Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
1377

Azərbaycan Kinosu Günü ilə bağlı “Böyük Qayıdış” müsabiqəsinin qalibləri olan filmlər nümayiş edilib

Avqustun 2-də Azərbaycan kinosunun yaranmasının 124 illiyi və Azərbaycan Kinosu Günü münasibətilə Mədəniyyət Nazirliyinin təşkilatçılığı ilə “Böyük Qayıdış” qısametrajlı film layihələri müsabiqəsinin qalibləri olan filmlərin Heydər Əliyev Mərkəzinin qarşısındakı meydanda açıq kino nümayişi təşkil olunub.

Əvvəlcə mədəniyyət naziri Anar Kərimovun iştirakı ilə açıq havada milli kinomuza aid olan müxtəlif kadrlardan ibarət fotostendlərə, həmçinin keçmiş dövrlərdə Azərbaycan kinosunda istifadə olunan müxtəlif film avadanlıqlarına baxış keçirilib.

Azərbaycan kino tarixinin illər ərzində şərəfli və şanlı yol keçməsindən danışan Dövlət Film Fondunun direktoru, Əməkdar incəsənət xadimi Cəmil Quliyev deyib: “Azərbaycan kino tarixini üç yerə bölmək olar. İkin mərhələ 1898-ci ildən başlayaraq 1930-cu illərin ortalarına qədər Azərbaycan kinosunun səssiz dövrüdür. Sovet dövrü çərçivəsində Azərbaycan kinosu 1920-ci ildən 1991-ci ilə qədər fəaliyyət göstərib. Həmin dövrdə Azərbaycan kinosunda ilk səsli film çəkilib. Həmin dövrdə, eyni zamanda, Azərbaycanın ilk rəngli filmi çəkilib. Nəhayət 1991-ci ildən başlayaraq Azərbaycanın müstəqil kinosunun fəaliyyəti başlayıb. Bu illər ərzində Azərbaycan kinosu çox böyük nailiyyətlərə imza ata bilib. Bizim filmlər bir çox beynəlxalq festivallarda mükafatlar qazanıb. Bu gün də bizim istedadlı gənclər çox uğurlu layihələrə imza atırlar.

Azərbaycan kino sənətinə aid olan, həmçinin bütün kinosevərləri Milli Kino Günü münasibətilə təbrik edən mədəniyyət naziri Anar Kərimov kinomuzun uğurlu tarixindən danışıb: “Mədəniyyət Nazirliyi iki ildir ki, Milli Kino Gününün qeyd olunması çərçivəsində açıq məkanda kinoların təqdimat mərasimini keçirir və belə təqdimatla yanaşı bu əlamətdar günü birlikdə qeyd edirik. Cəmiyyətin inkişafında kinonun çox böyük rolu var. İnkişaf etmiş cəmiyyətlərin mədəniyyətlərinə nəzər yetirsək aydın şəkildə görərik ki, kino orada çox böyük yerdə durur. Biz milli kinomuzun tarixinə baxsaq, bu 124 ilin əbəs yerə keçmədiyini görərik. Bu da xalqımızın kino sənətinə olan sevgisi və bağlılığının bir nişanəsidir. Bu, ən əsas mütərəqqi dəyərlərə və inkişafa olan meylin göstəricisidir. Tədbirdən öncə burada təşkil olunmuş sərgiyə baxdıqda milli kinomuzun nə qədər zəngin ənənələrə və mütərəqqi nailiyyətlərlə sahib olmasını aydın görmək olur. Azərbaycanın ilk rəngli filmi olan “O olmasın, bu olsun” filmi texniki keyfiyyətlərinə görə dünyada ilk çəkilən rəngli filmlər sırasında üçüncü film kimi öz yerini tuta bilib. Bunun özü qürurverici nailiyyətdir”.

Azərbaycan dövlətinin milli kinomuza olan diqqətindən danışan nazir sovet dövründən kinomuzun ümumilikdə inkişafına ulu öndər Heydər Əliyevin xüsusi diqqət və qayğısının olduğunu, eləcə də bu ənənənin Prezident İlham Əliyev tərəfindən bu gün davam etdirildiyini vurğulayıb: “Kinomuzun ən parlaq səhifələrindən biri də Prezident İlham Əliyev tərəfindən Kino Agentliyinin yaradılması təşəbbüsüdür. Əminliklə demək olar ki, fəaliyyətə başlayacaq Kino Agentliyi Azərbaycan milli kinosunun inkişafına və onun dünya arenasına uğurla çıxarılmasına öz töhfəsini verəcək”.

Daha sonra mədəniyyət və incəsənət xadimlərinin, kino ictimaiyyətinin və həvəskarlarının iştirak etdiyi tədbirdə “Arxa cəbhə” (rejissor Gülay Babayeva), “Böyük qırmızı ev” (rejissor Leylaxanım Qənbərli), “Hasar” (rejissor Qulu Əsgərov) filmlərinin, eləcə də Daşkənd Beynəlxalq Film Festivalının mükafatçısı olmuş “İki yol” (rejissor Səddam Mehtiyev, Murad Hüseynov) və “Orizuru” (rejissor Nihad J., Elgün Quliyev) qısametrajlı filmlərinin, "Tarix" (rejissor Ceyhun Türksoy) animasiya filminin “Gənc Azərbaycan Kinosu Proqramı” çərçivəsində nümayişi keçirilib.

XƏBƏRLƏR

22.03.2024 22:10
Parisdə Azərbaycan və UNESCO arasında əməkdaşlığın inkişaf etdirilməsi müzakirə olunub
15.03.2024 15:16
Azərbaycan Milli Xalça Muzeyində “Türk xalqlarının geyim və zərgərlik mədəniyyəti” sərgisi açıldı
13.03.2024 14:13
Azərbaycan və Xorvatiya arasında iqtisadi əməkdaşlıq üzrə Birgə Komissiyanın 3-cü iclası keçirilib
07.03.2024 15:04
Mədəniyyət naziri Zaqatalada vətəndaşları qəbul edib
05.03.2024 17:19
Heydər Əliyev Mərkəzində Türk dünyası rəssamlarının “Tomris” adlı sərgisi keçirilib
04.03.2024 09:50
"Qarabağ” Futbol Klubu haqqında sənədli filmin təqdimatı keçirilib
01.03.2024 17:22
Bakı Şəhər Mədəniyyət Baş İdarəsinin tabeliyindəki müəssisələrin fəaliyyəti üzrə ictimai dinləmə keçirilib
01.03.2024 13:00
“Young Lions” Azerbaijan yaradıcı gəncləri səsləyir!
01.03.2024 12:55
Mədəniyyət Nazirliyində "TikTok" nümayəndə heyəti ilə görüş olub
28.02.2024 18:01
“Salam, Novruz!” 28 fevral – 15 aprel
28.02.2024 15:34
Xalq artisti Süleyman Ələsgərovun 100 illik yubileyinə həsr olunan konsert keçirilib
26.02.2024 09:00
CINEMO ilk Mobil Film Festivalının Qala Gecəsi keçirildi
24.02.2024 13:10
Dohada Azərbaycan Mədəniyyəti Günləri çərçivəsində qala-konsert keçirilib
23.02.2024 11:48
“TikTok” Azərbaycan Respublikası Mədəniyyət Nazirliyinin dəstəyi ilə #TikTokdanÖyrən layihəsinə başladı
23.02.2024 10:10
Qətər Milli Kitabxanasında “Qədim köklərə malik Azərbaycan mədəniyyəti” adlı kitab sərgisi açılıb
22.02.2024 18:05
Süleyman Ələsgərovun 100 illik yubileyinin qeyd edilməsi haqqında Azərbaycan Respublikası Prezidentinin Sərəncamı
17.02.2024 17:43
Mədəniyyət naziri Salyanda vətəndaşların müraciətlərini dinləyib
16.02.2024 18:59
Mədəniyyət və yaradıcı sənayelər sahəsi üzrə mütəxəssislərlə görüş keçirildi
15.02.2024 09:36
Ekspert Şurasının növbəti iclası keçirilib
14.02.2024 09:24
VI Ümumdünya Mədəniyyətlərarası Dialoq Forumu Təşkilat Komitəsinin iclası keçirilib
06.02.2024 16:54
Tanınmış şair Baba Vəziroğluna “Şərəf” ordeni təqdim olunub
05.02.2024 13:57
Azərbaycan Milli Xalça Muzeyində qobelen ustası Adil Şıxəliyevin “Vətənim mənim” sərgisi açılıb
02.02.2024 14:42
Mədəniyyət naziri Türk Mədəniyyəti və İrsi Fondunun prezidenti ilə görüşüb
01.02.2024 17:53
Mədəniyyət naziri Adil Kərimli üçüncü “Yüksəliş” müsabiqəsinin qalibləri ilə görüşüb