Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV

1948

Mədəniyyət naziri maldivli həmkarı ilə görüşüb

1948

13.05.2024

13.05.2024 05:41

Mayın 13-də Azərbaycan Respublikasının mədəniyyət naziri Adil Kərimli ilə “Şuşa –İslam dünyasının mədəniyyət paytaxtı 2024” ilinin rəsmi açılış mərasimi çərçivəsində ölkəmizdə səfərdə olan Maldiv Respublikasının dhivehi dili, mədəniyyət və irs naziri Adam Nasir İbrahim arasında ikitərəfli görüş keçirilib.

Qonağı salamlayan nazir “Şuşa – İslam dünyasının mədəniyyət paytaxtı 2024” ilinin rəsmi açılış mərasimində iştirakına görə təşəkkürünü bildirib.

Azərbaycanın Şuşa şəhərinin tarixi-mədəni zənginliklərindən söz açan nazir bu qədim şəhərin xalqımıza bəxş etdiyi görkəmli mədəniyyət və ədəbiyyat xadimləri haqqında məlumat verib.

Nazir bu il Azərbaycanın qlobal əhəmiyyətli bir tədbirə – BMT-nin İqlim Dəyişmələri üzrə Çərçivə Konvensiyası Tərəflər Konfransının 29-cu sessiyasına (COP29) ev sahibliyi edəcəyi diqqətə çatdırılıb. Bildirilib ki, COP29-da iqlim dəyişikliyinin mədəniyyət sahəsinə təsiri, habelə ətraf mühitin qorunmasında mədəniyyətin rolu məsələləri ilə bağlı xüsusi müzakirələr aparılacaq

Maldiv Respublikasının dhivehi dili, mədəniyyət və irs naziri Adam Nasir İbrahim ölkəmizə səfərindən məmnunluğunu bildirib, “Şuşa – İslam dünyasının mədəniyyət paytaxtı 2024” ilinin rəsmi açılışının yüksək səviyyədə təşkilinə görə təbriklərini çatdırıb.

Qonaq nazir ölkəmizlə mədəni əməkdaşlıqda maraqlı olduqlarını deyib, mədəniyyət günlərinin təşkili ilə bağlı fikir mübadiləsi aparılıb.

XƏBƏRLƏR

10.09.2024 10:07

Nəbi Xəzrinin 100 illik yubileyinin qeyd edilməsi haqqında Azərbaycan Respublikası Prezidentinin Sərəncamı2024-cü ilin dekabr ayında Azərbaycanın Xalq şairi, ictimai xadim, Dövlət mükafatları laureatı Nəbi Xəzrinin (Nəbi Ələkbər oğlu Babayevin) anadan olmasının 100 ili tamam olur. Nəbi Xəzri Azərbaycan ədəbiyyatını yeni poetik obrazlarla zənginləşdirərək onun inkişafında özünəməxsus rol oynamış görkəmli söz ustasıdır. Çoxcəhətli yaradıcılığı boyu sənətkar insanın mənəvi aləminin saflığını geniş lirik-epik lövhələrlə tərənnüm etmiş və daim ülvi ideallarla yaşamağa çağırmışdır. Azərbaycan xalqının tarixi-mədəni yaddaşının bir çox səhifələri onun yüksək vətəndaşlıq qayəsindən yoğrulan əsərlərində öz bədii təcəssümünü tapmışdır. Təbiət gözəlliklərinə vurğunluq və doğma torpağa bağlılıq hissləri aşılayan Nəbi Xəzri poeziyası dərin lirizmi, ifadə tərzi və həyata fəlsəfi münasibəti ilə səciyyələnir. Nəbi Xəzrinin dram əsərləri Azərbaycan teatrlarında uğurla tamaşaya qoyulmuş və müəllifinə şöhrət qazandırmışdır. Nəbi Xəzri eyni zamanda ictimai xadim kimi səmərəli fəaliyyət göstərmiş, Azərbaycan mədəniyyəti və incəsənətinin xarici ölkələrdə təbliği istiqamətində təqdirəlayiq işlər görmüşdür. Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, Azərbaycan ədəbiyyatının inkişafına töhfələr vermiş Xalq şairi Nəbi Xəzrinin 100 illik yubileyinin qeyd olunmasını təmin etmək məqsədilə qərara alıram: 1. Azərbaycan Respublikasının Mədəniyyət Nazirliyi, Azərbaycan Yazıçılar Birliyinin təkliflərini nəzərə almaqla, Nəbi Xəzrinin 100 illik yubileyinə dair tədbirlər planı hazırlayıb həyata keçirsin. 2. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin. İlham Əliyev Azərbaycan Respublikasının Prezidenti Bakı şəhəri, 9 sentyabr 2024-cü il ..

06.09.2024 19:37

Azərbaycan Milli Xalça Muzeyinin Şuşa filialı iki yeni sənətkarlıq nümunəsi ilə zənginləşibŞuşa sakini Sahib Həsənov nənəsi ilə anasının 1959-cu ildə birgə toxuduğu “Bağçada güllər” xalçasını və XIX əsrin ortalarına aid məfrəşi filiala hədiyyə edib. Öz xatirələrini bölüşən S.Həsənov bildirib ki, 1-ci Qarabağ müharibəsindən öncə bu xalça Şuşada onların evlərinin divarını bəzəyib: “Şəhər işğal olunanda ailəmiz üçün ən əziz əşya kimi onu da Bakıya apardıq. Xalçanın üzərində nənəmin və anamın adlarının baş hərfləri “Ə” (Əzət) və “S” (Səltənət) yazılıb. Xoşbəxtik ki, uzun illər sonra doğmalarımdan yadigar qalan bu xalça da bizimlə bərabər öz yurduna qayıtdı. Düşünürəm ki, ən doğru addım onu muzeyə bağışlamaqdır. Qoy bura gələn turistlər görsünlər ki, Azərbaycan qadınları nələr yaradıb”. Təqdim olunan Qarabağ xalçasının mərkəzində qızılgül təsvirləri verilib. S.Həsənovun muzeyə bağışladığı digər əşya isə 100 ildən artıq yaşı olan məfrəşdir. O, xalça məmulatından yaylaqdan qışlağa, qışlaqdan isə yaylağa köçərkən sandıq kimi istifadə etdiklərini deyib. ..

06.09.2024 18:18

Mədəniyyət naziri Adil Kərimli tərəfindən Naxçıvan Muxtar Respublikasında keçirilməsi nəzərdə tutulan vətəndaşların qəbulu tarixi dəyişdirilibAzərbaycan Respublikasının mədəniyyət naziri Adil Kərimli tərəfindən 13 sentyabr tarixində saat 10:00-da Naxçıvan Muxtar Respublikasının Mədəniyyət Nazirliyində (ünvan: Naxçıvan şəhəri, Heydər Əliyev prospekti,1) keçirilməsi nəzərdə tutulan Naxçıvan şəhəri, Babək, Culfa, Kəngərli, Ordubad, Sədərək, Şahbuz, Şərur rayonlarından olan vətəndaşların qəbulu tarixi dəyişdirilib. Qəbulun tarixi haqqında məlumat nazirliyin rəsmi internet resurslarında əvvəlcədən yerləşdiriləcək. ..

06.09.2024 17:23

Mədəniyyət Nazirliyinin Apellyasiya Şurasının növbəti iclası keçirilib6 sentyabr 2024-cü il tarixində nazir müavini Səadət Yusifovanın sədrliyi ilə Azərbaycan Respublikasının Mədəniyyət Nazirliyinin Apellyasiya Şurasının növbəti iclası keçirilmişdir. İclasda Apellyasiya Şurasının üzvləri – Aparat rəhbərinin müavini-Sənədlərlə və vətəndaşlarla iş şöbəsinin müdiri Elçin Nəcəfov, İnsan kapitalının idarə edilməsi şöbəsinin müdiri Kamil Bayramlı, Strateji inkişaf və layihələrin idarə edilməsi şöbəsinin müdiri Vüqar Məmmədov, Yaradıcı sənayelər və rəqəmsal inkişaf şöbəsinin müdiri Rəşad Əzizov, Hüquq şöbəsinin müdiri Gülər Mikayılova və Daxili nəzarət və audit şöbəsinin müdir müavini Fərid Qurbanzadə iştirak etmişdir. İclasda Azərbaycan Respublikası Mədəniyyət Nazirliyində vakant olan dövlət qulluğu vəzifələrinin tutulması ilə bağlı Dövlət İmtahan Mərkəzi tərəfindən 30.04.2024-cü il tarixində elan edilmiş ümumi müsahibə üzrə keçirilmiş müsahibələrin nəticələrinə yenidən baxılması ilə bağlı 3 nəfər namizədin apellyasiya şikayətlərinə baxılmışdır. İclas zamanı namizədlərin müsahibə ilə bağlı fikirləri dinlənilmiş, Dövlət İmtahan Mərkəzi tərəfindən təqdim edilmiş müsahibələrin videoçəkilişinə və sənədlərinə əsasən Şura üzvlərinin hazırladığı rəyləri müzakirə olunmuşdur. Sonda Apellyasiya Şurasının üzvlərinin səsverməsinə əsasən iclasda baxılan məsələlərə dair Qərarlar qəbul edilmişdir. Səbuhi Bəşirov, İsax Məmmədov və Vüsal Məmmədovun şikayəti ilə əlaqədar Apellyasiya Şurasında qəbul edilən Qərara əsasən həmin namizədlərlə əvvəl keçirilmiş müsahibənin nəticəsi dəyişdirilərək iddia etdiyi vəzifəyə uyğun hesab edilərək ehtiyat kadrlar siyahısına daxil edilmişdir. ..

05.09.2024 15:20

Azərbaycan 37-ci Moskva Beynəlxalq Kitab Sərgisində təmsil olunurRusiya Federasiyasının Moskva şəhərində təşkil olunan 37-ci Moskva Beynəlxalq Kitab Sərgisi 4 sentyabr 2024-cü il tarixində öz işinə başlayıb. Azərbaycan Respublikasının Mədəniyyət Nazirliyinin təşkilatçılığı və Azərbaycan Respublikasının Rusiya Federasiyasındakı Səfirliyinin dəstəyi ilə ölkəmiz sərgidə təmsil olunur. Sərgidə Mədəniyyət Nazirliyinin nümayəndələri və uşaq yazıçısı Solmaz Amanova iştirak edirlər. Nazirliyin nümayəndə heyəti sərginin açılış günündə bir sıra tədbirlərə qatılıb. Azərbaycana dair yeni nəşr olunan qiymətli kitabların nümayiş olunduğu milli stenddə Azərbaycanın tarixi, mədəniyyəti və kitab sənəti barədə sərginin iştirakçılarına və ziyarətçilərinə geniş məlumat verilir. Sərgi çərçivəsində 6 sentyabr tarixində yazıçı Solmaz Amanovanın “Kitab sənəti” müsabiqəsində 2 nominasiya üzrə ( “Qran-pri” mükafatı və 1-ci yer) mükafatlandırma mərasimi keçiriləcək. Belarus Respublikasının fəxri qonaq ölkə olduğu Moskva Beynəlxalq Kitab Sərgisi 8 sentyabr 2024-cü il tarixinədək davam edəcək. ..

05.09.2024 10:54

Dövlət Xidməti ilə Türk Mədəniyyəti və İrsi Fondu arasında Anlaşma Memorandumu imzalanıbMədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidməti ilə Türk Mədəniyyəti və İrsi Fondu arasında “Azərbaycan Respublikası ərazisində yerləşən tarix və mədəniyyət abidələrinin qorunması və bərpası sahəsində əməkdaşlığa dair Anlaşma Memorandumu” imzalanıb. Sənədi Dövlət Xidmətinin rəisi Səbinə Hacıyeva və Türk Mədəniyyəti və İrsi Fondunun prezidenti Aktotı Raimkulova imzalayıblar. Anlaşma Memorandumunun imzalanması ölkəmizin ərazisində yerləşən və dövlət mühafizəsinə götürülmüş tarix və mədəniyyət abidələrinin qorunub saxlanılması, bərpa və konservasiyası, müvafiq istiqamətdə təlimlərin təşkili, eləcə də mədəni irs sahəsində əməkdaşlığın daha da genişləndirilməsi məqsədini daşıyır. Sözügedən sənəd əsasında ilk olaraq Füzuli rayonunun işğaldan azad olunmuş Qoçəhmədli kəndində yerləşən məscidin bərpasına dəstək göstərilməsi planlaşdırılır. İmzalanma mərasimində qardaş türk respublikaları ilə bütün sahələrdə münasibətlərin inkişafı, xüsusi ilə də mədəni əlaqələrin möhkəmlənməsinin sevindirici hal olduğu vurğulanıb. Qeyd olunub ki, Türk Mədəniyyəti və İrsi Fondu da bu istiqamətdə fəal rol alaraq, türk xalqlarının mədəniyyətinin və mədəni irsinin qorunması, təbliği və tanıdılması sahəsinə töhfələr verməkdədir. Azərbaycanın da bu sahəyə xüsusi dəstək göstərdiyi vurğulanaraq, qarşıdakı illərdə əməkdaşlığın daha da dərinləşəcəyinə inam ifadə olunub. Tədbirdə qarşılıqlı maraq doğuran məsələlər ətrafında fikir mübadiləsi aparılıb. ..

05.09.2024 09:44

Bəstəkarlarımızın yeni əsərləri musiqi və incəsənət məktəblərinin tədris proqramına daxil ediləcək2024/2025-ci dərs ilindən başlayaraq yerli bəstəkarların son dövrlərdə yazdığı əsərlər musiqi və incəsənət məktəblərinin tədris proqramına daxil ediləcək. Mədəniyyət Nazirliyi və Azərbaycan Bəstəkarlar İttifaqının nümayəndələri arasında keçirilmiş görüşdə bununla bağlı müzakirə aparılıb. Bu prosesin vaxtaşırı davam etdirilməsi, yeni bəstələrin müvafiq təhlillər aparıldıqdan sonra proqramlara əlavə edilməsi ilə əlaqədar razılığa gəlinib. Mədəniyyət Nazirliyinin dəstəyi ilə Azərbaycan Bəstəkarlar İttifaqı tərəfindən hazırlanacaq not nümunələri sistemli şəkildə həm elektron daşıyıcılarda, həm də kağız formatında sözügedən məktəblərə təqdim olunacaq. Proqrama salınacaq nümunələr arasında Firəngiz Əlizadənin “Zəfər marşı“, Elnarə Dadaşovanın fortepiano üçün pyesləri, Adilə Yusifovanın fortepiano üçün pyesləri və “Yaz nağılı“ kantatası, həmçinin Sərdar Fərəcov, Faiq Nağıyev, Mehriban Əhmədova, Zabitə Məmmədova, Cahangir Zülfüqarov, Pikə Axundova, İlahə Qismət və digər bəstəkarların uşaqlar üçün əsərləri yer alır. Bu təşəbbüsün əsas məqsədi yeni nəsil musiqiçilərin milli və müasir musiqi üslublarını mənimsəməsini təmin etmək, eyni zamanda müasir dövr bəstəkarların yaradıcılığının təbliğinə dəstək olmaqdır. Yenilənmiş tədris proqramı sayəsində musiqi və incəsənət məktəblərinin şagirdləri rəngarəng repertuarla tanış olaraq bu sahədə bilik və bacarıqlarını daha da inkişaf etdirəcəklər. ..

04.09.2024 14:31

Prezident İlham Əliyev və birinci xanım Mehriban Əliyeva Kəlbəcərdəki Xudavəng monastır kompleksində olublarAzərbaycan Respublikasının Prezidenti İlham Əliyev və birinci xanım Mehriban Əliyeva sentyabrın 2-də Kəlbəcər rayonunda Xudavəng monastır kompleksində olublar. Mədəniyyət naziri Adil Kərimli dövlətimizin başçısına və birinci xanıma abidə haqqında məlumat verdi. Bildirildi ki, dünya əhəmiyyətli memarlıq abidəsi olan Xudavəng məbədi 1992-2020-ci illərdə ermənilərin təcavüzünə məruz qalıb. İşğal dövründə erməni apostol kilsəsinin dəstəyi və Ermənistan dövlətinin vəsaiti hesabına monastırda “bərpa” adı altında qanunsuz işlər görülüb. Arzu xatun, Böyük Həsən kilsələri və kompleksə daxil olan digər tikililər üzərində saxtalaşdırma əlamətləri olan əlavələr edib, abidələrin bir çox hissələrini vandalizmə məruz qoyublar. Torpaqlarımız işğaldan azad ediləndən sonra monastırda qalan erməni keşiş və rahiblər abidələrdəki qədim freskaları xarici mütəxəssislərin iştirakı ilə xüsusi üsulla kəsib götürüb, qanunsuz olaraq Azərbaycan Respublikasının ərazisindən çıxarıblar. Xudavəng monastır kompleksinin zəng qülləsində yanaşı qoyulmuş bir-birinin üstündə iki dairəvi xonça və həyat ağacı şəklində xaç kompozisiyalı xaçdaşlar və kitabələr də işğal dövründə sökülərək talan edilib. Qeyd olundu ki, 2020-ci ilin dekabr ayında İrəvanda keçirilən sərgidə Xudavəng monastır kompleksindən oğurlanmış zəng, daş kitabələr, freskalar, xalçalar və Azərbaycan Respublikasına məxsus digər mədəni irs nümunələri qanunsuz olaraq nümayiş etdirilib. Daha sonra qanunsuz olaraq “VII-XIII əsrlərdə erməni xristian kilsələrində freskalar” adı altında İtaliyanın Padua şəhərində açılmış sərgidə Xudavəng monastırının freskaları “erməni ənənəvi incəsənət nümunələri“ kimi təqdim olunub. Həmin sərgi İtaliyanın bir neçə şəhərində də təşkil edilib. ..

04.09.2024 10:15

Azərbaycanda ilk dəfə "Baku Cinema Breeze" beynəlxalq film festivalı keçiriləcəkAzərbaycan Respublikasının Mədəniyyət Nazirliyi və Kino Agentliyinin dəstəyi ilə oktyabrın 2-dən 8-dək Bakıda ilk dəfə “Baku Cinema Breeze“ adlı böyük kinofestival keçiriləcək. “Baku Cinema Breeze“ bugünə qədər ayrı-ayrılıqda təşkil edilən DokuBaku Beynəlxalq Sənədli Filmləri Festivalı, BİFF Bakı Beynəlxalq Film Festivalı, ATA Türk dünyası Beynəlxalq Animasiya filmləri festivalı və ANIMAFILM Beynəlxalq Animasiya Festivalı kimi tanınan genişmiqyaslı layihələri bir araya gətirməklə dünya kinematoqrafiyasının şedevrlərini nümayiş etdirmək üçün vahid şəbəkə rolunu oynayacaq. Festival çərçivəsində kino sənayesindəki imkanlarını nümayiş etdirən Şərq, həmçinin Mərkəzi Asiya ölkələrinin kino sənayesi bazarı “OMA” kinomarketi təşkil olunacaq. Tədbirdə iştirakçılar bir-birləri ilə əlaqələr qurmaq və gələcək əməkdaşlıq perspektivlərini müzakirə etmək imkanı əldə edəcəklər ki, bu da regionda kino sənayesinin inkişafı üçün mühüm addım olacaq. “Baku Cinema Breeze” festivalı əlavə olaraq ABŞ, Kanada, Hindistan, Niderland, Türkiyə, Almaniya, Portuqaliya, BƏƏ, Yunanıstan, Koreya, Gürcüstan, Estoniya və digər ölkələrdən kino sənayesi nümayəndələrini, həmçinin dünya kinematoqrafiyasının tanınmış simalarını Azərbaycanda bir məkana toplayacaq. Festival müddətində şəhərin müxtəlif kinoteatrlarında və məkanlarında paytaxt sakinləri, şəhərimizin qonaqları və ümumilikdə bütün kinosevərlər üçün film nümayişləri təşkil olunacaq. Audiovizual sənayenin inkişafına istiqamətlənən bu tədbir Mədəniyyət Nazirliyinin “Yaradıcı Azərbaycan” layihəsi çərçivəsində həyata keçiriləcək. “Baku Cinema Breeze“ layihəsi bu payız Bakının mədəni həyatında əsas hadisə olmağı və təkcə kino mütəxəssislərinin diqqətini deyil, həm də sənətsevərlərin marağını cəlb etməyi hədəfləyir. Qeyd edək ki, www.bakucinemabreeze.az saytına daxil olaraq festival barədə daha ətraflı məlumat əldə etmək mümkündür. ..

04.09.2024 09:50

Bu il ilk dəfə Füzulidə Kurmanqazı adına Uşaq Yaradıcılıq Mərkəzində şagirdlər təhsilə başlayacaq2024/2025-ci tədris ilindən etibarən Füzuli şəhərindəki Kurmanqazı adına Uşaq Yaradıcılıq Mərkəzində incəsənətin müxtəlif sahələri üzrə davamlı tədris həyata keçiriləcək. “Böyük Qayıdış“ proqramı çərçivəsində Bakı və digər rayonlardan doğma yurdlarına köçən sakinlərin övladları üçün yeni tədris ilində fortepiano, qanun, qarmon, tar, violin və rəqs ixtisasları üzrə tədrisə başlanılacaq. Proqram çərçivəsində ilk olaraq 24 şagird təhsilə cəlb ediləcək. Beş təcrübəli müəllim onlara sənətin sirlərini öyrədəcək. Növbəti mərhələlərdə digər sakinlərin Füzuliyə qayıdışı ilə, təbii olaraq, şagirdlərin sayı da artacaq. Qeyd edək ki, Qazaxıstan Respublikası tərəfindən inşa olunan və bu ilin mart ayında istifadəyə verilən Kurmanqazı adına Uşaq Yaradıcılıq Mərkəzi Füzuli şəhərində uşaq və yeniyetmələrin yaradıcılıq qabiliyyətlərini ortaya qoymalarına, incəsənət sahəsində biliklərə yiyələnmələrinə münbit şərait yaradacaq. Ötən müddətdə Mədəniyyət Nazirliyinin bilavasitə təşkilatçılığı ilə yaradıcılıq mərkəzində şagirdlər üçün müxtəlif sənət növləri üzrə təlimlər keçirilib, eyni zamanda məktəblilər üçün yay düşərgəsi gerçəkləşdirilib. ..

30.08.2024 11:39

Azərbaycanın “Simurq” muğam ansamblı Özbəkistanda XIII “Şərq təranələri” festivalının Qran-pri mükafatını qazanıb Azərbaycanın “Simurq” muğam ansamblı 26-30 avqust tarixlərində Özbəkistanın Səmərqənd şəhərində keçirilən XIII “Şərq təranələri” Beynəlxalq Musiqi Festivalının Qran-pri mükafatına layiq görülüb. Özbəkistan Respublikası Mədəniyyət Nazirliyi, UNESCO, ICESCO və TÜRKSOY-un tərəfdaşlığı ilə gerçəkləşən builki festivala 80-ə yaxın ölkədən 300-dən çox nümayəndə qatılıb. Tanınmış xanəndə Mirələm Mirələmov və instrumental heyət – Zəki Vəliyev (tar), Elnur Mikayılov (kamança), Əməkdar artist Kamran Kərimov (nağara), İdris Hüseynov (ud) və Anar Vəlizadədən (balaban) ibarət “Simurq” muğam ansamblı möhtəşəm ifası ilə Azərbaycana dünyaşöhrətli festivalın üçüncü dəfə baş mükafatını qazandırıb. Ansambla festivalın heykəlciyini və baş mükafatın sertifikatını Özbəkistanın mədəniyyət naziri Ozodbek Nazarbekov və XIII “Şərq təranələri”nin beynəlxalq münsiflər heyətinin sədri, Beynəlxalq Muğam Mərkəzinin direktoru Əməkdar artist, tarzən Sahib Pazaşadə təqdim ediblər. 27 illik festivalın tarixində ilk dəfə Azərbaycan təmsilçisi beynəlxalq münsiflər heyətinə sədrlik edib. Bildirək ki, Qran-pri mükafatının məbləği 10 000 ABŞ dollarıdır. Xatırladaq ki, 1997-ci ildə əsası qoyulan “Şərq təranələri” festivalı iki ildən bir keçirilir. Ölkəmizi təmsil edən xanəndə Simarə İmanova ilk festivalda, tarzən Sahib Paşazadə isə XI festivalda (2017) Qran-pri mükafatına layiq görülüblər. Müxtəlif illərdə ölkəmizdən bir neçə musiqiçi də festivalın qalibi olub. ..

29.08.2024 16:37

Mədəniyyət Nazirliyi Moskva Kino Həftəsində təmsil olunubAvqustun 23-dən 28-dək Rusiya Federasiyasının Yaradıcı Sənayelər Agentliyi tərəfindən Moskva Kino Həftəsi təşkil edilib. Tədbirin iştirakçı ölkələri arasında ABŞ, Türkiyə, Hindistan, Çin, Cənubi Koreya, Qazaxıstan, Özbəkistan, BƏƏ və digər ölkələr yer alıblar. Qeyd edək ki, bu layihə beynəlxalq peşəkar kino ictimaiyyəti ilə Rusiya kino sənayesinin liderləri arasında qarşılıqlı əlaqələrin yaradılması üçün əlverişli platforma rolunu oynayır. Azərbaycan Respublikasının Mədəniyyət Nazirliyini Moskva Kino Həftəsində təmsil edən Yaradıcı sənayelər və rəqəmsal inkişaf şöbəsinin müdiri Rəşad Əzizov tədbir çərçivəsində “Yaradıcı iqtisadiyyat” mövzusunda keçirilən panel müzakirələrə qatılıb, çıxışında Azərbaycanda Mədəni və Yaradıcı Sənayelərin (MYS) qrantlar və təhsil proqramları vasitəsilə strateji olaraq inkişafına xüsusi diqqət ayrıldığını vurğulayıb. Bildirib ki, qrant və təhsil proqramları, gənc startapçılara dəstək göstərən Yaradıcı Mərkəzin fəaliyyəti, ölkənin MYS sektorunu gücləndirmək və qlobal səviyyədə mövqeyini yüksəltmək öhdəliyini daşıyır. R.Əzizov həmçinin tədbir çərçivəsində müxtəlif ölkələrin yaradıcı sənaye nümayəndələri ilə görüşlər keçirib. İlk dəfə keçirilən Moskva Kino Həftəsi çərçivəsində iştirakçılar yaradıcı sənaye sahəsi üzrə müxtəlif ölkələrin aparıcı layihələri ilə tanış olmaq imkanı da əldə ediblər. Tədbirdə 25 ölkədən beynəlxalq kino komissiyalarının nümayəndələri, kino sənayesinin rəhbər şəxsləri və ekspertləri iştirak edib. ..

29.08.2024 14:50

Mədəniyyət naziri Astara rayonunda vətəndaşları qəbul edibHər ay mərkəzi icra hakimiyyəti orqanları və digər idarəetmə qurumlarının rəhbərləri tərəfindən şəhər və rayonlarda qəbullar keçirilir. Azərbaycan Respublikasının Prezidenti İlham Əliyevin tapşırığına əsasən reallaşan qəbullarda vətəndaşların müxtəlif məsələlərlə bağlı müraciətləri dinlənilir. Azərbaycan Respublikasının mədəniyyət naziri Adil Kərimli avqustun 29-da Astara rayonunda vətəndaşları qəbul edib. Qəbuldan öncə nazir Adil Kərimli və Astara Rayon İcra Hakimiyyətinin başçısı Qəzənfər Ağayev rayonun mərkəzində Ümummilli lider Heydər Əliyevin abidəsini ziyarət edib, önünə tər çiçəklər düzərək əziz xatirəsinə ehtiramlarını bildiriblər. Heydər Əliyev Mərkəzində keçirilən qəbul zamanı Astara, Lənkəran, Lerik, Masallı, Cəlilabad və Yardımlı rayonlarından olan vətəndaşlar, əsasən, işlə təmin olunma, mədəniyyət sahəsi ilə bağlı təkliflər, təşəbbüslər, əməyin qiymətləndirilməsi və digər məsələlərlə bağlı müraciətlərini diqqətə çatdırıblar. Mədəniyyət naziri vətəndaşları dinləyərək hər bir müraciət üzrə məsələlərin operativ araşdırılması və qanunvericiliyə uyğun həlli ilə bağlı nazirliyin məsul nümayəndələrinə tapşırıqlar verib. Qəbulda şəhid ailələrinin üzvləri və qazilər də iştirak ediblər. Onların müraciətlərinə xüsusi diqqət göstərilib, qaldırdıqları məsələlərə vaxtında baxılması məqsədilə qeydiyyat aparılaraq nəzarətə götürülüb. ..

29.08.2024 09:40

Mədəniyyət Nazirliyində görkəmli opera müğənnisi Tamara Sinyavskaya ilə görüş olubAvqustun 28-də Azərbaycan Respublikasının Mədəniyyət Nazirliyində görkəmli opera müğənnisi, Rusiyanın, Azərbaycanın və SSRİ-nin Xalq artisti Tamara Sinyavskaya ilə görüş keçirilib. Mədəniyyət naziri Adil Kərimli sənətkarın yaradıcılıq yolundan danışıb, onun opera tamaşalarında yüksək sənətkarlıq nümayiş etdirdiyini bildirib. Diqqətə çatdırılıb ki, əfsanəvi müğənni və bəstəkar, SSRİ Xalq artisti Müslüm Maqomayevin ömür-gün yoldaşı olan T.Sinyavskaya Azərbaycan mədəniyyətinin təbliğinə də töhfələr verib. Müğənninin bu sahədəki fəaliyyəti dövlətimiz tərəfindən daim yüksək dəyərləndirilib. O, ötən il Prezident İlham Əliyevin müvafiq sərəncamları ilə “Heydər Əliyevin 100 illiyi (1923–2023)” yubiley medalı və “Azərbaycan Respublikası Prezidentinin fəxri diplomu” ilə təltif olunub. Sonra həmin dövlət təltifləri təntənəli şəkildə sənətkara təqdim olunub. Tamara Sinyavskaya fəaliyyətinin daim diqqətdə saxlanılması və yüksək qiymətləndirilməsinə görə ölkə başçısına dərin təşəkkürünü bildirib. Sonda sənətkarla xatirə şəkilləri çəkdirilib. ..

28.08.2024 17:54

“Min bir gecə” baleti Pekində sənətsevərlərin qəlbini fəth edibAzərbaycanın dünyaşöhrətli bəstəkarı Fikrət Əmirovun “Min bir gecə” baleti 23-25 avqust tarixlərində Çinin paytaxtı Pekində nümayiş olunub. Dünyanın bir sıra səhnələrini fəth etmiş əsər Sankt-Peterburq Mariinski Teatrının Primorski səhnəsi (Vladivostok şəhəri) balet truppasının Çin Xalq Respublikasına qastrolu çərçivəsində göstərilib. Truppanın bədii rəhbəri Rusiyanın Əməkdar incəsənət xadimi Eldar Əliyevin yeni quruluş verdiyi tamaşanı 3500-dən çox çinli balet həvəskarı Pekin Milli İfaçılıq Mərkəzinin səhnəsində izləyib. Bu, yeni istifadəyə verilən Pekin Milli İfaçılıq Mərkəzinin səhnəsində ilk irimiqyaslı balet tamaşası olub. Səhnə əsərində əsas rolları Anna Samstrelova, İrina Sapojnikova, Liliya Berejnova, Sergey Umanets, Viktor Mulıgin və başqaları ifa ediblər. Üç gün ərzində tamaşaları izləyənlər arasında Rusiyanın Primorsk vilayətinin qubernatoru Oleq Kojemyako, Çin Böyük Teatrının direktoru Van Ninq, “İpək Yolu” Beynəlxalq Mədəniyyət Assosiasiyasının prezidenti Klaudio Yanq və başqa rəsmilər, qonaqlar olub. Tamaşaları Azərbaycan Dövlət Opera və Balet Teatrının baş dirijoru və musiqi rəhbəri Əməkdar artist, beynəlxalq müsabiqələr laureatı Əyyub Quliyevin rəhbərliyi ilə Çin Milli Baletinin simfonik orkestri müşayiət edib. Balet tamaşasında Mariinski Teatrı Primorski səhnəsinin xoru, opera truppasının solistləri Anastasiya Kikot və əslən azərbaycanlı olan Samirə Həlimova da səhnəyə çıxıblar. Eləcə də tarda solistlər – Azərbaycan Dövlət Akademik Opera və Balet Teatrının solisti Ramin Əzimov (Bakı) və Nadejda Medvedeva (Vladivostok) çıxış ediblər. Azərbaycanın və Yaxın Şərqin musiqi əzəmətini canlandıran “Min bir gecə” baleti çinli sənətsevərlər tərəfindən böyük maraqla qarşılanıb. Qeyd edək ki, dahi bəstəkar, Azərbaycanın və SSRİ-nin Xalq artisti, dövlət mükafatları laureatı Fikrət Əmirovun (1922-1984) məşhur ərəb nağılları əsasında yazdığı “Min bir gecə” baleti ilk dəfə 1979-cu ildə Bakıda Azərbaycan Dövlət Opera və Balet Teatrında tamaşaya qoyulub. Tamaşanın librettosu görkəmli Azərbaycan yazıçıları Maqsud və Rüstəm İbrahimbəyov qardaşlarına məxsusdur. Bəstəkar əsərdə Azərbaycanın milli aləti - tarı orkestrə daxil etmiş və bütün zərb alətləri arsenalının (bonqo, tam-tam, ksilofon, vibrafon, naqara, zəng, timpani və s.) köməyi ilə ərəb ritmlərinin zənginliyini tamaşaçıya tam çatdırır. ..

28.08.2024 09:21

Laçın Şəhəri Günü təntənəli şəkildə qeyd olunduMədəniyyət Nazirliyi, Azərbaycan Respublikası Prezidentinin Laçın rayonunda xüsusi nümayəndəliyinin təşkilatçılığı, “Bakı Abadlıq Xidməti” MMC-nin dəstəyi ilə 26 avqust – Laçın Şəhəri Günü ikinci dəfə təntənə ilə qeyd olundu. Tədbirdə doğma yurda qayıdan laçınlılarla yanaşı, rəsmilər, mədəniyyət xadimləri və digər qonaqlar vardı. Şəhər günü Laçının dörd məkanında – Bayraq meydanı, “Lacinema“ kinoteatrı, seyrəngah və Həkəri çayının sahilində gerçəkləşdi. Bayraq meydanında təşkil edilən açılış mərasimində əvvəlcə ölkəmizin ərazi bütövlüyü və suverenliyi uğrunda canından keçən şəhidlərimizin əziz xatirəsi bir dəqiqəlik sükutla yad edildi, Dövlət Himni səsləndirildi. Laçın rayonunda Azərbaycan Respublikası Prezidentinin xüsusi nümayəndəsi Məsim Məmmədov Laçın Şəhəri Günü münasibətilə sakinləri və tədbir iştirakçılarını təbrik etdi. Qeyd olundu ki, artıq ikinci dəfədir keçirilən Laçın Şəhəri Günü Prezident İlham Əliyevin “Azərbaycan Respublikasının işğaldan azad edilmiş əraziləri üzrə şəhər günlərinin təsis edilməsi haqqında” 31 iyul 2023-cü il tarixli sərəncamı ilə təsis olunub. “Otuz ilə yaxın işğal dövründə düşmən Laçın şəhərini xarabalığa çevirmişdi. Laçının azad olunmasından başlayaraq qısa dövr ərzində burada geniş miqyaslı bərpa-quruculuq işləri aparılıb. Hazırda Laçın şəhərinin əvvəlki əzəməti bərpa edilir”, – deyə M.Məmmədov bildirdi. Digər çıxış edənlər Laçının füsunkar təbiətindən söz açıb, bayram münasibətilə şəhər sakinlərinə xoş arzularını çatdırdılar. Tədbirdə Müdafiə Nazirliyinin Əlahiddə Nümunəvi Hərbi Orkestri tərəfindən vətənpərvərlik ruhlu musiqilər ifa edildi. Daha sonra hərbi orkestrin müşayiəti ilə tədbir iştirakçılarının “Lacinema“ kinoteatrına yürüşü oldu. “Lacinema“da sərgi və filmlər Şəhər günü tədbirləri çərçivəsində “Lacinema“ kinoteatrında “Laçınım mənim” adlı rəsm sərgisi və “Zamanın qanadlarında. Laçın” fotosərgisi nümayiş olundu. Günorta saatlarında qonaqlar “Şuşa, sən azadsan!” sənədli filmini izlədilər. Mədəniyyət Nazirliyinin dəstəyi ilə Bakı Media Mərkəzi və “Salnaməfilm” studiyasının birgə istehsal etdiyi filmin rejissoru Cavidan Şərifov, prodüserləri Nazim Hüseynov və Orman Əliyevdir. Müasir hərb tarixinin ən parlaq səhifələrindən biri olan Şuşa əməliyyatının diqqətçəkən məqamları izləyicilərə ilk dəfə bu filmdə təqdim edilir. Filmdə Şuşa əməliyyatını həyata keçirən cəsur əsgər və zabitlərimizin müsahibələri, Şuşanın işğaldan azad edilməsində əvəzsiz rol oynayan Xüsusi Təyinatlı Qüvvələrin keçdiyi döyüş yolu, əməliyyat zamanı çəkilmiş eksklüziv kadrlar yer alıb. Günün ikinci yarısında isə kinoteatrda “Oğurlanmış bahar”, “Tıq-tıq və dostları möcüzələr axtarışında” və “Mənim balaca Şahzadəm” animasiya filmləri nümayiş etdirildi. “Oğurlanmış bahar“ animasiya filmində Bahar qızı Div tərəfindən oğurlanır. Bunu görən balaca qəhrəman Baharı xilas etmək istəyir. Balaca qəhrəmanla Bahar birləşib Divin qəsrindən qaçırlar. Bundan sonra Bahar hər tərəfi gül-çiçəyə qərq edir... Mədəniyyət Nazirliyinin sifarişi ilə istehsal olunan filmin quruluşçu rejissoru Aleksandra Şirinova, bəstəkarı Azər Hacıəsgərli, prodüseri Mansur Şəfiyevdir. “Tıq-tıq və dostları möcüzələr axtarışında” ikihissəli animasiya filminin birinci hissəsində Tıq-tıq öz dostları ilə cənub bölgəmizə səyahət edir və balacalara orada bitən, nadir dəmirağac haqqında məlumat verir. Filmdə başqa maarifləndirici məlumatlar da fərqli şəkillərdə uşaqlara çatdırılır. İkinci hissədə isə Tıq-tıq öz dostları ilə qədim yaşayış məskənlərimizdən olan Qobustana səyahət edir. Qəhrəmanların başlarına qeyri-adi və sirli hadisələr də gəlir. Bu sirli hadisələrin ən yaxşı tərəfi qəhrəmana yeni bir dost qazandırması olur... Mədəniyyət Nazirliyinin sifarişi ilə istehsal olunan “Tıq-tıq və dostları möcüzələr axtarışında” animasiya filminin ssenari müəllifi və quruluşçu rejissoru Sultan Abbasbəylidir. Filmin bəstəkarı Azər Hacıəsgərli, rəssamı Kübra Binnətova, redaktoru Yusif Şeyxov, səs rejissoru Mehman Nadirov, prodüseri Mansur Şəfiyevdir. “Mənim balaca Şahzadəm” animasiya filmində gənc rəssam Məryəm Ələkbərlinin Fransız yazıçı Antuan de Sent Ekzüperinin “Balaca şahzadə” əsərinə həsr etdiyi yağlı boya ilə işlənmiş tabloların təsviri animasiya hissələrinin tərkibində verilib. Rəssamın “Balaca şahzadə” əsəri haqqında düşüncə və duyğularının 3D animasiya stili ilə təsviri əlaqələndirilməsi yeni bir stilistika ərsəyə gətirib. Mədəniyyət Nazirliyinin sifarişi ilə istehsal olunan filmin quruluşçu rejissoru Arif Məhərrəmov, bədii rəhbəri Elçin Əfəndiyev, ssenari müəllifi İman İsmayıl, quruluşçu rəssamı Amil Quliyev, bəstəkarı Azər Hacıəsgərli, səsləndirmə üzrə rejissoru Mehriban Zəki, prodüseri Müşfiq Hətəmovdur. Qeyd edək ki, “Mənim balaca Şahzadəm” animasiya filmi Türkiyə, Banqladeş və Pakistan və Cənubi Koreyada festivallarda uğur qazanıb. Laçın şəhər seyrəngahında ustad dərsləri, tamaşa nümayişləri Bayram şöləni çərçivəsində şəhərdəki seyrəngahda xalq tətbiqi sənəti üzrə ustad dərsləri təşkil olundu. Ustad dərslərində şəbəkə, həsirçilik, keramika, misgərlik və s. sahələr üzrə məlumat verilib, onların bir çoxunun hazırlanması prosesi əyani nümayiş etdirildi. Daha sonra “Qoçdaş” interaktiv sərgisi təşkil edildi. Müstəqil “Oyuq” uşaq teatrı tərəfindən milli nağıl qəhrəmanlarımız əsasında səhnəciklər göstərildi, Azərbaycanın uşaq kinematoqrafik nümunələrindən ibarət konsert proqramı keçirildi. Bundan başqa, Şuşa Dövlət Musiqili Dram Teatrının təqdimatında “Qırmızıpapaq” tamaşası nümayiş olundu. Yevgeni Şvartsın eyniadlı əsərinin motivləri əsasında hazırlanan tamaşaya rejissor, Əməkdar artist Loğman Kərimov quruluş verib. Tamaşanın musiqi tərtibatçısı Azad Məmmədov, quruluşçu rəssamı Valeh Məmmədovdur. Səhnə əsərində rolları Sürahi Əliməmmədova, Püstəxanım Zeynalova, Aybəniz Cahangirova, Nihat Heybətov, Orxan Abışov, Cavid Cavadzadə ifa edirlər. “Qırmızıpapaq” tamaşası doğma yurda qayıtmış laçınlı uşaqlar tərəfindən böyük maraqla qarşılandı. Həkəri çayının sahilində çal-çağır Laçın Şəhəri Günü tədbirləri Həkəri çayının sahilində müxtəlif tədbirlərlə davam etdi. Əvvəlcə Azərbaycan Respublikasının mədəniyyət naziri Adil Kərimli əlamətdar gün münasibətilə təşkil edilən sərgilərlə tanış oldu. Sonra “Can Laçın” yarmarkası – bölgəyə məxsus mətbəx nümunələrinin təqdimatı oldu. Eyni zamanda uşaqlar üçün əyləncəli tədbirlər – çərpələng uçurtma, maska, şar və torba oyunları, “face art” və s. keçirildi. Uşaq yazarları Sevinc Nuruqızı və Solmaz Amanova ilə uşaqların görüşü oldu, viktorinalar təşkil edildi. “Ata vəsiyyəti – oğul Zəfəri“ və “Bir millət, iki dövlət“ adlı xalçaların hanadan kəsimi isə tədbir iştirakçıları tərəfindən böyük maraqla qarşılandı. Məlumat verildi ki, “Ata vəsiyyəti – oğul Zəfəri“ xalçası Ulu öndər Heydər Əliyevin Prezident İlham Əliyevə “Qarabağ vəsiyyəti“ əsasında toxunub. “Bir millət, iki dövlət“ xalçası isə Ümummilli lider Heydər Əliyevin Türkiyə-Azərbaycan qarşadlığı haqqındakı məşhur “Bir millət, iki dövlət“ müdrik kəlamı əsasında hazırlanıb. Hər iki dövlətin bayrağının əks olunduğu xalçanın fonunda isə Qarabağın məşhur “Xətai” (XVII əsr) qrupuna aid “Əjdahalı“ xalçasından və Türkiyənin “Lotto” (XVII əsr) xalçasından fraqmentlər verilib. Hər iki xalçanın müəllifi Elnarə Rəsulovadır. Daha sonra tədbir çərçivəsində “poeziya saatı” təşkil edildi. Azərbaycan Yazıçılar Birliyinin katibi İlqar Fəhminin aparıcılığı ilə gerçəkləşən tədbirdə ilk olaraq yeni çapdan çıxmış “Laçın – 100” ədəbi antologiyasının təqdimatı oldu. Toplayanı və tərtibçisi şair-publisist İlham Qəhrəman olan kitab Laçın şəhərinin salınmasının 100 (1924–2024) illiyinə həsr olunub. Nəşrdə indiki Laçın ərazisində yazıb-yaratmış şair, nasir və aşıqların yaradıcılığından nümunələr toplanıb. 400 illik dövrü əhatə edən antologiyanın poeziya bölümü Sarı Aşıq, Mir Həmzə Nigari kimi klassiklərin yaradıcılığı ilə açılır. XVII, XVIII və XIX əsrlərdə yaşamış, yaradıcılığı günümüzə tam gəlib çatmayan və adları ədəbi mühitə məlum olmayan Aşıq Alı (suvatlı), Əmir Bəy, Aşıq Abbas, Qara Kərim, Şair Məmmədalı, Aşıq Cəfərqulu kimi saz-söz adamlarının yaradıcılığından nümunələr də kitabda yer alıb. Daha sonra “Füzuli 530 - məclisi-üns“ adlı muğam və poeziya məclisi keçirildi. Tədbirdə laçınlı yazarlar Şərif Ağayar, Səddam Laçın, musiqiçilər Əməkdar artist, xanəndə Ehtiram Hüseynov, həmçinin Xəyal Hüseynov, Aşıq Sahil, Aşıq Afil və digərləri bədii proqramla çıxış etdilər. Sonda Şuşa Dövlət Musiqili Dram Teatrının aktyorları tərəfindən “Sarı Aşığın hekayəti“ adlı teatral kompozisiya təqdim edildi. Qala konsert və atəşfəşanlıqla başa çatan şəhər günü tədbirləri Avqustun 26-da günün ikinci yarısında Həkəri çayının sahilində qurulmuş əsas səhnədə şəhər gününün möhtəşəm qala konserti keçirildi. Rəsmilər, tanınmış mədəniyyət nümayəndələri, Laçın sakinləri və digər qonaqlar konserti izlədilər. Əvvəlcə Prezident İlham Əliyevin Laçına səfəri və şəhər sakinləri ilə görüşünü özündə əks etdirən kadrlar nümayiş olundu. Musiqi şölənində Xalq artisti Faiq Ağayev, Əməkdar artistlər Ehtiram Hüseynov, Lalə Məmmədova, İlkin Əhmədov, Rəşad İlyasov, Elza Seyidcahan, Günel Şeyxova, ifaçılar Aşıq Ramin, Araz Hümbətli, Kamilə Nəbiyeva, Fuad Musayev, Könül Məmmədli, Vüsal Hacıyev, Murad Arif, həmçinin “Amarok“ qrupu, Fikrət Əmirov adına Azərbaycan Dövlət Mahnı və Rəqs Ansamblı və “Laçın” muğam qrupu çıxış etdilər. Proqramda Məhəbbət Kazımovun “Laçınım“, “Dağlar boyda dağım var“, Aydan Əliyevanın “Gözəl Azərbaycan“, Rauf Məmmədovun “Yaşa Azərbaycan“, Oqtay Kazıminin “Ey həyat, sən nə qəribəsən“, Emin Sabitoğlunun “İncə bellim“, Elza Seyidcahanın “Laçınımın dağlarında“, Ələkbər Tağıyevin “El yolunda“, Bəhram Nəsibovun “Anadır arzulara“, Telman Hacıyevin “Vətən süitası“ və Xanım İsmayılqızının “Sən qalibsən“ mahnıları səsləndirildi. Konsertdə həmçinin “İncilər“ kompozisiyası, “Cəngi“ rəqsi, “Xalq bayatıları“, “Misri“ aşıq havası, “Uzundərə“ xalq rəqsi, “Ay Laçın“ xalq mahnısı və “Şur“ təsnifi ifa edildi. Daha sonra respublika və beynəlxalq müsabiqələr laureatı, gənc tarzən İbrahim Babayevin solo çıxışı dinlənildi. İfaçı tərəfindən xalq mahnısı “Unuda bilmirəm”, Azərbaycan muğamının müasirliklə sintezinə aid “MuğaMix”, “Səmada rəqs” və digər musiqilər səsləndirildi. Bütün çıxışlar böyük coşqu ilə qarşılandı, tamaşaçılar tərəfindən gur alqışlarla mükafatlandırıldı. Laçın Şəhəri Günü tədbirlərinə möhtəşəm atəşfəşanlıqla yekun vuruldu. Azad şəhərin səması rəngbərəng işıqlara büründü. Beləcə, növbəti dəfə təntənə ilə qeyd olunan Laçın Şəhəri Günü unudulmaz anlarla tarixə qovuşdu. ..

27.08.2024 16:11

Mədəniyyət naziri Adil Kərimli Naxçıvanda vətəndaşları qəbul edəcəkMərkəzi icra hakimiyyəti orqanları və digər idarəetmə qurumlarının rəhbərlərinin şəhər və rayonlarda vətəndaşların qəbulu cədvəlinə əsasən Azərbaycan Respublikasının mədəniyyət naziri Adil Kərimli tərəfindən 2024-cü il sentyabrın 13-də saat 10:00-da Naxçıvan Muxtar Respublikasının Mədəniyyət Nazirliyində (ünvan: Naxçıvan şəhəri, Heydər Əliyev prospekti,1) Naxçıvan şəhəri, Babək, Culfa, Kəngərli, Ordubad, Sədərək, Şahbuz, Şərur rayonlarından olan vətəndaşların qəbulu keçiriləcəkdir. Vətəndaşlar 2024-cü il sentyabrın 9-dək nazirliyin info@culture.gov.az elektron poçt ünvanı, (012) 493-43-98 telefon nömrəsi vasitəsilə müraciət etməklə qəbula yazıla bilərlər. ..

27.08.2024 13:11

Yaxın günlərdə prioritet ixtisaslara ödənişsiz qəbul aparılacaqMədəniyyət Nazirliyi sistemində fəaliyyət göstərən musiqi, incəsənət məktəb və mərkəzlərinə 2024/2025-ci tədris ili üçün qəbul imtahanlarında uğur qazanan şagirdlərin sayı 10 000 nəfərə çatıb. Qəbul olunan şagirdlərin qeydiyyatının müddəti 31 avqust tarixinədək uzadılıb. Simfonik orkestr alətləri, eləcə də bir sıra milli musiqi alətləri üzrə ifaçılara yüksək tələbat nəzərə alınaraq həmin ixtisaslara marağın artırılması məqsədilə qəbul imtahanlarında 50 və daha yuxarı bal toplayan şagirdlər ödənişsiz əsaslarla aşağıdakı ixtisaslar üzrə əlavə yerləşdirmədə iştirak edə bilərlər: 1. Violonçel 2. Kontrabas 3. Arfa 4. Fleyta 5. Qoboy 6. Klarnet 7. Faqot 8. Saksofon 9. Truba 10. Trombon 11. Valtorna 12. Zərb alətləri 13. Balaban 14. Qanun 15. Saz Qeyd edək ki, bu ixtisaslar üzrə əlavə yerləşdirmədə iştirak etmək istəyən şagirdlər my.culture.az şəxsi kabineti vasitəsilə qeydiyyatdan keçə biləcəklər. Bununla bağlı yaxın günlərdə əlavə məlumat veriləcək. ..

27.08.2024 11:36

Laçın Şəhəri Günü qala konsert və atəşfəşanlıqla başa çatıbMədəniyyət Nazirliyi, Azərbaycan Respublikası Prezidentinin Laçın rayonunda xüsusi nümayəndəliyinin təşkilatçılığı, “Bakı Abadlıq Xidməti” MMC-nin dəstəyi ilə növbəti dəfə təntənə ilə qeyd olunan Laçın Şəhəri Günü tədbirləri sona çatıb. Avqustun 26-da günün ikinci yarısında Həkəri çayının sahilində qurulmuş əsas səhnədə şəhər gününün möhtəşəm qala konserti keçirilib. Rəsmilər, tanınmış mədəniyyət nümayəndələri, Laçın sakinləri və digər qonaqlar konserti izləyiblər. Əvvəlcə Prezident İlham Əliyevin Laçına səfəri və şəhər sakinləri ilə görüşünü özündə əks etdirən kadrlar nümayiş olunub. Musiqi şölənində Xalq artisti Faiq Ağayev, Əməkdar artistlər Ehtiram Hüseynov, Lalə Məmmədova, İlkin Əhmədov, Rəşad İlyasov, Elza Seyidcahan, Günel Şeyxova, ifaçılar Aşıq Ramin, Araz Hümbətli, Kamilə Nəbiyeva, Fuad Musayev, Könül Məmmədli, Vüsal Hacıyev, Murad Arif, həmçinin “Amarok“ qrupu, Fikrət Əmirov adına Azərbaycan Dövlət Mahnı və Rəqs Ansamblı və “Laçın” muğam qrupu çıxış ediblər. Proqramda Məhəbbət Kazımovun “Laçınım“, “Dağlar boyda dağım var“, Aydan Əliyevanın “Gözəl Azərbaycan“, Rauf Məmmədovun “Yaşa Azərbaycan“, Oqtay Kazıminin “Ey həyat, sən nə qəribəsən“, Emin Sabitoğlunun “İncə bellim“, Elza Seyidcahanın “Laçınımın dağlarında“, Ələkbər Tağıyevin “El yolunda“, Bəhram Nəsibovun “Anadır arzulara“, Telman Hacıyevin “Vətən süitası“ və Xanım İsmayılqızının “Sən qalibsən“ mahnıları səsləndirilib. Konsertdə həmçinin “İncilər“ kompozisiyası, “Cəngi“ rəqsi, “Xalq bayatıları“, “Misri“ aşıq havası, “Uzundərə“ xalq rəqsi, “Ay Laçın“ xalq mahnısı və “Şur“ təsnifi ifa edilib. Daha sonra respublika və beynəlxalq müsabiqələr laureatı, gənc tarzən İbrahim Babayevin solo çıxışı dinlənilib. İfaçı tərəfindən xalq mahnısı “Unuda bilmirəm”, Azərbaycan muğamının müasirliklə sintezinə aid “MuğaMix”, “Səmada rəqs” və digər musiqilər səsləndirilib. Bütün çıxışlar böyük coşqu ilə qarşılanıb, tamaşaçılar tərəfindən gur alqışlarla mükafatlandırılıb. Laçın Şəhəri Günü tədbirlərinə möhtəşəm atəşfəşanlıqla yekun vurulub. Azad şəhərin səması rəngbərəng işıqlara bürünüb. Beləcə, növbəti dəfə təntənə ilə qeyd olunan Laçın Şəhəri Günü unudulmaz anlarla tarixə qovuşub. ..

26.08.2024 17:27

Laçında bayram şöləni davam edirMədəniyyət Nazirliyi, Azərbaycan Respublikası Prezidentinin Laçın rayonunda xüsusi nümayəndəliyinin təşkilatçılığı, “Bakı Abadlıq Xidməti” MMC-nin dəstəyi ilə keçirilən Laçın Şəhəri Günü tədbirləri davam edir. Avqustun 26-da “Lacinema“ kinoteatrında “Laçınım mənim” adlı rəsm sərgisi və “Zamanın qanadlarında. Laçın” fotosərgisi nümayiş olunub. Günorta saatlarında qonaqlar “Şuşa, sən azadsan!” sənədli filmini izləyiblər. Mədəniyyət Nazirliyinin dəstəyi ilə Bakı Media Mərkəzi və “Salnaməfilm” studiyasının birgə istehsal etdiyi filmin rejissoru Cavidan Şərifov, prodüserləri Nazim Hüseynov və Orman Əliyevdir. Müasir hərb tarixinin ən parlaq səhifələrindən biri olan Şuşa əməliyyatının diqqətçəkən məqamları izləyicilərə ilk dəfə bu filmdə təqdim edilir. Filmdə Şuşa əməliyyatını həyata keçirən cəsur əsgər və zabitlərimizin müsahibələri, Şuşanın işğaldan azad edilməsində əvəzsiz rol oynayan Xüsusi Təyinatlı Qüvvələrin keçdiyi döyüş yolu, əməliyyat zamanı çəkilmiş eksklüziv kadrlar yer alıb. Günün ikinci yarısında isə kinoteatrda “Oğurlanmış bahar”, “Tıq-tıq və dostları möcüzələr axtarışında” və “Mənim balaca Şahzadəm” animasiya filmləri nümayiş etdirilib. “Oğurlanmış bahar“ animasiya filmində Bahar qızı Div tərəfindən oğurlanır. Bunu görən balaca qəhrəman Baharı xilas etmək istəyir. Balaca qəhrəmanla Bahar birləşib Divin qəsrindən qaçırlar. Bundan sonra Bahar hər tərəfi gül-çiçəyə qərq edir... Mədəniyyət Nazirliyinin sifarişi ilə istehsal olunan filmin quruluşçu rejissoru Aleksandra Şirinova, bəstəkarı Azər Hacıəsgərli, prodüseri Mansur Şəfiyevdir. “Tıq-tıq və dostları möcüzələr axtarışında” ikihissəli animasiya filminin birinci hissəsində Tıq-tıq öz dostları ilə cənub bölgəmizə səyahət edir və balacalara orada bitən, nadir dəmirağac haqqında məlumat verir. Filmdə başqa maarifləndirici məlumatlar da fərqli şəkillərdə uşaqlara çatdırılır. İkinci hissədə isə Tıq-tıq öz dostları ilə qədim yaşayış məskənlərimizdən olan Qobustana səyahət edir. Qəhrəmanların başlarına qeyri-adi və sirli hadisələr də gəlir. Bu sirli hadisələrin ən yaxşı tərəfi qəhrəmana yeni bir dost qazandırması olur... Mədəniyyət Nazirliyinin sifarişi ilə istehsal olunan “Tıq-tıq və dostları möcüzələr axtarışında” animasiya filminin ssenari müəllifi və quruluşçu rejissoru Sultan Abbasbəylidir. Filmin bəstəkarı Azər Hacıəsgərli, rəssamı Kübra Binnətova, redaktoru Yusif Şeyxov, səs rejissoru Mehman Nadirov, prodüseri Mansur Şəfiyevdir. “Mənim balaca Şahzadəm” animasiya filmində gənc rəssam Məryəm Ələkbərlinin Fransız yazıçı Antuan de Sent Ekzüperinin “Balaca şahzadə” əsərinə həsr etdiyi yağlı boya ilə işlənmiş tabloların təsviri animasiya hissələrinin tərkibində verilib. Rəssamın “Balaca şahzadə” əsəri haqqında düşüncə və duyğularının 3D animasiya stili ilə təsviri əlaqələndirilməsi yeni bir stilistika ərsəyə gətirib. Mədəniyyət Nazirliyinin sifarişi ilə istehsal olunan filmin quruluşçu rejissoru Arif Məhərrəmov, bədii rəhbəri Elçin Əfəndiyev, ssenari müəllifi İman İsmayıl, quruluşçu rəssamı Amil Quliyev, bəstəkarı Azər Hacıəsgərli, səsləndirmə üzrə rejissoru Mehriban Zəki, prodüseri Müşfiq Hətəmovdur. Qeyd edək ki, “Mənim balaca Şahzadəm” animasiya filmi Türkiyə, Banqladeş və Pakistan və Cənubi Koreyada festivallarda uğur qazanıb. ..

26.08.2024 16:32

Laçın Şəhəri Gününün təntənəli açılış mərasimi olubMədəniyyət Nazirliyi, Azərbaycan Respublikası Prezidentinin Laçın rayonunda xüsusi nümayəndəliyinin təşkilatçılığı, “Bakı Abadlıq Xidməti” MMC-nin dəstəyi ilə 26 avqust – Laçın Şəhəri Günü ikinci dəfə təntənə ilə qeyd olunur. Tədbirdə doğma yurda qayıdan laçınlılarla yanaşı, rəsmilər, mədəniyyət xadimləri və digər qonaqlar iştirak edirlər. Şəhər günü Laçının dörd məkanında – Bayraq meydanı, “Lacinema“ kinoteatrı, seyrəngah və Həkəri çayının sahilində gerçəkləşir. Bayraq meydanında təşkil edilən açılış mərasimində əvvəlcə ölkəmizin ərazi bütövlüyü və suverenliyi uğrunda canından keçən şəhidlərimizin əziz xatirəsi bir dəqiqəlik sükutla yad edilib, Dövlət Himni səsləndirilib. Laçın rayonunda Azərbaycan Respublikası Prezidentinin xüsusi nümayəndəsi Məsim Məmmədov Laçın Şəhəri Günü münasibətilə sakinləri və tədbir iştirakçılarını təbrik edib. Qeyd olunub ki, artıq ikinci dəfədir keçirilən Laçın Şəhəri Günü Prezident İlham Əliyevin “Azərbaycan Respublikasının işğaldan azad edilmiş əraziləri üzrə şəhər günlərinin təsis edilməsi haqqında” 31 iyul 2023-cü il tarixli sərəncamı ilə təsis olunub. “Otuz ilə yaxın işğal dövründə düşmən Laçın şəhərini xarabalığa çevirmişdi. Laçının azad olunmasından başlayaraq qısa dövr ərzində burada geniş miqyaslı bərpa-quruculuq işləri aparılıb. Hazırda Laçın şəhərinin əvvəlki əzəməti bərpa edilir”, – deyə M.Məmmədov bildirib. Digər çıxış edənlər Laçının füsunkar təbiətindən söz açıb, bayram münasibətilə şəhər sakinlərinə xoş arzularını çatdırıblar. Tədbirdə Müdafiə Nazirliyinin Əlahiddə Nümunəvi Hərbi Orkestri tərəfindən vətənpərvərlik ruhlu musiqilər ifa edilib. Daha sonra hərbi orkestrin müşayiəti ilə tədbir iştirakçılarının “Lacinema“ kinoteatrına yürüşü olub. Zəngin proqramı olan Laçın Şəhəri Günü rəngarəng tədbirlərlə gün ərzində davam edəcək. ..

23.08.2024 17:51

Musiqi və incəsənət məktəblərinə müəllimlərin işə qəbulu üzrə müsabiqənin nəticələri elan olunubMədəniyyət Nazirliyinin sistemində fəaliyyət göstərən musiqi, incəsənət məktəb və mərkəzlərinə müəllimlərin işə qəbulu üzrə müsabiqənin yekun nəticələri elan olunub. Müsahibələrdə 237 namizəd keçid balını toplayıb, onlardan 123 nəfərin müəllim vəzifəsinə təyinatları ilə bağlı qərar qəbul edilib. Müsabiqənin nəticələri ilə müvafiq linkə (https://bitly.cx/whHK) keçid edərək tanış olmaq mümkündür. Bu ilin iyun ayında Dövlət İmtahan Mərkəzi ilə birgə müəllimlərin işə qəbulu üzrə müsabiqənin test mərhələsi keçirilib. Test imtahanında iştirak edən 856 nəfərdən 317-si tələb olunan keçid balını toplayaraq müsahibə mərhələsində iştirak hüququ qazanıb. 5-8 avqust tarixlərində keçirilən müsahibə mərhələsində isə 300-ə yaxın namizəd iştirak edib. Musiqi, incəsənət məktəb və mərkəzlərinə müəllimlərin işə qəbulu üzrə müsabiqədən müvəffəqiyyətlə keçərək təyinat almış namizədlər 5 sentyabr 2024-cü il tarixinədək aidiyyəti təhsil müəssisələrində qeydiyyatdan keçməli və işə qəbul üçün zəruri olan sənədləri təqdim etməlidirlər. Ehtiyat kadrlar siyahısına daxil edilmiş namizədlər növbəti yerləşdirmədə vakansiya seçimində iştirak edə bilərlər. Növbəti yerləşdirmənin tarixi barədə Mədəniyyət Nazirliyinin informasiya resurslarında əlavə məlumat veriləcək. Qeyd edək ki, Mədəniyyət Nazirliyi sistemində fəaliyyət göstərən musiqi və incəsənət məktəblərində təhsilin keyfiyyətinin yüksəldilməsi ilə bağlı sistemli islahat yönümlü işlər həyata keçirilir. Bu il ilk dəfə olaraq təşkil edilən təhsilalanların qəbulunun, müəllimlərin işə qəbulunun vahid elektron sistem üzərindən aparılması, təhsilin məzmunu ilə bağlı yeniliklər, məktəb şəbəkəsinin optimallaşdırılması mədəniyyət təhsili müəssisələrinin daha harmonik inkişafına hesablanıb. ..

23.08.2024 15:07

Azərbaycan-Özbəkistan sənədləri imzalanıbAvqustun 23-də Daşkənddə Azərbaycan Respublikasının Prezidenti İlham Əliyevin və Özbəkistan Respublikasının Prezidenti Şavkat Mirziyoyevin iştirakı ilə Azərbaycan-Özbəkistan sənədlərinin imzalanması mərasimi olub. Azərbaycan Respublikasının Prezidenti İlham Əliyev və Özbəkistan Respublikasının Prezidenti Şavkat Mirziyoyev “Azərbaycan Respublikası ilə Özbəkistan Respublikası arasında müttəfiqlik münasibətləri haqqında Müqavilə”ni imzaladılar. Azərbaycan Respublikasının Prezidenti İlham Əliyev və Özbəkistan Respublikasının Prezidenti Şavkat Mirziyoyev “Azərbaycan Respublikasının və Özbəkistan Respublikasının Ali Dövlətlərarası Şurasının birinci iclasının Qərarı”nı qəbul etdilər. “Azərbaycan Respublikasının Mədəniyyət Nazirliyi ilə Özbəkistan Respublikasının Mədəniyyət Nazirliyi arasında 2024-2026-cı illər üçün mədəni-humanitar əməkdaşlıq üzrə Yol xəritəsi”ni Azərbaycan Respublikasının mədəniyyət naziri Adil Kərimli və Özbəkistan Respublikasının mədəniyyət naziri Ozodbek Nazarbekov imzaladılar. ..

23.08.2024 09:35

Daşkənddə Azərbaycan və Özbəkistan sənətçilərinə fəxri adlar təqdim olunubXəbər verdiyimiz kimi, Prezident İlham Əliyevin 22 iyul 2024-cü il tarixli Sərəncamı ilə Özbəkistanın tanınmış estrada müğənnisi, bəstəkar, aktyor Fərrux Zakirov “Azərbaycan Respublikasının Xalq artisti” fəxri adına layiq görülüb. Bu il avqustun 6-da isə Özbəkistan Prezidenti Şavkat Mirziyoyevin Sərəncamı ilə görkəmli Azərbaycan bəstəkarı və müğənnisi Polad Bülbüloğlu “Özbəkistan Respublikasının Xalq artisti” fəxri adı ilə təltif edilib. Avqustun 22-də, Azərbaycan Respublikasının Prezidenti İlham Əliyevin Özbəkistana dövlət səfəri çərçivəsində Daşkənddəki Forumlar Sarayında hər iki sənətkara fəxri adların təqdimetmə mərasimi keçirilib. Mərasimdə Azərbaycanın mədəniyyət naziri Adil Kərimli, Özbəkistanın mədəniyyət naziri Ozodbek Nazarbekov, iki qardaş ölkənin tanınmış incəsənət xadimləri və digər şəxslər iştirak ediblər. Mədəniyyət nazirinin müşaviri Oleq Əmirbəyov Fərrux Zakirovun təltif edilməsi ilə bağlı Azərbaycan Prezidentinin Sərəncamını oxuyub. Özbəkistan Prezidenti Administrasiyasının nümayəndəsi isə Polad Bülbüloğlunun təltif olunması haqqında Prezident Şavkat Mirziyoyevin Sərəncamını diqqətə çatdırıb. Sonra fəxri adların nişan və vəsiqələri sahiblərinə təqdim olunub. Mükafatlandırılan sənətçilər çıxış edərək yaradıcılıqlarına verilən yüksək qiymətə görə qardaş ölkələrin rəhbərlərinə minnətdarlıqlarını bildiriblər. Sonda xatirə şəkilləri çəkdirilib. ..

22.08.2024 09:05

Türkdilli region və dövlətləri birləşdirən yayım platformasının yaradılması müzakirə olunubAvqustun 21-də Azərbaycan Respublikasının Mədəniyyət Nazirliyində türkdilli region və dövlətləri birləşdirən yayım platformasının yaradılması ilə bağlı müzakirə aparılıb. Bildirilib ki, Azərbaycan mədəniyyətinin təbliği çərçivəsində yaradıcılıq sahələrinin inkişafının dəstəklənməsi, o cümlədən ölkəmizin kino potensialının təbliğ olunması, yerli kino sənayesinin inkişafına xarici mütəxəssislərin cəlb edilməsi istiqamətində müvafiq tədbirlərin həyata keçirilməsinə ehtiyac duyulur. Yerli kino sənayesinin inkişafı dublyaj infrastrukturunun dəstəklənməsini, yeni iş yerlərinin açılmasını və müasir rəqəmsal məkanda Azərbaycan dilinin dəstəklənməsi üçün əsas prioritet olan bu seqmentdə biznesin stimullaşdırılmasını nəzərdə tutur. Bu məqsədlər üçün “Yaradıcı Azərbaycan” proqramı çərçivəsində xüsusi tədbirlərin həyata keçirilməsi planlaşdırılır. Bu ehtiyac eyni zamanda Azərbaycan Respublikası Prezidentinin 2018-ci il 6 iyun tarixli 119 nömrəli Fərmanı ilə təsdiq edilmiş “Azərbaycan Respublikasının Mədəniyyət Nazirliyi haqqında Əsasnamə“sinə və “Azərbaycan Respublikasının 2022–2026-cı illərdə sosial-iqtisadi inkişaf Strategiyası”nın Tədbirlər Planının müvafiq bəndində də əksini tapıb. Həmin bəndin icrası üzrə mədəniyyət və yaradıcı sənayelər (MYS) sahəsində bazar iştirakçılarının fəaliyyətinin dəstəklənməsi, o cümlədən istehsalat bazasının təkmilləşdirilməsi və sahəvi klasterləşmənin təşviqi prioritet məsələdir. Qeyd olunub ki, bu fəaliyyət istiqamətində türkdilli region və dövlətləri birləşdirən yayım platformasının qurulması ilə bağlı araşdırma aparılır və müvafiq iş planı hazırlanır. Platformanın təkmilləşdirilməsi və yaradılma prosesinin sürətləndirilməsi məqsədilə layihəyə mütəxəssis olaraq “BBC-Maestro” layihəsinin strateji və biznes üzrə məsləhətçisi Nina Larıçeva və “ATA-Association of Turkic Animation” təşkilatının sədri Oktay Yusibov da cəlb edilib. Vurğulanıb ki, aylıq və ya illik abunə modelinə əsaslanan platformanın öz daxilində yerli və beynəlxalq məzmunları (dublyaj) əhatə etməsi planlaşdırılır. Həmçinin platformada tamaşaçılara yüksəkkeyfiyyətli, mədəni rezonans doğuran proqramların təqdim edilməsi nəzərdə tutulur. ..

20.08.2024 18:14

Maestro Niyazi musiqi mədəniyyətimizə ləyaqətlə xidmət edibAvqustun 20-də Azərbaycanın və SSRİ-nin Xalq artisti, Sosialist Əməyi Qəhrəmanı, Dövlət mükafatları laureatı Niyazinin anadan olmasının 112-ci ildönümü münasibətilə sənətkarın mənzil-muzeyində tədbir təşkil edilib. Tədbirdə mədəniyyət nazirinin müşaviri Cahangir Səlimxanov, Azərbaycan Musiqi Mədəniyyəti Dövlət Muzeyinin və onun filialı olan mənzil-muzeyin əməkdaşları və digər şəxslər iştirak ediblər. Qonaqlar əvvəlcə muzeyin foyesində “Niyazi – 112” adlı sərgisi ilə tanış olublar. Tədbirdə Ümummilli lider Heydər Əliyevin maestro Niyazi haqqında fikirlərinin yer aldığı videoyazı nümayiş olunub. Niyazinin Mənzil-Muzeyinin müdiri Əməkdar mədəniyyət işçisi Rza Bayramov çıxış edərək unudulmaz sənətkarın Azərbaycan musiqi mədəniyyətinin zənginləşməsi və təbliğindəki müstəsna rolundan danışıb. Bildirib ki, muzey eksponatlarla zəngindir: “Niyazinin həyat və yaradıcılığına nəzər salmaq üçün muzeyin kifayət qədər zəngin bazası var. Onun həyatının müxtəlif illərini özündə əks etdirən fotolar, əşyaları, əsərlərinin əl yazısı muzeydə qorunub saxlanılır”. Ü.Hacıbəyli adına Bakı Musiqi Akademiyasının professoru Xalq artisti Azər Dadaşov Niyazi haqqında xatirələrini bölüşüb, fortepianoda “Sumqayıt“ kantatasından və “Qızıldan“ mahnısından fraqment ifa edib. O, həmçinin müəllifi olduğu kitabı muzeyə hədiyyə edib. Digər çıxış edənlər Niyazinin həyat və yaradıcılığından danışıblar. Bildirilib ki, Niyazi Azərbaycan musiqisində bitkin və dolğun məzmunlu simfonik əsərlərin müəllifi kimi də milli simfonizmin təşəkkülünə dəyərli töhfələr verib. Onun “Xosrov və Şirin” operası, “Rast” simfonik muğamı, “Çitra” baleti və onlarla irili-xırdalı əsərləri musiqi xəzinəmizin dəyərli inciləridir. Tədbirdə tanınmış musiqi xadimlərinin Niyazi haqqında xatirələrinin əks olunduğu videomaterial nümayiş etdirilib. Bütün çıxışlar Azərbaycan Musiqi Mədəniyyəti Dövlət Muzeyinin kolleksiyaları əsasında hazırlanmış slayd-şou ilə müşayiət olunub. Qeyd edək ki, unudulmaz sənətkarın dünyaya gəldiyi gün (20 avqust) münasibətilə mənzil-muzeydə “açıq qapı” elan olunub. ..

20.08.2024 17:22

Musiqi, incəsənət məktəb və mərkəzlərinə sənəd qəbulunun qeydiyyat müddəti uzadıldıMədəniyyət Nazirliyinin tabeliyindəki musiqi, incəsənət məktəb və mərkəzlərinə 2024/2025-ci tədris ili üçün qəbul imtahanlarında uğurlu nəticə göstərmiş namizədlərin elektron sistem üzərindən “my.culture.az” vahid şəxsi kabineti vasitəsilə zəruri sənədlərini yükləyərək təhsil alacaqlarını təsdiq etmələri üçün son tarix 15 avqust müəyyən edilmişdi. Məzuniyyət və yay tətili günləri ilə əlaqədar bu müddətin artırılması barədə Nazirliyə daxil olan çoxsaylı müraciətləri nəzərə alaraq, vətəndaş məmnunluğunun təmin edilməsi məqsədilə şəxsi kabinet vasitəsilə qeydiyyat müddəti cari ilin 25 avqust tarixinə qədər uzadılmışdır. ..

20.08.2024 14:23

Fəxri xiyabanda maestro Niyazinin xatirəsi yad olunubAvqustun 20-də dünyaşöhrətli dirijor və bəstəkar, Azərbaycanın və SSRİ-nin Xalq artisti, Sosialist Əməyi Qəhrəmanı, Dövlət mükafatları laureatı Niyazinin (Niyazi Tağızadə-Hacıbəyov; 1912–1984) anadan olmasının 112-ci ildönümü tamam olur. Bu münasibətlə mədəniyyət nazirinin müşaviri Cahangir Səlimxanov, Musiqi Mədəniyyəti Dövlət Muzeyi və onun tabeliyində fəaliyyət göstərən Niyazinin Mənzil-Muzeyinin əməkdaşları, tanınmış mədəniyyət xadimləri Fəxri xiyabana gələrək maestronun məzarı önünə gül dəstələri düzüblər. Anım mərasimdə görkəmli sənətkarın Azərbaycan musiqi mədəniyyətinin inkişafındakı xidmətləri vurğulanıb. Bildirilib ki, Niyazi Azərbaycan xalqının milli sərvətidir və onun adı hər zaman böyük ehtiramla anılır. O, Azərbaycan dirijorluq məktəbinin formalaşması və inkişafında müstəsna rol oynayıb. Qeyd olunub ki, Niyazi dirijorluq fəaliyyətinə ötən əsrin 30-cu illərində başlayıb. 1935-ci ildə ilk dəfə olaraq Azərbaycan xalq musiqisinin klassik nümunələri – “Rast” və “Şur” muğamlarını nota köçürən bəstəkar 1946-cı ildə gənc dirijorların baxış-müsabiqəsinin laureatı adını qazanıb. 1949-cu ildə ən məşhur əsəri “Rast” simfonik muğamını yazıb. Maestronun Azərbaycan Dövlət Opera və Balet Teatrının səhnəsində hazırladığı Müslüm Maqomayevin “Nərgiz”, Qara Qarayevin “Vətən”, Fikrət Əmirovun “Sevil” operaları, eləcə də Qara Qarayevin “Yeddi gözəl” və “İldırımlı yollarla” baletləri böyük uğur qazanıb. Azərbaycan Dövlət Simfonik Orkestrinin bədii rəhbəri və dirijoru olan sənətkar eyni zamanda 1961-ci ildə Leninqrad (Sankt-Peterburq) Opera və Balet Teatrında Arif Məlikovun “Məhəbbət əfsanəsi” baletinin ilk tamaşasını hazırlayıb. Həmçinin Ankara Opera və Balet Teatrında Pyotr Çaykovskinin “Qaratoxmaq qadın”, Cüzeppe Verdinin “Aida” operalarına, İstanbul Opera və Balet Teatrında türk bəstəkarı Adnan Sayqunun “Koroğlu” operasının ilk tamaşasına və “Yunis Əmrə” oratoriyasına dirijorluq edib. Bildirilib ki, bu gün Niyazinin adı dünyaşöhrətli dirijor və bəstəkarlarla qoşa çəkilir. Onun yaradıcılığı yeni nəsil musiqiçilər üçün əsl örnəkdir. Hələ neçə-neçə nəsillər Niyazinin sənət məktəbindən bəhrələnəcək. ..

19.08.2024 12:14

“Füzulidə yay məktəbi” layihəsi rəngarəng və maraqlı tədbirlərlə yadda qaldıDoğma yurda qayıtmış Füzuli məktəblilərinin asudə vaxtının maraqlı və əyləncəli təşkili məqsədilə Füzuli şəhərində 15-18 avqust tarixlərində Mədəniyyət Nazirliyinin təşkilatçılığı, Elm və Təhsil Nazirliyi, Ağdam, Füzuli və Xocavənd üzrə Prezidentin xüsusi nümayəndəliyinin dəstəyi ilə keçirilən “Füzulidə yay məktəbi” layihəsi rəngarəng və maraqlı tədbirlərlə yadda qaldı. Avqustun 17-də Füzuli şəhər Kurmanqazı adına Uşaq yaradıcılıq mərkəzində yay məktəbinin “Musiqi“ günündə iştirakçılar üçün tanınmış mədəniyyət və incəsənət xadimləri tərəfindən ustad dərsləri keçirildi və iki böyük konsert təşkil olundu. Əvvəlcə Xalq artisti, opera müğənnisi Samir Cəfərov açıq havada pianino arxasına keçərək musiqi və xanəndəliyə marağı olan məktəblilər üçün vokal üzrə ustad dərsi verdi və onlarla ifaçılığın sirlərini paylaşdı. Məktəblilərlə həm fərdi, həm kollektiv şəkildə məşğul olan sənətçi hər bir şagirdə üzərində çalışmalı olduğu istiqamətlər üzrə tövsiyələrini verdi. Daha sonra Xalq artisti, aktyor Vidadi Həsənov səmimi mühitdə - açıq havada çəmənlikdə məktəblilərlə çay içərək teatr və yaradıcılıq haqqında söhbət etdi. Məktəblilərin oxuduqları kitablar, baxdıqları filmlərlə maraqlanan aktyor gələcəkdə incəsənət sahələri üzrə ixtisaslaşmaq istəyən məktəblilərə özlərini inkişaf etdirmək üçün bu istiqamətdə məsləhətlər verdi, onlarla səhnədə özünüifadə və diqqəti toplama məqsədli öyrədici oyunlar təşkil etdi. Yay məktəbinin günlük proqramı konsertlərlə davam etdi və Kurmanqazı adına Uşaq yaradıcılıq mərkəzinin Akt zalında “Qarabağ bülbülləri“ Füzulidə“ adlı möhtəşəm konsert proqramı təşkil olundu. Konsertdə Əməkdar artist, xanəndə Təyyar Bayramovun müşayiəti ilə “Qarabağ bülbülləri“nin məharətli ifaları böyük alqışlarla qarşılandı. Günün sonunda Qarabağ bölgəsi musiqi məktəblərinin şagirdləri və Kurmanqazı adına Uşaq yaradıcılıq mərkəzinin kollektivinin iştirakı ilə rəngarəng musiqi nömrələri ilə zəngin konsert proqramı məktəblilərin ifasında təqdim olundu. *** Avqustun 18-də Kurmanqazı adına Uşaq yaradıcılıq mərkəzində məktəblilər ilk öncə, yazar, ədəbiyyatşünas Ramil Əhmədin “Yaradıcı yazarlıq“ üzrə ustad dərsində iştirak etdilər. Daha sonra yay məktəbinin iştirakçıları üçün açıq havada müxtəlif idman müsabiqələri, estafet yarışları keçirildi və hər bir uşaq yay məktəbində hədiyyə sahibi oldu. Yay məktəbinin proqramı filmə baxışla davam etdi. Daha sonra “Füzulidə Yay Məktəbi“nin bağlanış mərasimi keçirildi. Bağlanış tədbirində məktəblilərin yay məktəbi haqqında təəssüratları öyrənildi, gələcəkdə bu məzmundakı fəaliyyətlər üçün arzu və istəkləri dinlənildi. Uşaqlar “Füzulidə yay məktəbi“ layihəsi çərçivəsində bir çox mövzularda həm maarifləndiklərini, həm çox əyləndiklərini, həm də yeni insanlar tanıyaraq, yeni məlumatlar əldə etdiklərini və bu cür layihələrin yenə həyata keçirilməsi üçün arzularını xüsusi qeyd etdilər. Qeyd edək ki, “Füzulidə yay məktəbi“ layihəsinə “Sirab“, “Final çayı“, “Bazarstore“ və “Nort Vest“ şirkətləri dəstək verdi. ..

16.08.2024 14:40

Musiqi, incəsənət məktəb və mərkəzlərinə təhsilalanların qəbulu ilə bağlı apelyasiya müraciətlərinə baxılıbAzərbaycan Respublikası Mədəniyyət Nazirliyi tərəfindən mədəniyyət təhsili sahəsində aparılan islahatların mühüm hissəsi olaraq 2024/2025-ci tədris ili üçün Nazirliyin tabeliyindəki musiqi, incəsənət məktəb və mərkəzlərinə təhsilalanların qəbulu prosesi ilk dəfə olaraq elektron qaydada həyata keçirilmişdir. Cari ilin 6-31 may tarixlərində “my.culture.az” vahid şəxsi kabinet vasitəsilə məktəblərə qəbul üçün müraciətlər qeydiyyata alınmış, 20-30 iyun tarixlərində əyani olaraq mərkəzləşdirilmiş qaydada qəbul imtahanları baş tutmuşdur. İmtahanların nəticələrinə əsasən şagirdlərin yerləşdirilməsi hər bir məktəb və ixtisas üzrə ödənişsiz və ödənişli təhsilə müəyyən edilmiş qəbul planlarına, namizədlərin topladıqları ballara və yaş həddinə uyğun olaraq elektron sistem üzərindən avtomatlaşdırılmış formada aparılmışdır. Qəbul üçün müraciət etmiş 16147 nəfərdən 12089 nəfər müxtəlif ixtisaslar üzrə I və VIII (onbirillik təhsilə) siniflərə qəbul edilmişdir. Qəbul imtahanlarının nəticələri ilə bağlı şikayətlər elektron sistem üzərindən qəbul edilmiş, müraciətlərə baxılması məqsədilə regional mədəniyyət idarələrində apellyasiya komissiyaları yaradılmışdır. Komissiyalar tərəfindən aidiyyəti üzrə apellyasiya müraciətinə baxılaraq, 24 müraciətin təmin edilməsi barədə qərar qəbul edilmişdir. ..

15.08.2024 16:54

Mədəniyyət və yaradıcı sənayelər üzrə xüsusi Təqaüd Proqramına sənəd qəbulu elan edilirMədəniyyət Nazirliyi Mədəniyyət və yaradıcı sənayelər üzrə xüsusi Təqaüd Proqramı çərçivəsində bakalavriat və magistratura səviyyələri üzrə xaricdə təhsilin maliyyələşdirilməsi ilə bağlı sənəd qəbulu elan edir. Yaşı 15-dən yuxarı olan, yaradıcı potensialını inkişaf etdirmək və MYS və mədəniyyətin müxtəlif sahələri üzrə əmək fəaliyyəti ilə məğul olmaq istəyən, xarici ali təhsil müəssisələrinə qəbul olmuş və ya öz hesabına təhsil almaqda olan Azərbaycan Respublikası vətəndaşları təhsilin maliyyələşdirilməsi məqsədilə Təqaüd Proqramına müraciət edə bilərlər. Bakalavriat və magistratura səviyyələri üzrə aşağıdakı ixtisaslaşma istiqamətləri üzrə xaricdə təhsilin maliyyələşdirilməsi həyata keçirilir: 1. Audiovizual (musiqi, kino (o cümlədən animasiya), videoqrafiya və fotoqrafiya) 2. Dəb sənəti 3. Dizayn 4. Kuratorluq 5. Memarlıq 6. Tədbirlərin təşkili 7. Mədəni və yaradıcı sahə üzrə menecment 8. Nəşriyyatlarla işin təşkili 9. Oyun sənayesi 10. Teatr, komediya və performans 11. Yaradıcı texnologiyalar Təqaüd Proqramına qəbul prosesi iki mərhələdən ibarətdir: sənədlərin qəbulu və müsahibə mərhələsi. Tələb olunan sənədlər: Bakalavriat səviyyəsində xaricdə təhsil üzrə: – namizədin cari tədris ilində ümumtəhsil müəssisələrinin buraxılış sinfində (XI sinif və ya xaricdə təhsil aldıqda müvafiq buraxılış sinfi) təhsil almasını təsdiq edən arayış və ya tam orta təhsil və ya orta ixtisas təhsili haqqında dövlət sənədinin surəti; – namizədin xarici ali təhsil müəssisəsinə qəbul edildiyini və ya xarici ali təhsil müəssisəsində təhsil aldığını təsdiq edən sənədin (ingilis, rus və türk dillərindən başqa digər dillərdə olan sənədlərin notariat qaydasında təsdiq edilmiş Azərbaycan dilinə tərcüməsi) surəti; – namizədin təhsil alacağı xarici ali təhsil müəssisəsinin tədris dilini bilməsinə dair beynəlxalq səviyyəli dil sertifikatının surəti və ya öncəki təhsilini təhsil alacağı xarici dildə almasını təsdiq edən sənədin surəti; – namizədin beynəlxalq təhsil proqramları üzrə müəyyən edilmiş keçid ballarının minimum və maksimum hədləri aralığında (minimum və maksimum bal daxil olmaqla) göstəricisini təsdiq edən müvafiq təhsil müəssisəsindən arayışın surəti; – namizədin sağlamlığı haqqında arayış (forma AZS086/1); – namizədin özünün ərsəyə gətirdiyi MYS məhsulu olduğu halda foto və video materiallar, sahibkarlıq (o cümlədən startap) fəaliyyəti ilə məşğul olduğu halda, VÖEN, startap şəhadətnaməsi (olduğu halda) və digər təsdiqedici materiallar qeyd edilən sənədlərə əlavə edilə bilər. Magistratura səviyyəsində xaricdə təhsil üzrə: – namizədin cari tədris ilində ali təhsil müəssisəsinin sonuncu tədris ilində təhsil almasını təsdiq edən arayış və ya bakalavr ali peşə-ixtisas dərəcəsi haqqında dövlət sənədinin surəti; – namizədin xarici ali təhsil müəssisəsinə qəbul edildiyini və ya xarici ali təhsil müəssisəsində təhsil aldığını təsdiq edən sənədin (ingilis, rus və türk dillərindən başqa digər dillərdə olan sənədlərin notariat qaydasında təsdiq edilmiş Azərbaycan dilinə tərcüməsi) surəti; – bakalavriat səviyyəsi üzrə xarici ali təhsilə aid kvalifikasiyanın tanınmasına dair şəhadətnamənin (xaricdə ali təhsil aldıqda) surəti; – namizədin xarici ali təhsil müəssisəsində təhsil alma bacarıqları barədə rəyi özündə ehtiva edən ali təhsil müəssisəsi və ya elmi müəssisə və təşkilatda çalışan professor-müəllim heyətinin ən azı 2 (iki) üzvü tərəfindən verilmiş tövsiyə məktubunun (namizəd əmək fəaliyyəti ilə məşğul olduğu halda, məktublardan biri onun işəgötürəni tərəfindən təqdim edilə bilər) əsli və ya surəti; – namizədin təhsil alacağı xarici ali təhsil müəssisəsinin tədris dilini bilməsinə dair beynəlxalq səviyyəli dil sertifikatının surəti və ya öncəki təhsilini təhsil alacağı xarici dildə almasını təsdiq edən sənədin surəti; – namizədin transkriptinin (ÜOMG göstərilməklə) surəti; – namizədin sağlamlığı haqqında arayış (forma AZS-086/1); – namizədin özünün ərsəyə gətirdiyi MYS məhsulu olduğu halda foto və video materiallar, sahibkarlıq (o cümlədən startap) fəaliyyəti ilə məşğul olduğu halda, VÖEN, startap şəhadətnaməsi (olduğu halda) və digər təsdiqedici materiallar qeyd edilən sənədlərə əlavə edilə bilər. Sənədlərin qəbulu “edu.creative.az” informasiya resursu üzərindən elektron formada həyata keçirilir. Müraciət formasının müvafiq bölmələrinə daxil olmaqla Təqaüd Proqramı üzrə üstünlük verilən xaricdə yerləşən ali təhsil müəssisələrinin və həmin müəssisələr üzrə ixtisas və ya proqramların siyahısı ilə tanış ola bilərsiniz. Bununla yanaşı, namizədin Təqaüd Proqramı çərçivəsində təhsil almaq istədiyi müəssisə bu siyahıda yer almadığı təqdirdə, həmin müəssisənin yerləşdiyi ölkənin MYS-lərin inkişafına dair göstəriciləri və ixtisaslaşma istiqamətləri üzrə kadr hazırlığı baxımından imkanları və uğurları nəzərə alınmaqla, maliyyələşdirilməsi Komissiya tərəfindən məqsədəmüvafiq hesab edilə bilər. Dövlət sifarişi və ya dövlət hesabına Azərbaycan Respublikasının ali təhsil müəssisələrində bakalavriat və ya magistratura səviyyələri üzrə təhsilin normativ müddətinin yarısından artıq müddətdə təhsil alan, habelə Azərbaycan Respublikasının dövlət proqramları və beynəlxalq müqavilələri (hökumətlərarası təqaüd proqramları) çərçivəsində xarici ali təhsil müəssisələrində bakalavriat və ya magistratura səviyyələri üzrə təhsilini başa vurmuş proqram iştirakçılarının eyni təhsil səviyyəsi üzrə proqram iştirakçılarının seçilməsində namizəd qismində iştirakı nəzərdə tutulmur. Xəbər verdiyimiz kimi, “Azərbaycan Respublikasının 2022–2026-cı illərdə sosial-iqtisadi inkişaf Strategiyası”nın Tədbirlər Planında nəzərdə tutulan “Mədəniyyət və Yaradıcı Sənayelərin (MYS) dinamik inkişafının təmin edilməsi və bu sahədə ixrac potensialının gücləndirilməsi” fəaliyyət istiqaməti üzrə MYS sahələrinin tələblərinə uyğun sertifikat proqramlarının və xaricdə təhsil üçün xüsusi təqaüd proqramının yaradılması ilə əlaqədar Mədəniyyət Nazirliyi əsas icraçı qurum olaraq müəyyənləşdirilib. Mədəniyyət Nazirliyi Kollegiyasının qərarı ilə “Mədəniyyət və yaradıcı sənayelər üzrə xüsusi Təqaüd Proqramı” çərçivəsində “Təhsil alacaq şəxslərin seçilməsi meyarları, prosedurları və təhsilin maliyyələşdirilməsi Qaydaları” təsdiq olunub. Sənəd qəbulu 15 avqust 2024-cü il tarixdən 15 sentyabr 2024-cü il tarixinədək davam edəcək. Təqaüd Proqramı ilə bağlı əlavə məlumat almaq üçün avqustun 16-dan etibarən aşağıda qeyd olunan nömrə ilə əlaqə saxlamaq mümkündür: 012 525 11 28 (daxili: 102 və ya 103) ..

15.08.2024 15:54

“Füzulidə yay məktəbi” layihəsinin açılış mərasimi olubAvqustun 15-də Füzuli şəhərindəki Kurmanqazı adına Uşaq yaradıcılıq mərkəzində “Füzulidə yay məktəbi” layihəsinin açılış mərasimi keçirilib. Layihənin məqsədi yay tətili müddətində doğma yurda qayıtmış Füzuli məktəblilərinin asudə vaxtının maraqlı və əyləncəli təşkilidir. Avqustun 18-dək davam edəcək layihə Mədəniyyət Nazirliyinin təşkilatçılığı, Elm və Təhsil Nazirliyi, Ağdam, Füzuli və Xocavənd üzrə Prezidentin xüsusi nümayəndəliyinin dəstəyi ilə gerçəkləşir. Özbəkistan Respublikası Prezidentinin hədiyyəsi olan, 2023-cü ilin avqust ayında istifadəyə verilmiş Füzuli şəhər Uluqbəy adına 1 nömrəli tam orta məktəbinin şagirdləri də layihədə iştirak edir. Açılış mərasimində əvvəlcə Dövlət Himni səsləndirilib, ölkəmizin müstəqilliyi və ərazi bütövlüyü uğrunda canından keçmiş şəhidlərin əziz xatirəsi bir dəqiqəlik sükutla yad edilib. Mədəniyyət Nazirliyinin əməkdaşı və yay məktəbinin koordinatoru Rəfiqə Baxşiyeva layihənin məqsədi, nəzərdə tutulan fəaliyyətlər barədə söz açıb. O, yay məktəbinin keçirilməsinə dəstək göstərən bütün qurumlara təşəkkürünü bildirib. Daha sonra Kurmanqazı adına Uşaq yaradıcılıq mərkəzinin kollektivi Azərbaycan və qazax dillərində əbədi-bədii kompozisiyalarla çıxış ediblər. Füzuli məktəblilərinin ifasında Azərbaycan muğamları, qazax folklor nümunələri dinlənilib, hər iki xalqın rəqsləri nümayiş olunub, həmçinin mərkəzin xor kollektivi tərəfindən musiqi nömrələri səsləndirilib. Gün ərzində məktəblilər üçün rəsm dərsləri, taxta üzərində oyma üzrə ustad dərsi və əyləncəli oyunlar keçirilib. Sonda tədbirin təəssüratlarını öyrənmək üçün məktəblilərlə sorğu sessiyası təşkil olunub. Qeyd edək ki, yay məktəbi dövlət və özəl sektorun əməkdaşlığı ilə reallaşır. “Sirab“, “Azərçay“ və “Nort Vest“ şirkətləri də layihəyə dəstək verir. ..

14.08.2024 17:04

Füzuli şəhərində yay məktəbi təşkil olunacaq15-20 avqust tarixlərində Füzuli şəhərinin məktəbliləri üçün yay məktəbi təşkil olunacaq. Mədəniyyət Nazirliyinin təşkilatçılığı, Elm və Təhsil Nazirliyi, Ağdam, Füzuli və Xocavənd üzrə Prezidentin xüsusi nümayəndəliyinin dəstəyi ilə həyata keçiriləcək. Məqsəd Qazaxıstan Respublikası tərəfindən tikilib istifadəyə verilən Kurmanqazi adına Uşaq yaradıcılıq mərkəzində yay tətili müddətində doğma yurda qayıtmış Füzuli məktəblilərinin asudə vaxtının maraqlı və əyləncəli təşkilidir. “Füzulidə yay məktəbi” adlı layihədə Özbəkistan Respublikası Prezidentinin hədiyyəsi olan Uluqbəy adına 1 nömrəli tam orta məktəbin şagirdləri də iştirak edəcək. Yay məktəbi çərçivəsində 200-dək şagird maraqlı proqramla vaxtlarını səmərəli keçirə biləcək. Aksiya müddətində tanınmış təhsil, sənət, idman xadimləri müxtəlif təqdimatlarla çıxışlar edəcək, əyləncəli məzmunlu proqram təşkil olunacaq. Yay məktəbinin ikinci günündə Qarabağ bölgəsi musiqi məktəblərinin şagirdləri Əməkdar artist, xanəndə Təyyar Bayramovun müşayiəti ilə “Qarabağ bülbülləri“ Füzulidə” adlı konsert proqramı ilə çıxış edəcəklər. Digər günlərdə Xalq artistləri – opera müğənnisi Samir Cəfərov və aktyor Vidadi Həsənov, yazar, ədəbiyyatşünas Ramil Əhmədin müvafiq sahələr üzrə ustad dərsləri təşkil olunacaq. Yay məktəbi müddətində şagirdlərin valideynləri ilə müxtəlif məkanlarda görüşlərin keçirilməsi, məsləhət saatlarının təşkili, eləcə də açıq məkanda əyləncəli yarışmaların keçirilməsi nəzərdə tutulur. ..

12.08.2024 10:00

Azərbaycan nəşrləri XXI Beynəlxalq “Kitab sənəti” müsabiqəsində qalib olubMüstəqil Dövlətlər Birliyi (MDB) İcraiyyə Komitəsinin təşkilatçılığı ilə XXI ənənəvi “Kitab sənəti” Beynəlxalq müsabiqəsi keçirilib. 7-8 avqust tarixlərində Tacikistanın paytaxtı Düşənbə şəhərində təşkil edilən müsabiqədə ölkəmiz də müxtəlif nominasiyalar üzrə çap məhsulları ilə təmsil olunub. Müsabiqəyə ümumilikdə 6 ölkədən bir sıra nominasiyalar üzrə 64 adda kitab təqdim edilib. Açıq səsvermə yolu ilə hər nominasiya üzrə kitabların seçimi aparılıb. Nəşr məhsulları haqqında iştirakçı ölkələrin nümayəndələrinə ətraflı məlumat verilib. Budəfəki müsabiqəyə Azərbaycandan 10 nominasiya üzrə 9 adda kitab təqdim olunub. Ölkəmizin nəşrləri 4 nominasiya üzrə I, 2 nominasiya üzrə II, 3 nominasiya üzrə III yerlərə layiq görülüb. Qeyd edək ki, “Kitab sənəti” müsabiqəsinin mükafatları sentyabr ayında keçiriləcək ənənəvi Moskva Beynəlxalq Kitab Sərgi-Yarmarkasında təqdim olunacaq. ..

09.08.2024 13:39

Musiqi və incəsənət məktəblərinə müəllimlərin işə qəbulu üzrə müsabiqənin müsahibə mərhələsi başa çatıbAvqustun 8-də musiqi və incəsənət məktəblərinə müəllimlərin işə qəbulu üzrə müsabiqənin müsahibə mərhələsi başa çatıb. Müxtəlif ixtisaslar üzrə keçirilən imtahanlarda ümumilikdə 286 nəfər namizəd iştirak edib. Müsahibə mərhələsində test imtahanlarının nəticələrinə əsasən keçid balını toplamış və vakant yer tutmaq hüququ qazanmış namizədlərin bilik və bacarıqları, psixoloji hazırlığı müvafiq qaydada yaradılmış 16 komissiya tərəfindən yoxlanılıb. Qeyd edək ki, müsabiqənin nəticələri barədə məlumat yaxın günlərdə namizədlərin “MyCulture” vahid şəxsi kabinetinə (my.culture.az) göndəriləcək. Namizədlərin vakant yerlərə yerləşdirilməsi elektron ərizələrində qeyd etdikləri seçim ardıcıllığı gözlənilməklə aparılacaq. ..

07.08.2024 15:22

R.B.Hüseynovun “Şərəf” ordeni ilə təltif edilməsi haqqında Azərbaycan Respublikası Prezidentinin SərəncamıAzərbaycan Respublikası Konstitusiyasının 109-cu maddəsinin 23-cü bəndini rəhbər tutaraq qərara alıram: Azərbaycanda ədəbiyyatşünaslıq elminin inkişafında böyük xidmətlərinə və uzunmüddətli səmərəli ictimai-siyasi fəaliyyətinə görə Rafael Baba oğlu Hüseynov “Şərəf” ordeni ilə təltif edilsin. İlham Əliyev Azərbaycan Respublikasının Prezidenti Bakı şəhəri, 7 avqust 2024-cü il ..

07.08.2024 10:26

Tanınmış türkiyəli aktrisa Bakıda monotamaşa ilə çıxış edəcəkAzərbaycan Respublikası Mədəniyyət Nazirliyinin dəstəyi, “Caspian Media Group”un təşkilatçılığı ilə Türkiyənin məşhur kino və teatr aktrisası Sumru Yavrucuk “Şerli Valentin” monotamaşası ilə Bakıda çıxış edəcək. Səhnə əsəri 5-6 oktyabr tarixlərində Azərbaycan Dövlət Akademik Musiqili Teatrında nümayiş olunacaq. İkipərdəli monotamaşada gündəlik həyatın cansıxıcılığında itib-batan Şerli Valentinin hekayəsi diqqət mərkəzinə çəkilir. O özünü yenidən kəşf edir və həyat yolunda ayaqları üstə möhkəm dayanmağa başlayır... Tamaşanın rejissoru teatr sahəsi üzrə bir sıra mükafatların laureatı olan Sumru Yavrucukun özüdür. O həm də tamaşadakı bütün obrazları canlandırır. Qeyd edək ki, S.Yavrucuk “Yabancı damat” serialındakı obrazı ilə məşhurlaşıb. Daha sonra “Fatmagülün suçu nə?”, “Şahanə həyatım”, “Evlilik haqqında hər şey” kimi seriallarda da unudulmaz obrazlar canlandırıb. ..

03.08.2024 19:10

Musiqi və incəsənət məktəblərinə müəllimlərin işə qəbulu üzrə müsabiqənin müsahibə mərhələsi başlayır5-8 avqust tarixlərində musiqi və incəsənət məktəblərinə müəllimlərin işə qəbulu üzrə müsabiqənin müsahibə mərhələsi keçiriləcək. Bu il müsahibədə 337 nəfər namizədin iştirakı gözlənilir. Müsahibə zamanı namizədlərin ixtisası üzrə bilik və bacarıqları, psixoloji durumu və ümumi dünyagörüşü yoxlanılacaq. Namizədlər https://shorturl.at/lBgA2 linki vasitəsilə müsahibə mövzuları ilə yenidən tanış ola bilərlər. Müsahibə mərhələsinin nəticələri əsasında tələb olunan balı toplamış namizədlər müvafiq qaydada musiqi və incəsənət məktəblərində müəllim vəzifəsinə təyin olunacaq. Qeyd edək ki, müsahibə mərhələsinin qrafiki barədə məlumat namizədlərə “MyCulture” vahid şəxsi kabinet (https://my.culture.az), sms və elektron poçt vasitəsilə göndərilib. ..

03.08.2024 14:19

Azərbaycan Kinosu Günü təntənəli şəkildə qeyd olunubAvqustun 2-də Azərbaycanda kinonun yaranmasının 126-cı ildönümü tamam oldu. Əlamətdar tarixin əsası 1898-ci il avqustun 2-də Bakıda ilk kinosüjetlərin kütləvi nümayişi ilə qoyulub. Ulu öndər Heydər Əliyevin 2000-ci ilin 18 dekabr tarixində imzaladığı sərəncama əsasən, 2 avqust “Azərbaycan Kinosu Günü” elan edilib. Əlamətdar gündə Mədəniyyət Nazirliyinin təşkilatçılığı ilə Nizami Kino Mərkəzində təntənəli tədbir keçirilib. Nazirliyin məsul şəxsləri, mədəniyyət xadimləri, kino ictimaiyyətinin nümayəndələri və film həvəskarlarının iştirak etdiyi tədbirdə əvvəlcə qonaqlar Nizami Kino Mərkəzinin qarşısında kinematoqrafiyamızla bağlı sərgi ilə tanış olaraq eksponatlarla kinomuzun tarixinə səyahət ediblər. Mərkəzin zalında davam edən tədbirdə ilk olaraq Prezident İlham Əliyevin 1 avqust 2024 tarixli sərəncamı ilə təltif edilən kino işçilərinin adları elan olunub və təbriklər çatdırılıb. Açılış nitqi söyləyən mədəniyyət nazirinin müavini Səadət Yusifova bildirib ki, bu il 126 yaşını qeyd edən Azərbaycan kinosu dünya kinosunun tarixi ilə təxminən bərabər yaranaraq paralel şəkildə böyük inkişaf yolu keçib. Bu illər ərzində Azərbyacan kinosu çoxlu eniş və yoxuşlar yaşayıb, müxtəlif transformasiyalara məruz qalıb. Amma həmişə öz milli ənənələrinə, yüksək mənəvi dəyərlərinə, sənət sevgisinə sadiq qalıb: “Müasir Azərbaycan kinosunun inkişafı Ulu öndər Heydər Əliyevin adı ilə ayrılmaz şəkildə bağlıdır. 1970-ci illər Azərbaycan kinosunun ən parlaq dövrü hesab olunur. Məhz onun dəstəyi ilə aparılan araşdırmalar nəticəsində kino tariximizin əsl yaşı müəyyən edilib və ilk filmin - “Balaxanıda neft fontanı yanğını” filminin nümayiş tarixi 1898-ci il avqustun 2-si kino günü elan edilib. Artıq 24 ildir ki, Ümummilli lider Heydər Əliyevin sərəncamı ilə 2 avqust - kino işçilərinin peşə bayramı, Azərbaycan Kinosu Günü kimi qeyd edilir“. Nazir müavini vurğulayıb ki, Prezident İlham Əliyev bu irsin davamçısı olaraq, kino sənətimizi daima diqqətdə saxlayır: “Azərbaycan kinosunun 2008–2018-ci illər üzrə inkişafına dair Dövlət Proqramı”nın qəbul edilməsi, kinostudiyaların maddi-texniki bazasının gücləndirilməsi, 1993-cü ildə Ulu öndərin tapşırığı ilə yaradılan və milli kino sənətinin qorunub saxlanması məqsədi daşıyan Azərbaycan Dövlət Film Fondu üçün yeni, müasir standartlara cavab verən binanın tikilməsi, hal-hazırda tədbirin keçirildiyi Nizami Kino Mərkəzinin yenidən bərpa olunması, Mədəniyyət Nazirliyi yanında Kino Agentliyinin yaradılması, dövlət sifarişi ilə film istehsalını və gənc kinematoqrafçıların yaradıcılığının dəstəklənməsi məqsədi ilə hər il Prezidentin ehtiyat fondundan filmlərin istehsalı üçün maliyyənin ayrılması kinoya dövlət dəstəyinin bariz nümunəsidir. Son 20 il ərzində Azərbaycan kinosunun inkişafına 100 milyondan çox vəsait ayrılıb, 1763 bədii, sənədli, animasiya və s. filmlər çəkilib“. Azərbaycan Kinomatoqrafçılar İttifaqının (AKİ) sədri Xalq artisti Rasim Balayev və Xalq artisti, kinorejissor Oqtay Mirqasımov ölkəmizdə kinematoqrafiyanın inkişafı istiqamətində görülməkdə olan işlərdən məmnunluqlarını bildirərək kino xadimlərinə uğurlar arzulayıblar. Azərbaycan Respublikası Kino Agentliyinin (ARKA) direktoru vəzifələrini icra edən Orxan Fikrətoğlu qurumun fəaliyyətindən söz açıb. Çıxışlardan sonra ARKA-nın fəaliyyəti ilə bağlı, həmçinin yubilyar filmlərdən ibarət videomateriallar nümayiş etdirilib. Yubilyar filmlərdə çəkilmiş aktyorlar çıxış edərək ürək sözlərini bölüşüblər. Xalq artistləri Gülyanaq Məmmədova, Gülyaz Məmmədova, Əməkdar artist Ramil Qasımov, solistlər Mirələm Mirələmov, Elgün Hüseynov, həmçinin “Mirvari“ rəqs ansamblı və müstəqil “Oyuq“ Uşaq Teatrının balaca aktyorları yubilyar filmlərdən musiqilər ifa ediblər. Daha sonra AKİ-nin müxtəlif nominasiyalar üzrə ənənəvi mükafatı sahiblərinə təqdim olunub. Gecədə həmçinin AKİ tərəfindən keçirilən “Arxa cəbhənin insanları” qısametrajlı bədii film üzrə ssenari müsabiqəsinin qalibləri elan olunaraq təltif edilib. Azərbaycan mədəniyyətinin inkişafında xidmətlərinə görə bir qrup kino xadimi Mədəniyyət Nazirliyi tərəfindən mükafatlandırılıb. Sonda “Tənha bir insanın monoloqu“ adlı qısametrajlı film nümayiş etdirilib. Filmin rejissoru və ssenari müəllifi Emin Əfəndiyev, operatoru Daniel Quliyev, prodüseri Sərvər Bayramovdur. Filmdə əsas rollarda Mahir Dərviş və Elşən Əsgərov çəkiliblər. ..

02.08.2024 13:11

Monteneqroda “Azərbaycan xalçası: təbiətlə dialoq” adlı sərgi açılıbAvqustun 1-də Monteneqro Milli Muzeyinin Miodrag Dado Djuric İncəsənət Qalereyasında “Azərbaycan xalçası: təbiətlə dialoq” adlı sərgi açılıb. Bakıda keçiriləcək BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasına (COP29) həsr olunan sərgidə Azərbaycan Milli Xalça Muzeyinin kolleksiyasından 24 dəyərli sənət nümunəsi yer alır. Bunlara XVIII əsrdən müasir dövrədək xalqımızın zəngin mədəniyyətini, dünyagörüşünü, həyat tərzini və ənənələrini əks etdirən xalçalar, xalça məmulatları və eskizlər aiddir. Sərginin açılışında Monteneqro Respublikasının mədəniyyət və media naziri Tamara Vuyoviç iştirak edib. Sərgidə nümayiş olunan “vərni”, “zili” xovsuz xalçaları, “Ağaclı”, “Şıxlı”, “Cəyirli”, “Alpan” kimi xovlu xalçalar, həmçinin xalça məmulatlarından çul, heybə, məfrəş, ləməqabağı bənzərsiz bədii quruluşu, rəng ahəngdarlığı, zərif toxunuşu və özünəməxsus naxışları ilə bir-birindən seçilir. Şirvan, Quba, Bakı, Qazax, Qarabağ və Təbrizin toxuculuq məntəqələrində istehsal edilən bu unikal eksponatlar çoxmənalı elementlərlə, stilizə edilmiş zoomorf və nəbati ornamentlərlə zəngindir. Xalq rəssamları Lətif Kərimov, Kamil Əliyev və Eldar Mikayılzadənin müəllifi olduğu müasir dövrə aid xalçalar və eskizlər də təqim edilən sənət nümunələri arasında xüsusi yer tutur. Qeyd edək ki, sərgi Azərbaycan Respublikası Mədəniyyət Nazirliyi, Monteneqro Mədəniyyət və Media Nazirliyinin dəstəyi, Azərbaycan Milli Xalça Muzeyi və Monteneqro Milli Muzeyinin təşkilatçılığı ilə keçirilir. “Azərbaycan xalçası: təbiətlə dialoq” sərgisi avqustun 31-dək davam edəcək. ..

01.08.2024 14:41

Azərbaycan kino işçilərinin təltif edilməsi haqqında Azərbaycan Respublikası Prezidentinin SərəncamıAzərbaycan Respublikası Konstitusiyasının 109-cu maddəsinin 23-cü və 32‑ci bəndlərini rəhbər tutaraq qərara alıram: 1. Azərbaycan kinematoqrafiyasının inkişafında xidmətlərinə görə aşağıdakı şəxslər “Tərəqqi” medalı ilə təltif edilsinlər: Cilqamlı Rəmziyə Əkrəmovna Quliyeva Gülşən Rəsul qızı Məmmədov Rövşən İsax oğlu Nəcəfov Bayram Hidayət oğlu Yunusov Ədalət Məmməd oğlu. 2. Azərbaycan kinematoqrafiyasının inkişafında uzunmüddətli səmərəli fəaliyyətinə görə aşağıdakı şəxslərə Azərbaycan Respublikası Prezidentinin fərdi təqaüdü verilsin: Qurbanova Firəngiz Ağa Dadaş qızı Rüstəmov Akif Zabi oğlu. İlham Əliyev Azərbaycan Respublikasının Prezidenti Bakı şəhəri, 1 avqust 2024-cü il ..

31.07.2024 17:24

Mədəniyyət naziri Adil Kərimli Astarada vətəndaşları qəbul edəcəkMərkəzi icra hakimiyyəti orqanları və digər idarəetmə qurumlarının rəhbərlərinin şəhər və rayonlarda vətəndaşların qəbulu cədvəlinə əsasən Azərbaycan Respublikasının mədəniyyət naziri Adil Kərimli tərəfindən 2024-cü il avqustun 29-da saat 10:00-da Astara rayon Heydər Əliyev Mərkəzində (ünvan: Astara şəhəri, İstiqlaliyyət küçəsi 26 b) Astara, Lənkəran, Lerik, Masallı, Cəlilabad, Yardımlı rayonlarından olan vətəndaşların qəbulu keçiriləcəkdir. Vətəndaşlar 2024-cü il avqustun 24-dək nazirliyin info@culture.gov.az elektron poçt ünvanı, (012) 493-43-98 telefon nömrəsi vasitəsi ilə müraciət etməklə qəbula yazıla bilərlər. ..