Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
1247

2023-cü ildə Azərbaycan-Özbəkistan arasında Şuşa və Səmərqəndin Türk mədəniyyətinə töhfələri və Heydər Əliyevə həsr olunmuş beynəlxalq layihələr həyata keçiriləcək

Özbəkistandakı Azərbaycan Mədəniyyət Mərkəzi və Türk Tarixi və Mədəniyyəti Fondu arasında əldə edilən razılığa əsasən 2023-cü ildə Azərbaycan-Özbəkistan arasında Şuşa və Səmərqəndin Türk mədəniyyətinə töhfələri, habelə Azərbaycan xalqının ümummilli lideri Heydər Əliyevə həsr olunmuş beynəlxalq layihələr həyata keçiriləcəkdir.     

Özbəkistandakı Heydər Əliyev adına Azərbaycan Mədəniyyət Mərkəzinin direktoru Samir Abbasov Türk Tarixi və Mədəniyyəti Fondunun rəhbəri Nizamettin Aykurtla görüş keçirib.

Görüşdə  Türk tarixi və mədəniyyətinin təbliği istiqamətində birgə layihələrin həyata keçirilməsi, təşkilatlar arasında əməkdaşlıq məsələləri müzakirə olunub.

Samir Abbasov cari ilin 10-11 noyabr tarixlərində Özbəkistanın Səmərqənd şəhərində keçirilən Türk dövlətləri başçılarının Sammitinin əməkdaşlıqda yeni imkanlar açdığını və bu tədbir çərçivəsində bir sıra mədəniyyət tədbirlərinin keçirildiyini, gələcəkdə isə yeni əməkdaşlıq platformasının yarandığını qeyd edib.

Diplomat 2022-ci ilin Azərbaycan Respublikasının Prezidenti İlham Əliyev tərəfindən «Şuşa ili» elan olunması, bu istiqamətdə keçirilən tədbirlər, layihələr barədə danışıb, Azərbaycanın Türk dünyası ilə, Özbəkistanla mədəni əlaqələrin inkişafına xüsusi önəm verdiyini qeyd edib.

Görüş üçün öz təşəkkürünü bildirən Türk Tarixi və Mədəniyyəti Fondunun rəhbəri Nizamettin Aykurt rəhbərlik etdiyi Fondun geniş coğrafi əraziyə yayılaraq böyük sivilizasiya yaradan Türk xalqlarının mədəni irsinin beynəlxalq aləmdə təbliği, qorunması və gələcək nəsillərə çatdırılması olduğunu qeyd edib. O, Türk Dövlətləri Təşkilatının Səmərqənd Sammiti çərçivəsində Fond tərəfindən "Türküstan" sərgisinin Özbəkistanın Turizm və mədəni irs Nazirliyi ilə birgə  təşkil edildiyini vurğulayıb.

Sərgidə Türk Tarixi və Mədəniyyəti Fondunun kolleksiyasından nümayiş etdirilən Türküstan xəritələrinin məşhur coğrafiyaşünaslar tərəfindən tərtib edildiyini və Türk xalqlarının tarixini, onların  müxtəlif coğrafiyalara yayılmasını göstərdiyini bildirib.

Samir Abbasov xəritələr sahəsində xüsusi həssaslıq nümayiş etdirilməsinin vacib olduğunu qeyd edərək, dünyada bir sıra muzeylərdə yanlış xəritələrin sərgiləndiyini bildirib. O, sözügedən tarixi xəritələrin Azərbaycan və Özbəkistan muzeylərinə təqdim olunmasının xüsusi əhəmiyyət daşıdığını qeyd edib və tərəflər bu mövzuda birgə əməkdaşlığı razılaşdırıblar.

Görüşdə Samir Abbasov ilin sonunadək Özbəkistanda istiqlal şairlərimiz Əhməd Cavad, Abdulla Aripov və Mehmet Akif Ersoya həsr olunmuş beynəlxalq konfrans, sözügedən şairlərin əsərləri əsasında Özbəkistan xalq çalğı alətləri Ansamblının hazırladığı  konsert proqramı və Əhməd Cavadın Özbək dilinə tərcümə olunmuş şerlər kitabının təqdimatının keçiriləcəyini bildirib və sözügedən layihəyə Türk Tarixi və Mədəniyyəti Fondunun qoşulmasını təklif edib.

Samir Abbasov Azərbaycan Mədəniyyət Mərkəzinin təşəbbüsü və layihəsi ilə Qarabağda XIX əsrdə fəaliyyət göstərmiş «Məclisi Fəramuşan» şairlər görüşünün iki əsrdən sonra Azərbaycan və Özbəkistan arasında bərpa olunduğunu qeyd edib. Diplomat 2023-cü ilin TÜRKSOY təşkilatı tərəfindən «Şuşa ili» elan olunmasını nəzərə alaraq, gələn il sözügedən şairlər məclisinin Şuşada bütün Türk dövlətlərini təmsil edən şairlərin, musiqi sənətçilərinin  iştirakı ilə beynəlxalq tədbirin keçirilməsinə dəstək xahiş edib.

Bundan başqa, "Səmərqənd Türk sivilizasiyasının paytaxtı", habelə 2023-cü il "Heydər Əliyev ili" elan olunması ilə əlaqədar birgə layihələrin həyata keçirilməsi müzakirə edilib.

Nizamettin Aykurt Türk Tarixi və Mədəniyyəti Fondu tərəfindən yaradılan Türk rəqəmsal kitabxanası barədə məlumat verərək, layihənin nəinki Türk dövlətlərini, Türk toplumları yaşayan digər ölkələrin də əhatə etdiyini bildirib. Samir Abbasov sözügedən layihənin əhəmiyyətini qeyd edərək, Azərbaycan kitabxanalarının layihəyə qoşulması ilə əlaqədar Azərbaycan Mədəniyyət Nazirliyi ilə məsləhətləşmələrin aparıldığını və bu istiqamətdə birgə görüş, müzakirələrin vacib olduğunu söyləyib.

Nizamettin Aykurt 1872-ci ildə hazırlanmış, Avropa, Kiçik Asiya yarımadası, habelə Qafqaz ərazilərini özündə əks etdirən «Yustinian hakimiyyətinin sonlarına doğru Avropa» (eramızın 560-cı ilini əhatə edən) tarixi xəritənin surətini  Samir Abbasova hədiyyə edib. Qeyd edək ki, xəritədə Qafqaz Albaniyası və Atropatena kimi Azərbaycan dövlətləri yer alıb.

Sonda Samir Abbasov Azərbaycan Mədəniyyət Mərkəzinin layihəsi ilə Azərbaycanın Qarabağ  şairəsi Xurşidbanu Natəvanın və istiqlal şairimiz Əhməd Cavadın Azərbaycan-Özbək dillərində nəşr olunan kitablarını Nizamettin Aykurta  hədiyyə edib.

XƏBƏRLƏR

19.07.2024 17:34
Mədəniyyət paytaxtımızda növbəti Vaqif Poeziya Günləri başa çatıb
19.07.2024 12:06
Şuşada "Məhəmməd Füzuli. Zamanın fövqündə" mövzusunda konfrans keçirilib
18.07.2024 19:44
Vaqif Poeziya Günləri çərçivəsində Şuşada ilk dəfə etno-caz konserti
18.07.2024 16:26
Şuşada poeziya bayramında "Füzuli hücrələri"
18.07.2024 15:19
Mədəniyyət paytaxtımızda növbəti Vaqif Poeziya Günləri başlayıb
12.07.2024 18:07
Beynəlxalq Türk Mədəniyyət Təşkilatı – TÜRKSOY-un 31 yaşı tamam olur
12.07.2024 15:22
Nazir Adil Kərimli ŞƏT-ə üzv ölkələrin mədəniyyət nazirlərinin görüşündə iştirak edib
11.07.2024 14:52
Azərbaycan Respublikası Mədəniyyət Nazirliyi, Azərbaycan Respublikasının Kino Agentliyi post-prodakşn mərhələsində olan filmlərə dəstək müsabiqəsinin nəticələrini açıqladı
11.07.2024 12:37
Musiqi, incəsənət məktəb və mərkəzlərinə qəbul imtahanlarının nəticələri elan olunub
10.07.2024 18:35
Mədəniyyət Nazirliyi və Əqli Mülkiyyət Agentliyinin Azərbaycan bəstəkarı Bəhram Nəsibovun “Qarabağ” adlı əsərinin musiqisinin qanunsuz mənimsənilməsi və müəlliflik hüququnun digər şəkildə pozulması ilə bağlı BİRGƏ BƏYANATI
05.07.2024 09:18
Qeyri-hökumət təşkilatları üçün mədəni və yaradıcı sənayelərin təşviqi üzrə qrant müsabiqəsi
04.07.2024 17:49
Mədəniyyət Nazirliyinin Apellyasiya Şurasının növbəti iclası keçirilib
03.07.2024 10:01
“Kür – çaylar anası” sənədli filminin çəkilişləri davam edir
02.07.2024 09:52
Korrupsiyaya qarşı mübarizə ilə bağlı maarifləndirici seminar keçirilib
28.06.2024 15:35
Azərbaycanın mədəniyyət naziri Özbəkistanda Beynəlxalq Maqom Sənəti Forumunda iştirak edib
27.06.2024 15:44
Özbəkistanda II Beynəlxalq Maqom Sənəti Forumu keçirilir
25.06.2024 17:11
Akademik Rus Dram Teatrında aktyor sənəti və vokal üzrə ustad dərsləri
25.06.2024 10:57
 Bakıda Rusiya Mədəniyyəti Günlərinin təntənəli açılış mərasimi olub  
25.06.2024 09:54
Mədəniyyətimiz radiodalğalarında – yeni layihələr
24.06.2024 14:57
Media nümayəndələri musiqi və incəsənət məktəblərinə şagirdlərin qəbul imtahanını izləyiblər
24.06.2024 12:25
Azərbaycan və Çin klassik əsərlərinin tərcüməsi və nəşri ilə bağlı görüş keçirilib
24.06.2024 12:19
İyunun 20-də Azərbaycan Milli İncəsənət Muzeyində Əməkdar incəsənət xadimi Vəcihə Səmədovanın 100 illik yubileyinə həsr olunmuş “Vəcihə Səmədova 100: sənətkar ömrünün səhifələri” adlı sərgi açılıb
21.06.2024 10:00
Beynəlxalq Animasiya Filmləri Festivalında Azərbaycan stendlə təmsil olunub
20.06.2024 09:24
Azərbaycan Pekin Beynəlxalq Kitab Sərgisində ilk dəfə milli stendlə təmsil olunur
14.06.2024 17:04
Mədəniyyət naziri Samuxda vətəndaşları qəbul edib
13.06.2024 18:02
Özbək dilinə tərcümə edilmiş "Qılınc və qələm" romanı Daşkənddə təqdim olunub
13.06.2024 17:04
Dövlət Yuğ Teatrı “Mənəm, mən” tamaşasını Daşkənddə nümayiş etdirib