Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
709

Sumqayıt Dövlət Dram Teatrı 51-ci mövsümünə yekun vurub

Sumqayıt Dövlət Dram Teatrı 51-ci mövsümünə yekun vurub. Ötən mövsüm dünyanı çənginə alan COVID-19 pandemiyası teatrın işinə öz təsirini göstərib.

Teatrın direktoru, Əməkdar artist Mübariz Həmidov deyib: “Artıq 51-ci teatr mövsümü başa çatıb. Ötən mövsümün son 4 ayı məlum səbəbdən bütün teatrlarda olduğu kimi, Sumqayıt teatrında da bir neçə tamaşanın premyerası və məşqlərinin aparılması mümkün olmadı. Lakin ötən mövsümün ilk ayları bir sıra uğurlu və yaddaqalan layihələrə imza atdıq. 2019-cu ildə Prezident bir neçə görkəmli ədibin, o cümlədən Cəfər Cabbarlının yubileyi ilə əlaqədar Sərəncam imzalayıb. Biz də yaradıcı kollektiv olaraq sərəncama əsasən böyük dramaturqun “Solğun çiçəklər” pyesini repertuara daxil etdik. Əsasən, televiziya filmləri ilə tanınan rejissor Elşən Zeynallını dəvət etdik. C.Cabbarlının “Solğun çiçəkləri”nə müraciət etməyən teatr yoxdur. Tamaşaya baxmış mütəxəssislər də təsdiq edə bilərlər ki, Sumqayıt teatrının 51-ci mövsümünün açılışında göstərilən “Solğun çiçəklər” hər kəsi heyrətləndirə bildi. Sonradan mediada gedən yazılar, analitik təhlillər, resenziyalar da bunu göstərdi”.

M.Həmidov ötən mövsümün həm də Sumqayıtın şəhər statusu almasının 70 illiyinə təsadüf etdiyini qeyd edib. Sumqayıtın yubileyi ilə bağlı dramaturq Əli Əmirliyə verdiyimiz sifariş əsasında onun yazdığı “Sevgilim, Sumqayıt” monumental tamaşasını 51-ci mövsümün başlanğıcından tamaşaçılara təqdim etməyə başladıq.

Teatrın direktoru tamaşada obrazların çoxluğuna və kütləvi səhnələrə görə truppanın bütünlüklə tamaşaya cəlb olunduğun vurğulayıb. İlin sonuna yaxın Sumqayıtın yubileyi ilə bağlı möhtəşəm ümumşəhər tədbiri keçirildi. Meydan tamaşasında da kollektivimiz öz yaradıcılıq imkanlarını nümayiş etdirdi.

Mövsüm üçün təsdiq olunmuş repertuar planı haqqında danışan M.Həmidov bütövlükdə bu məsələnin öz həllini tapdığı bildirib. Belə ki, Azərbaycanın maarifpərvər yazıçısı, publisisti və dramaturqu Cəlil Məmmədquluzadənin yubileyinə töhfə olaraq ədibin “Danabaş kəndinin əhvalatları” povesti Əməkdar artisti Namis Şirməmmədov tərəfindən səhnələşdirilib. Rejissor, eyni zamanda, dahi Üzeyir Hacıbəylinin “O olmasın, bu olsun” komediyasına da müraciət etdi.

Teatrın baş rejissoru, Xalq artisti Firudin Məhərrəmov Ə.Haqverdiyevin yubileyi ilə bağlı “Xortdanın cəhənnəm məktubları” və tanınmış teatrşünas, professor Aydın Talıbzadənin “Tubinot” əsərlərinin eksplikasiyasını hazırladı.

“Çoxdandı teatrlar monotamaşaya müraciət etmirlər”, - deyən Mübariz Həmidov əslində bu janrın maraqlı olmaqla bərabər, aktyorların potensial imkanlarının bütün rənglərinin üzə çıxmasına şərait yaratdığını vurğulayıb.

Teatrın direktoru repertuarda balaca tamaşaçılar üçün də hazırlanan tamaşalar haqqında da danışıb: “Gənc yazıçı Ülviyyə Heydərovanın “Uşaqlıq” monopyesini Xalq artisti Firudin Məhərrəmov gənc aktrisa İlahə Səfərova ilə hazırladılar. Bununla yanaşı, diplom tamaşasını bizim teatrda hazırlayan istedadlı gənc rejissor Ümid Abbas isə istedadlı aktyor Kamran Muradlıyla müəllifin digər əsərinin – “Pələng”in məşqinə start verilib. Hər iki əsərdə psixoloji məqamlar var. Kənardan dəvət prinsipi ilə bu dəfə Gülnar Hacıyevanı uşaq tamaşasına quruluş vermək üçün dəvət etdik. Azərbaycan xalq nağılı “Göyçək Fatma” həmişə uşaqların marağın çəkib. Təəssüf ki, məlum problemlərlə bağlı yalnız “Danabaş kəndinin əhvalatlarına” və “Uşaqlıq” monotamaşasına daxili baxış keçirə bildik.

Koronavirus pandemiyası zamanı məşqlərin onlayn prosesinə start verildi. Virtual repertuar planını tərtib edildi və “evdə qal, sağlam qal, tamaşa izlə” devizi ilə sosial şəbəkə üzərindən tamaşalara təqdim olundu. Həftənin 5 günü 7 tamaşa olmaqla axşam saatlarında böyüklər, gündüz saatlarında isə uşaqlar üçün onlayn tamaşalar verildi”.

Teatrın yaxın perspektivdə, yeni mövsümdə tamaşaçıları hansı yeniliklərə sevindirəcək sualına M.Həmidov bildirib ki, teatrın əməkdaşı Fuad Kazımov Ə.Haqverdiyevin “Kimdir müqəssir” əsərini onlayn məşq vasitəsilə hazırlayıb. “Bir necə monotamaşalar da hazırdır. Belə ki, sentyabr ayında “Kimdir müqəssir” faciəsinin, “Tubinot” və “Danabaş kəndinin əhvalatları” monotamaşalarının premyerası olacaq. Bununla yanaşı, “O olmasın, bu olsun” və “Xortdanın cəhənnəm məktubları” daha çox kütləvi səhnələrlə müşayiət edildiyindən onlayn məşqləri qeyri-mümkün oldu. Sentyabr ayından bu tamaşaların və Gülnar Hacıyevanın yozumunda “Göyçək Fatma” uşaq tamaşasının məşqləri davam etdiriləcək. Habelə bir neçə xarici ədəbiyyat müəlliflərinə müraciət edəcəyik. Yəni biz hər zaman tamaşaçıları düşünürük, onların bütün təbəqələrinin zövq dairəsini, arzu və istəyini nəzərə alırıq”, - deyə Mübariz Həmidov əlavə edib.

XƏBƏRLƏR

26.01.2021 15:30
Regional mədəniyyət idarələrinə yeni kadr təyinatları
25.01.2021 15:02
Milli İncəsənət Muzeyinin direktoru Çingiz Fərzəliyev təltif edilib
22.01.2021 17:56
“Böyük Azərbaycan şairi və mütəfəkkiri – Nizami Gəncəvi” mövzusunda kitab sərgisinin açılışı keçirildi
22.01.2021 14:05
“Keşikçidağ” Dövlət Tarix-Mədəniyyət Qoruğu ərazisində arxeoloji abidələr aşkar edilib
22.01.2021 13:34
“Qorqudnamə” kitabının təqdimat mərasimi keçirilib
21.01.2021 16:36
Şəhid ailələrinə və qazilərə qayğı göstərilir
21.01.2021 11:44
Vətənpərvərlik mövzusunda ədəbiyyat müsabiqəsinin qalibləri müəyyənləşdi
19.01.2021 20:57
Mədəniyyət naziri türk dünyası təşkilatlarının nümayəndə heyəti ilə görüşüb
18.01.2021 16:20
Mədəniyyət Nazirliyi ictimaiyyətə müraciət edir!
15.01.2021 13:47
İCESCO nümayəndə heyətinin ölkəmizə səfərinin yekunlarına həsr olunmuş mətbuat konfransı
14.01.2021 16:33
Zəfər muzeyinin məzmununun hazırlanması ilə əlaqədar ekspert qrupu yaradılıb
13.01.2021 14:46
Prezident İlham Əliyev ICESCO-nun Baş direktorunun rəhbərlik etdiyi nümayəndə heyətini qəbul edib
13.01.2021 09:41
Vətən müharibəsi memorial kompleksi və Zəfər muzeyinin məzmunu ilə əlaqədar müzakirələrin aparılması məqsədilə onlayn görüş keçirilib
12.01.2021 18:13
İCESCO nümayəndə heyəti Azərbaycanın işğaldan azad edilmiş ərazilərinə səfər edib
11.01.2021 19:35
Mədəniyyət naziri ICESCO-nun Baş direktoru Salim əl-Malik ilə görüşdü
11.01.2021 10:42
Kitabxana və nəşriyyat-poliqrafiya müəssisələri ilə görüş keçirilib
08.01.2021 18:13
“Mədəniyyət/Culture” jurnalının “Zəfər” sayı...
08.01.2021 10:08
Anar Kərimov ilə Birləşmiş Millətlər Təşkilatının ölkəmizdəki Rezident Əlaqələndiricisi Qulam İsakzai ilə görüşdü
07.01.2021 19:39
Nazir Anar Kərimov və Qarabağ Dirçəliş Fondunun Müşahidə Şurasının üzvü Tural Gəncəliyev arasında videoformatda görüş keçirildi
06.01.2021 17:27
Prezident İlham Əliyev Anar Kərimovu mədəniyyət naziri təyin olunması ilə əlaqədar videoformatda qəbul edib
05.01.2021 12:38
Azərbaycan Respublikasında 2021-ci ilin “Nizami Gəncəvi İli” elan edilməsi haqqında Azərbaycan Respublikası Prezidentinin Sərəncamı
30.12.2020 18:12
"Mədəniyyət və yaradıcılıq sahəsində rəqəmsal həllər” startap müsabiqəsinin qalibləri ilə onlayn görüş keçirildi
29.12.2020 17:27
İşğaldan azad edilmiş ərazilərdə yerləşən abidələrin qorunması və bərpası ilə bağlı məsələlər müzakirə olunub
29.12.2020 14:34
Bakı şəhər muzeylərinin rəhbərləri ilə onlayn görüş keçirilib
28.12.2020 09:30
Əməkdar artist Almaz Mustafayeva vəfat edib
25.12.2020 18:55
Görkəmli ədib və ictimai-siyasi xadim Əbdürrəhim bəy Haqverdiyevin 150 illiyinə həsr olunan videokonfrans keçirildi
24.12.2020 14:07
Mədəniyyət Nazirliyində kadr təyinatı
23.12.2020 16:34
Mədəniyyət Nazirliyi “Yurda Qayıdış: Qarabağ adətləri - ənənələri” layihəsi ilə bağlı müraciət edir
22.12.2020 17:54
Görkəmli rejissor və kinodramaturq Həsən Seyidbəylinin xatirəsi anılıb