iştirak edib
23.11.2022 12:07
Fikrət Əmirovun 100 illiyinə həsr olunmuş təntənəli yubiley gecəsi keçirilib
22.11.2022 19:15
Mərakeşdə BMT Sivilizasiyalar Alyansının IX Qlobal Forumu keçirilir
22.11.2022 16:29
Fikrət Əmirovun doğum günündə Fəxri xiyabanda məzarı ziyarət olunub
21.11.2022 12:56
“Şuşa mədəniyyətinin inciləri”: maestro Niyazi
21.11.2022 12:25
Özbəkistanda Azərbaycan ədəbiyyatının da yer aldığı “Türk ədəbiyyatının inciləri” adlı 100 cildlik kitablar seriyası nəşr edildi
21.11.2022 11:07
Mədəniyyət naziri Anar Kərimov Rabatda ICESCO-nun Baş direktoru ilə görüşüb
21.11.2022 10:10
Gəncədə Fikrət Əmirovun 100 illik yubileyinə həsr olunmuş konsert proqramı keçirilib
18.11.2022 17:55
Xızının mədəniyyət işçiləri narkomaniyaya qarşı
18.11.2022 15:19
Azərbaycan Milli Xalça Muzeyinin 55 illik yubileyi keçirilib
18.11.2022 11:02
Fikrət Əmirovun 100 illiyinə həsr olunan festivalın növbəti konserti keçirilib
18.11.2022 10:22
Özbək sənətçilər Bakı səhnəsində
18.11.2022 10:00
XIII Bakı Beynəlxalq Qısa Filmlər Festivalının qalibləri məlum olub
17.11.2022 12:02
Bakı Bələdiyyə Teatrının 30 illik yubileyi qeyd olunub