Azərbaycan Respublikasının Mədəniyyət Nazirliyi tərəfindən keçirilmiş musiqi, incəsənət məktəb və mərkəzlərinə müəllimlərin işə qəbulu üzrə müsabiqədə uğurlu nəticə göstərmiş, lakin iddia etdiyi vəzifəyə daha yüksək bal toplamış şəxslər təyin olduğuna görə qəbul olmamış namizədlər vakant yerlər əsasında əlavə qəbul üçün müraciət edə bilərlər.
Vakant yerlərə əlavə qəbul prosesi 2024-cü il 24 oktyabr tarixindən bir həftə ərzində “my.culture.az” vahid şəxsi kabineti vasitəsilə aparılacaq. Namizəd öz ixtisasına və müsabiqə nəticəsinə uyğun olaraq 5-ə qədər vakant yer seçmək hüququna malikdir.
Namizədlərin qəbulu elektron sistem üzərindən avtomatlaşdırılmış qaydada aparılacaq. Qəbulun nəticələri namizədlərin şəxsi kabinetinə və elektron poçt ünvanına göndəriləcək, habelə Nazirliyin informasiya resurslarında yerləşdiriləcəkdir.
