Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
850

Bir qrup mədəniyyət və incəsənət xadiminə mükafatlar təqdim olunub

Mayın 25-də Azərbaycan Milli Xalça Muzeyində Prezident İlham Əliyevin müvafiq sərəncamları ilə təltif edilmiş bir qrup mədəniyyət və incəsənət xadiminə mükafatlar təqdim olundu.

Mədəniyyət naziri Anar Kərimov çıxış edərək ölkəmizdə mədəniyyət və incəsənət xadimlərinə göstərilən dövlət qayğısından danışdı. Dedi ki, vaxtilə ulu öndər Heydər Əliyev tərəfindən yaradıcı şəxslərə göstərilən diqqət və qayğı bu gün Prezident İlham Əliyev tərəfindən uğurla davam etdirilir. Mədəniyyətimizin dünyada tanıdılması və təbliği istiqamətində görülən işlərdən söz açan nazir Azərbaycanın Birinci vitse-prezidenti Mehriban Əliyevanın bu sahədə xidmətlərini xüsusi vurğuladı.

Nazir daha sonra dedi: “Bu gün əlamətdar bir gündür. Cənab Prezidentin sərəncamı ilə təltif olunduğunuz fəxri adların vəsiqə və nişanları sizə təqdim olunacaq. Qeyd etmək istərdim ki, dövlətimiz hər zaman mədəniyyət işçilərinin yanındadır. Bizim mədəniyyətimizə, incəsənətimizə xidmət edən şəxslərə dövlət tərəfindən daim qayğı göstərilir. Ulu öndərin sənət adamları ilə görüş və söhbətləri bu gün də işıqlı xatirələrlə yad edilir. Onun bu diqqəti mədəniyyət xadimlərinin cəmiyyətimizin həyatında nə qədər vacibliyini göstərirdi. Məmnunuq ki, dövlətimizin mədəniyyət xadimlərinə diqqəti bu gün də davam etdirilir”.

Anar Kərimov qeyd etdi ki, mədəniyyət ölkənin ən vacib sahələrindən biridir: “Biz mədəniyyəti çox geniş məfhum kimi görürük. Yanşamamız ondan ibarətdir ki, cəmiyyətimizin inkişafında, yeni nəsillərin düzgün tərbiyə edilməsində mədəniyyətin rolu artırılmalıdır. Mədəniyyət bizim üçün təkcə əyləncə deyil, mədəniyyət həm də dövlətçiliyimizin rəmzlərindən biridir. Xüsusi olaraq qeyd etmək istərdim ki, bu sahədə çalışan hər bir insan öz peşəsi ilə çox vacib missiyanı yerinə yetirir. Hər birinizin öz sahəsində mədəniyyətimizin zənginləşdirilməsi, cəmiyyətin inkişafı və gənc nəslin milli ruhda tərbiyəsində böyük rolu var. Cəmiyyət həm də mədəniyyətlə möhkəm və güclü ola bilər. Onu güclü edən bu sahənin görkəmli simalarıdır”.

44 günlük Vətən müharibəsində Ali Baş Komandan, Prezident İlham Əliyevin rəhbərliyi ilə şanlı Ordumuzun 30 ilə yaxın işğal altında olan torpaqlarımızı azad etdiyini bildirən Anar Kərimov ərazi bütövlüyümüzün bərpasının ölkəmizdə reallıqlar yaratdığını dedi. Qeyd etdi ki, bu bütövləşmə eyni zamanda mədəniyyətimizi də əhatə edir. Nazir diqqətə çatdırdı ki, Vətən müharibəsi sona çatsa da, informasiya savaşımız davam etməkdədir: “Bu məsələdə mədəniyyət ictimaiyyətinin üzərinə də mühüm missiya düşür. Sizlər, bizlər öz cəbhəmizdə vəzifəmizi layiqincə yerinə yetirməli, mədəniyyətimizi həm ölkə daxilində, həm də xaricdə davamlı tanıtmalıyıq. Qarabağımızda mədəniyyətimizi dirçəltmək üçün əlimizdən gələni etməliyik. Biz müharibə dövründə bir yumruq kimi cənab Prezidentin ətrafında birləşib Ordumuza dəstək olmuşduqsa, bundan sonra da bu missiyanı şərəflə davam etdirməli, əldə etdiyimiz bu Zəfərin yaratdığı əhval-ruhiyyəni əsərlərimiz, fəaliyyətimizlə möhkəmləndirməliyik. Bu Zəfər ruhunun zəifləməsinə imkan verməyək. İşğaldan azad olunan ərazilərimizi yenidən qurmaq, bərpa etmək, mədəniyyətimizi, kimliyimizi, ruhumuzu həmin torpaqlara qaytarmaq üçün birgə çalışmalıyıq”.

Anar Kərimov çıxışının sonunda mədəniyyət və incəsənət xadimlərini dövlət təltifləri və qarşıdan gələn 28 May – Müstəqillik Günü münasibətilə təbrik etdi, yeni yaradıcılıq uğurları arzuladı.

Daha sonra 1-ci dərəcəli “Əmək” ordeni ilə təltif edilən Xalq rəssamı, Rəssamlar İttifaqının sədri Fərhad Xəlilov çıxış edərək Prezident İlham Əliyev və Birinci vitse-prezident Mehriban xanım Əliyevaya sənətinə və fəaliyyətinə göstərdikləri diqqətə görə təşəkkür etdi. Rəşadətli Ordumuzun müzəffər Ali Baş Komandanın rəhbərliyi altında torpaqlarımızı düşmən tapdağından azad edərək qazandığı Qələbənin tarixi, iqtisadi, siyasi-diplomatik, mənəvi-psixoloji əhəmiyyətini qeyd edən Xalq rəssamı mədəniyyət xadimlərinin, o cümlədən Rəssamlar İttifaqının həmrəy olaraq haqq səsimizin beynəlxalq sənət aləminə çatdırılmasına çalışdığını dedi: “Tariximizin parlaq və unudulmaz səhifələrindən birini təşkil edən 44 günlük müharibədə qazandığımız Qələbənin əsasında cənab Prezidentin uzaqgörən və praqmatik siyasəti,  Azərbaycanın sosial-iqtisadi, siyasi, mədəni, hərbi sahələrdə əldə etdiyi uğurları və milli həmrəyliyimiz dayanır. Vətən müharibəsində birlik və həmrəylik nümayiş etdirərək “Dəmir yumruq” kimi birləşən Azərbaycan xalqı Zəfər çaldı. Rəssamlar İttifaqı olaraq bir sıra respublikaların həmkar qurumlarına dəfələrlə məktubla müraciət edərək düşmənin ölkəmizə qarşı yönəlmiş təxribatlarına kəskin şəkildə etirazımızı bildirmişik”.

Daha sonra mükafatlar sahiblərinə təqdim edildi. Prezident İlham Əliyevin müvafiq sərəncamları ilə təltif olunmuş şəxslərə 1-ci dərəcəli “Əmək” ordeni, 3-cü dərəcəli “Əmək” ordeni, “Əməkdar mədəniyyət işçisi”, “Tərəqqi” medalı, “Əməkdar artist”, “Əməkdar rəssam” fəxri adlarının nişanı və vəsiqələri təqdim olundu.

XƏBƏRLƏR

24.06.2022 18:15
“Şuşa söhbətləri” layihəsində “Musiqinin Şuşaya qayıdışı” mövzusuna həsr olunmuş növbəti görüş keçirildi
23.06.2022 15:03
III “Azerbaijan Design Award” müsabiqəsi başa çatdı
23.06.2022 10:03
"Kommunikasiya meneceri” layihəsi üzrə ADA Universitetində təlimlər davam edir
22.06.2022 14:49
Anar Kərimov İrana rəsmi səfəri çərçivəsində bir sıra görüşlər keçirib
22.06.2022 12:47
UNESCO- nun yaradıcı şəhərləri elan edilmiş Şəki, Bakı və Lənkəran şəhərləri ilə bağlı təbliğat işləri aparılır
22.06.2022 12:14
Azərbaycan Dövlət Uşaq Filarmoniyasının Gəncədə "Şuşa ili" çərçivəsində konserti keçirilib
22.06.2022 11:21
Nazir Anar Kərimov İranın Mədəni İrs, Turizm və Əl işləri naziri ilə görüşüb
21.06.2022 17:56
Anar Kərimov İqtisadi Əməkdaşlıq Təşkilatının Mədəniyyət İnstitutunda olub
21.06.2022 17:52
“Muzeyi peşəkardan öyrənək” adlı layihə Lənkəran şəhərində təşkil olundu
21.06.2022 17:09
Anar Kərimov İran İslam Respublikasında rəsmi səfərdədir
21.06.2022 16:37
“Min bir gecə” 2 pərdəli balet Gəncədə nümayiş olunub
21.06.2022 10:46
Dayanıqlı moda: tekstilin gələcəyi
21.06.2022 09:48
Mədəniyyət Nazirliyi Vətən müharibəsindəki tarixi zəfərə ithaf olunan ədəbi müsabiqə elan edir
20.06.2022 15:21
Mədəniyyət Nazirliyinin “Kommunikasiya meneceri” layihəsi üzrə təlimlərə başlanılıb
20.06.2022 11:49
“Şuşa mədəniyyətinin inciləri”: Bülbül
20.06.2022 11:24
Anar Kərimov Qətərin mədəniyyət naziri ilə görüşüb
20.06.2022 10:55
“4-cü Beynəlxalq Bakı Yay Caz günləri”
20.06.2022 10:25
Azərbaycan Respublikasının Mədəniyyət Nazirliyi uşaq musiqi, incəsənət, rəssamlıq, muğam, aşıq məktəb və mərkəzlərinə müəllimlərin işə qəbulu üzrə müsabiqə elan edir
17.06.2022 17:11
Mədəniyyət Nazirliyi tərəfindən 2022-ci ilin “Şuşa İli” elan edilməsi ilə bağlı təşkil edilmiş heykəltaraşlıq müsabiqənin müddəti 1 sentyabr 2022-ci il tarixinədək uzadıldı
17.06.2022 16:54
“İrsin idarəedilməsi bacarıqlarının inkişafı” mövzusunda dörd-günlük təlim proqramı sona çatdı və Milli İrs Platforması (“Heritage Azerbaijan” platforması) təsis olundu
17.06.2022 16:26
“Youth ArtCamp Shusha and Baku” adlı beynəlxalq layihə üzrə müraciətlərin qəbulu başlayıb
17.06.2022 15:57
“Mədəniyyət/Culture” jurnalının növbəti sayı işıq üzü görüb
17.06.2022 15:08
Anar Kərimov Azərbaycan-Türkiyə strateji müttəfiqliyinə həsr olunan beynəlxalq konfransda çıxış edib
17.06.2022 09:24
Yerlərdəki mədəniyyət müəssisələrində fəaliyyətin günün tələbləri səviyyəsində qurulması prioritet məsələdir
17.06.2022 09:10
Anar Kərimov Beyləqanda mədəniyyət müəssisələrinə baxış keçirib
16.06.2022 17:30
“İrsin idarəedilməsi bacarıqlarının inkişafı” təlim proqramının üçüncü günü keçirilmişdir
16.06.2022 14:42
Mədəniyyət naziri Anar Kərimov Beyləqanda vətəndaşlarla görüşüb
16.06.2022 09:45
Lənkəran şəhərinin mədəni inkişaf strategiyasının təqdimatı keçirildi
14.06.2022 16:16
“İrsin idarəedilməsi bacarıqlarının inkişafı” mövzusunda dörd gün davam edəcək Təlim proqramı uğurla davam edir
14.06.2022 15:44
Milli Kitabxanada “15 İyun – Milli Qurtuluş Günü”nə həsr edilmiş tədbir keçirilib
14.06.2022 12:23
“Mədəni gənclik” növbəti dəfə Akademik Milli Dram Teatrında
14.06.2022 11:26
Anar Kərimov Qətərin ölkəmizdəki səfiri ilə görüşüb