Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
158

Uşaq musiqi məktəbinin 13 yaşlı şagirdi düşmən hücumunun qurbanı olub

Uşaq musiqi məktəbinin 13 yaşlı şagirdi düşmən hücumunun qurbanı olub

Xəbər verildiyi kimi, Ermənistan işğalçı hərbi birləşmələri sentyabrın 27-dən cəbhə xətti boyunca Azərbaycanın hərbi mövqelərini və yaşayış məntəqələrini ağır artilleriya atəşinə tutur. Azərbaycan Ordusunun cavab tədbirləri və uğurlu əks-hücumunun qarşısında duruş gətirə bilməyən düşmən yaşayış məntəqələrimizi, dinc əhalini hədəf alır.

Düşmənin Naftalan şəhərinin Qaşaltı kəndini atəşə tutması nəticəsində kənd sakini Qurbanov Elbrus İsa oğlu və onun 4 ailə üzvü faciəli şəkildə həlak olub. Həyatını itirənlərdən biri Gəncə Regional Mədəniyyət İdarəsinin əhatə etdiyi Naftalan şəhər Uşaq musiqi məktəbinin qarmon ixtisası üzrə IV sinif şagirdi, şəhid kapitan Vaqif Bayramov adına “Vətənpərvərlər qrupu”nun fəal üzvü 13 yaşlı Şəhriyar Nadir oğlu Qurbanovdur.

Şəhriyar 2018-2019-cu illərdə Gəncə Qarnizonu Zabitlər evinin təşkilatçılığı ilə vətənpərvərlik mövzusunda keçirilən müsabiqədə, üzvü olduğu “Vətənpərvərlər qrupu” respublika müsabiqəsində birinci olub. O, həmçinin 2019-cu ilin dekabr ayının 25-də şəhid kapitan Vaqif Bayramovun doğum günü ilə əlaqədar “N” saylı hərbi hissədə keçirilən tədbirdə təqdim olunan ədəbi-bədii kompozisiyalarda fəal iştirak edib. Şəhriyar həmçinin 2019-cu ildə Mədəniyyət Nazirliyi tərəfindən keçirilən Uşaq və gənclər arasında xalq çalğı alətləri ifaçılarının IV Respublika müsabiqəsinin iştirakçısı olub və fəxri fərmana layiq görülüb.

Qeyd edək ki, işğalçı Ermənistanın Qaşaltı kəndini atəşə tutması nəticəsində həyatını itirənlərdən daha bir azyaşlı Şəhriyarın yaxın qohumu, 2006-cı il təvəllüdlü Fidan Qurbanovadır.

Allah rəhmət eləsin!

XƏBƏRLƏR

20.10.2020 16:37
Mədəniyyət Nazirliyinin Xudafərin körpüləri ilə bağlı Bəyanatı
15.10.2020 18:02
Anar Kərimov Ermənistanın Gəncə şəhərinə raket hücumu ilə bağlı UNESCO baş direktoruna müraciət edib
14.10.2020 09:30
Şuşa qalasına həsr olunmuş virtual sərgi açılıb
12.10.2020 09:15
Mədəniyyət obyektlərinin oğurlanması və ya qeyri-qanuni ixracı ilə bağlı beynəlxalq onlayn konfrans keçirilib
09.10.2020 18:14
Mədəniyyət Nazirliyi “Qarabağnamə” layihəsini təqdim edir
09.10.2020 10:27
Mədəniyyət Nazirliyində Özbəkistan səfiri ilə görüş keçirilib
07.10.2020 11:35
Mədəniyyət Nazirliyi tərəfindən beynəlxalq təşkilatlara müraciət ünvanlanıb
05.10.2020 11:13
Azərbaycan Respublikası Mədəniyyət Nazirliyinin BƏYANATI
03.10.2020 16:18
“Ordumuz üçün yarat” layihəsinin təqdimatı keçirildi
03.10.2020 12:29
Anar Kərimov Rusiya və Kolumbiyanın ölkəmizdəki səfirləri ilə görüşüb
02.10.2020 15:17
Anar Kərimov Böyük Britaniyanın ölkəmizdəki səfiri və Britaniya Şurasının təmsilçisi ilə videokonfrans formatında görüşüb 
02.10.2020 09:10
Macarıstan və Yaponiya ilə mədəni əməkdaşlıq müzakirə olunub
01.10.2020 14:18
ICESCO Dağlıq Qarabağla bağlı bəyanat yayıb