Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
1850

“Muzey eksponatının hekayəsini sən danış” müsabiqəsinin qalibləri mükafatlandırıldı

Sentyabrın 16-da Azərbaycan Milli İncəsənət Muzeyində “Muzey eksponatının hekayəsini sən danış” adlı müsabiqənin qaliblərinin mükafatlandırma mərasimi keçirildi.

Xatırladaq ki, Mədəniyyət Nazirliyi tərəfindən cari ilin 14 aprel tarixində elan edilən müsabiqənin əsas məqsədi cəmiyyətdə muzey işi sahəsinə yaradıcı münasibətin inkişaf etdirilməsi, istedadlı müəlliflərin aşkara çıxarılması, həmçinin mədəniyyətimizə marağın artırılmasıdır.

Müsabiqə çərçivəsində Museum.az “Facebook” səhifəsinin izləyicilərinə Bakı şəhərinin aparıcı muzeyləri – Azərbaycan Milli İncəsənət Muzeyinin və Azərbaycan Milli Xalça Muzeyinin fondunda qorunub saxlanılan, zəngin tarixə malik olan Azərbaycan incəsənəti, xalça, təsviri və dekorativ-tətbiqi sənət nümunələrindən seçilmiş tarixi, bədii, elmi əhəmiyyət kəsb edən 14 unikal eksponat təqdim edilmişdi. Müsabiqə iştirakçıları eksponatlardan birini seçərək ona həsr olunmuş yeni hekayə yazmalı idi.

Müsabiqənin dörd kateqoriya – "Qran Pri" kateqoriyası üzrə 3, "Ən yaxşı xarici dildə yazılan hekayə" kateqoriyası üzrə 4, "Ən yaxşı məktəbli hekayəsi" kateqoriyası üzrə 3 və "Ən yaxşı hekayə" kateqoriyası üzrə 9 olmaqla ümumilikdə 19 qalibi münsiflər heyəti tərəfindən seçilib.

Qeyd edək ki, ölkədə tətbiq olunan xüsusi karantin rejiminin tələbləri nəzərə alınaraq, mükafatlandırma mərasiminə iki əsas kateqoriya (Qran Pri və “Ən yaxşı məktəbli hekayəsi) üzrə 5 qalib dəvət olunmuşdu.

Mərasimdə çıxış edən Mədəniyyət nazirinin birinci müavini, Mədəniyyət nazirinin vəzifələrini müvəqqəti icra edən Anar Kərimov qalibləri salamladı, onları bu müsabiqədə qazandıqları uğura görə təbrik etdi. Bildirdi ki, bütün bəşəriyyətin koronovirus (COVİD-19) infeksiyası ilə mübarizə apardığı günlərdə, digər ölkələrdə olduğu kimi, Azərbaycanda da tətbiq edilən karantin rejimi ilə əlaqədar insanlar asudə vaxtlarının çox hissəsini onlayn şəkildə keçirirlər. Bununla əlaqədar olaraq Mədəniyyət Nazirliyi tərəfindən bir sıra onlayn layihələrə start verilmişdi. Bunlardan biri də “Muzey eksponatının hekayəsini sən danış” adlı müsabiqədir.

Anar Kərimov qeyd etdi ki, mədəni irsimizin təbliğində muzeylərin rolu əvəzsizdir və Azərbaycan Respublikasının Prezidenti cənab İlham Əliyev və Birinci vitse-prezident Mehriban xanım Əliyevanın  diqqət və qayğısı xüsusilə bu sahəyə də yönəlmiş, muzeylərdə işin müasir tələblər səviyyəsində qurulması üçün hər cür şərait yaradılmışdır.

Həmçinin qeyd olundu ki, hazırda muzeylər toplamaq, mühafizə etmək, öyrənmək və nümayiş etdirmək kimi öz əsas vəzifələri ilə yanaşı, eyni zamanda mədəni-tərbiyəvi, maarifləndirici mərkəzlərə çevrilirlər. Muzeylərdə elmi-tədqiqat və bərpa işləri, müxtəlif mövzulu səyyar sərgilər, lektoriyalar, konsertlər, müxtəlif yaş dövrləri üçün interaktiv proqramlar, fiziki məhdudiyyətli insanlar üçün xüsusi inklüziv layihələr təşkil edilir. “Muzey eksponatının hekayəsini sən danış” adlı müsabiqə də bu qəbildən təşəbbüslərdən biridir: “Müsabiqə şərtlərinə görə təqdim olunan muzey eksponatlarının arasında qədim dövrlərə aid hərb geyim, miniatürlər, xalça və zərgərlik nümunələri, Səttar Bəhlulzadə, Tahir Salahov, Toğrul Nərimanbəyov kimi görkəmli rəssamlarımızın əsərləri yer almışdı. Sizlər isə bu dəyərli eksponatların oyatdığı təəssüratlara əsasən öz yaradıcı təxəyyüllünüzün məhsulu olan hekayəni bizə göndərdiniz. Qeyd edim ki, hekayələr ilə şəxsən tanış olmuşam. Onlar həqiqətən çox maraqlı, professional və dolğun məzmunda yazılıb. Sevindirici haldır ki, müsabiqədə bütün yaş təbəqələrindən olan insanlar iştirak etmişlər. Təəssüflər olsun ki, pandemiya ilə əlaqədar tələb olunan sanitar-epidemioloji və karantin qaydalarına ciddi riayət olunduğu üçün biz bütün müsabiqə iştirakçılarını tədbirə dəvət edə bilmədik. Amma onlara da diplomlar və hədiyyələr təqdim olunacaq”.

Mükafatları sahiblərinə təqdim edən Anar Kərimov onu da diqqətə çatdırdı ki, müsabiqənin bütün qaliblərinin hekayələrinin toplanaraq kitab şəklində nəşr edilməsi və ictimaiyyətə təqdim edilməsi nəzərdə tutulub. Bildirdi ki, bu kimi layihələr nazirlik tərəfindən gələcəkdə də davam etdiriləcək.

Mərasimdən sonra Anar Kərimov Azərbaycan Milli İncəsənət Muzeyinin ekspozisiya zalları ilə tanış oldu. Muzeyin direktoru, professor Çingiz Fərzəliyev ekspozisiyalar barədə məlumat verdi.

XƏBƏRLƏR

05.02.2023 18:55
Görkəmli bəstəkar Qara Qarayevin doğum günündə məzarı ziyarət olundu
05.02.2023 14:30
Polad Bülbüloğlu ad gününü Akademik Musiqili Teatrının səhnəsində qeyd etdi
05.02.2023 13:40
Ulu Öndər Heydər Əliyevin 100 illiyinə həsr olunan IX “Gəncliyin səsi” festivalı keçirilib
03.02.2023 14:18
Azərbaycan peşəkar milli teatrının 150 illik yubileyinin qeyd edilməsi haqqında Azərbaycan Respublikası Prezidentinin Sərəncamı
03.02.2023 13:14
Rumıniya Prezidenti Klaus Yohannis Xalça Muzeyi ilə tanış olub
02.02.2023 09:22
Bu gün Azərbaycan Gəncləri Günüdür
01.02.2023 20:42
“Ölülər” tamaşası ilk dəfə Heydər Əliyev Mərkəzinin səhnəsində nümayiş olunacaq
01.02.2023 12:46
Gənclər Gününə həsr olunmuş xeyriyyə konserti keçiriləcək
30.01.2023 15:47
Mədəniyyət Nazirliyinin təşkilatçılığı ilə növbəti “Gəncliyin səsi” festivalı keçiriləcək
25.01.2023 10:37
“İslam incəsənəti” Biennalesində Azərbaycan pavilyonu təqdim olunur
24.01.2023 13:17
İlk fransızdilli azərbaycanlı yazıçı Ümmülbanu Banin
13.01.2023 12:45
Heydər Əliyev Mərkəzində Heydər Əliyevin ən çox sevdiyi tamaşalar nümayiş olunacaq
13.01.2023 11:16
Fəxri adlara görə aylıq təqaüdün məbləğinin artırılması və “Fəxri adlara görə aylıq təqaüdün verilməsi haqqında” Azərbaycan Respublikası Prezidentinin 2005-ci il 4 iyul tarixli 878 nömrəli Sərəncamında dəyişiklik edilməsi barədə Azərbaycan Respublikası Prezidentinin Sərəncamı
13.01.2023 10:11
Heydər Əliyev Mərkəzində Heydər Əliyevin ən çox sevdiyi tamaşalar nümayiş olunacaq
09.01.2023 12:42
Daşkənddəki Azərbaycan Mədəniyyət Mərkəzi “Şuşa İli” ilə bağlı çoxsaylı layihələr həyata keçirib
29.12.2022 15:35
Xurşidbanu Natəvanın 190 illiyinə həsr olunan sərgi açılıb
26.12.2022 17:54
Rumıniyada “Azərbaycan xalçaları: incəsənətlə öyrənmək” adlı sərgi açılıb
26.12.2022 17:00
“Mədəniyyət/Culture” jurnalının dördüncü sayı və “Xarıbülbül” xüsusi buraxılışı işıq üzü görüb
26.12.2022 16:03
Xalq rəssamı Arif Əzizin 80 illik yubiley sərgisi açılıb
26.12.2022 12:28
Rabatda ICESCO İcraiyyə Şurasının 43-cü sessiyası keçirilib
23.12.2022 17:55
Milli Kitabxanada Xalq artisti, görkəmli bəstəkar Fikrət Əmirovun 100 illik yubileyinə həsr olunmuş tədbir keçirilib
23.12.2022 16:49
Görkəmli tarzən Əhməd Bakıxanovun 130 illik yubileyinə həsr olunmuş konsert keçirilib
23.12.2022 16:24
“Cəngi” estrada folklor ansamblının 30 illik yubileyi qeyd olunub
23.12.2022 15:29
"İrsin idarəedilməsi bacarıqlarının inkişafı” təlim proqramı çərçivəsində növbəti təlim kursu keçirilib
23.12.2022 14:18
Qobustan Milli Tarix-Bədii Qoruğu beynəlxalq sərgidə təmsil olunacaq
23.12.2022 12:50
Beynəlxalq Muğam Mərkəzində Xalq artisti Sərxan Sərxanın yaradıcılıq gecəsi təşkil olunub