Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
1509

“Mədəniyyət Könüllüləri” İctimai Birliyinin fəaliyyətinin yekunlarına həsr olunmuş toplantı keçirilib

Dekabrın 26-da Nizami Kino Mərkəzində “Mədəniyyət Könüllüləri” İctimai Birliyinin 2023-cü ilin yekunlarına həsr olunmuş toplantısı keçirilib.

Tədbirdə rəsmilər, mədəniyyət, incəsənət, ictimaiyyət nümayəndələri və digər qonaqlar iştirak ediblər.

Əvvəlcə qonaqlar mədəniyyət könüllülərinin il ərzində fəaliyyətini əks etdirən fotosərgi ilə tanış olublar.

Ərazi bütövlüyümüz uğrunda canından keçən şəhidlərin əziz xatirəsi bir dəqiqəlik sükutla yad edilib. Müdafiə Nazirliyinin Əlahiddə Nümunəvi Orkestrinin ifasında Dövlət Himni səsləndirilib, təşkilatın fəaliyyətlərini əks etdirən videoçarxlar nümayiş etdirilib.

Mədəniyyət nazirinin müavini Fərid Cəfərov qonaqları salamlayıb. Bildirib ki, “Mədəniyyətə könül ver!” devizi ilə fəaliyyətə başlayan "Mədəniyyət Könüllüləri" İctimai Birliyi yarandığı bir ildən az dövrdə Mədəniyyət Nazirliyinin təşkilatçılığı ilə keçirilən çoxsaylı tədbirlərdə yaxından iştirak edib, mədəni inkişaf proseslərinə öz töhfələrini verməyə çalışıblar: "Həmin tədbirlərin bir çoxunun uğurla keçirilməsində məhz siz könüllülərin əzmi, gülərüzlülüyü və yorulmaz fəaliyyəti də yol oynayıb. Mədəniyyət könüllülərinin üzərinə gələcəkdə daha böyük vəzifələr düşəcək. Prezident İlham Əliyevin müəyyən etdiyi və mədəniyyət siyasətinin qayəsində milli-mənəvi dəyərlərimizin qorunması və gənc nəslə aşılanması, maddi və qeyri maddi mədəni irsimizin ölkədə və beynəlxalq səviyyədə təbliği və tanıdılması dayanır. Nazirlik olaraq gözləntimiz "Mədəniyyət Könüllüləri" İctimai Birliyinin bu işdə daha da yaxından iştirak etməsidir. Sizlərə gələcək fəaliyyətinizdə uğurlar arzulayıram".

Milli Məclisin deputatı akademik Nizami Cəfərov, Xalq artisti Nurəddin Mehdixanlı, Azərbaycan Dövlət Film Fondunun direktoru Əməkdar incəsənət xadimi Cəmil Quliyev, Xalq artisti Faiq Sücəddinov və Xalq rəssamı Ömər Eldarov çıxış edərək mədəniyyət sahəsində könüllülüyün əhəmiyyətindən bəhs edib, gənclərimizin bu prosesdə aktiv iştirakının təqdirəlayiq olduğunu bildiriblər.

“Mədəniyyət Könüllüləri” İB-nin sədri sənətşünaslıq üzrə fəlsəfə doktoru Ülviyyə Bəbirli qurumun məqsədi və fəaliyyəti haqqında danışıb. O, Mədəniyyət Nazirliyi, Heydər Əliyev Fondu və Heydər Əliyev Mərkəzinin İB-nin fəaliyyətinə göstərdikləri dəstəyə görə təşkilat tərəfindən təşəkkürnamə ilə təltif olunduqlarını diqqətə çatdırıb.

Daha sonra 2023-cü il ərzində həyata keçirilən tədbirlərdə xüsusi fəallığı ilə seçilən “Mədəniyyət Könüllüləri” İB-nin 10 üzvünə “İlin mədəniyyət könüllüsü” mükafatı təqdim edilib.

Sonda İB-nin fəxri üzvləri – solistlər Türkay Cəfərlinski, İlkin Dövlətov, Orxan Hüseynli və Ərəstun Quliyev tərəfindən Elza İbrahimovanın "Ey Vətən" mahnısı səsləndirilib.

Qeyd edək ki, “Mədəniyyət Könüllüləri” İB 2023-cü ilin aprel ayında fəaliyyətə başlayıb. Ötən müddət ərzində İB-nin üzvləri Teatr, Kino, Azərbaycan Dili və Ədəbiyyatı, Musiqi, Mədəniyyət və Yaradıcı Sənayelər, Mədəni İrs forumlarında, habelə “Şuşa – Türk dünyasının mədəniyyət paytaxtı” ilinin rəsmi açılış mərasimində, Uşaq İncəsənət, “Muğam Aləmi”, III “Korkut Ata” Türk Dünyası Film festivallarında, 9-cu Bakı Beynəlxalq Kitab Sərgisində aktiv iştirak ediblər. Onlar həmçinin ölkəmizdə keçirilən Özbəkistan və Qazaxıstanın Mədəniyyət günləri, Vaqif Poeziya Günləri, eləcə də Füzuli və Laçın şəhəri günlərində də fəallıq göstəriblər.

“Mədəniyyət Könüllüləri” İB-nin təşkilatçılığı ilə də bu il müxtəlif tədbir və layihələr reallaşıb. Bu sırada “Sən də oxu!” adlı fləşmob, 1 iyun – Uşaqların Beynəlxalq Müdafiəsi Günü münasibətilə konsert, “Zəfərin rəngi” adlı rəsm müsabiqəsi, istedadlı gənclərin tanıdılması və fəaliyyətinin stimullaşdırılması məqsədilə “Aparıcı kastinqi” və bir sıra ali təhsil müəssisələrində gənclərlə görüşlər keçirilib.

XƏBƏRLƏR

21.06.2024 10:00
Beynəlxalq Animasiya Filmləri Festivalında Azərbaycan stendlə təmsil olunub
20.06.2024 09:24
Azərbaycan Pekin Beynəlxalq Kitab Sərgisində ilk dəfə milli stendlə təmsil olunur
14.06.2024 17:04
Mədəniyyət naziri Samuxda vətəndaşları qəbul edib
13.06.2024 18:02
Özbək dilinə tərcümə edilmiş "Qılınc və qələm" romanı Daşkənddə təqdim olunub
13.06.2024 17:04
Dövlət Yuğ Teatrı “Mənəm, mən” tamaşasını Daşkənddə nümayiş etdirib
13.06.2024 09:51
"Arşın mal alan" yenidən Daşkənd səhnəsində nümayiş olunub
13.06.2024 09:31
"Azərbaycanın sənət incilərində yaşayan milli irsi” - Daşkənddə sərgi açılıb
12.06.2024 11:23
Daşkənddə Azərbaycan incəsənətinin növbəti təntənəsi
12.06.2024 09:40
Azərbaycan və Özbəkistanın mədəniyyət nazirləri Daşkənddə görüşüb 
12.06.2024 09:33
Özbəkistan Milli Kitabxanasında Azərbaycan guşəsinin açılışı olub
11.06.2024 15:30
Özbəkistan Yazıçılar İttifaqında "Məhəmməd Füzuli və Əlişir Nəvai: ortaq ədəbi-mənəvi dəyərlərimiz" adlı konfrans keçirilib
10.06.2024 17:07
Özbəkistanda Azərbaycan Mədəniyyəti Günləri başlanır
08.06.2024 09:43
Azərbaycan Respublikası Mədəniyyət Nazirliyi və Azərbaycan Respublikası Əqli Mülkiyyət Agentliyinin birgə bəyanatı
07.06.2024 15:41
VI Dialoq Forumunun yekun bəyannaməsi BMT Baş Assambleyası 78-ci sessiyasının sənədi kimi dərc olunub
07.06.2024 13:10
Mədəniyyət naziri İmişli rayonunda vətəndaşların müraciətlərini dinləyib
06.06.2024 19:02
“1920-1980-ci illər Azərbaycan rəngkarlığı və qrafikası” adlı yeni ekspozisiyanın açılış mərasimi keçirilib
04.06.2024 09:01
“A-Hub Akselerasiya Proqramı”nın qalibləri Şuşada mükafatlandırılıb
03.06.2024 18:28
Vokalçıların Bülbül adına IX Beynəlxalq Müsabiqəsinin açılış mərasimi keçirilib
03.06.2024 17:57
Şuşada keçirilən Beynəlxalq Sahibkarlar Forumu maraqlı mövzulara həsr olunan panel sessiyalarla davam edir
03.06.2024 16:17
Şuşada Beynəlxalq Sahibkarlar Forumu keçirilir
03.06.2024 12:21
Görkəmli baletmeyster Maqsud Məmmədov 95 illiyi münasibətilə evində ziyarət olunub
02.06.2024 21:24
"A-Hub Akselerasiya Proqramı”nın dünya finalı keçirilib
01.06.2024 20:28
Bakıda və Şuşada “Rəqəmsal Yaradıcı Həftəsonu” (Digital Creative Weekend) layihəsi həyata keçirilir
30.05.2024 15:37
Rəqəmsal yaradıcı həftəsonu elan olunur
28.05.2024 19:01
“Təbəssüm üçün musiqi” adlı silsilə tədbirlər həyata keçirilir
24.05.2024 10:01
Ölkəmizdə keçirilən Tacikistan Mədəniyyəti Günləri başa çatıb
23.05.2024 08:21
Türk dünyasının ilk müştərək film layihəsi ilə əlaqədar görüş keçirilib
21.05.2024 18:20
Mədəniyyət naziri tacikistanlı həmkarı ilə görüşüb
21.05.2024 14:57
Bakıda Tacikistan Mədəniyyəti Günlərinin təntənəli açılış mərasimi olub