Bərdə rayon Mədəniyyət Mərkəzi tərəfindən Günərzi Qayğı Mərkəzində “Dünya sizinlə gözəldir” adlı musiqili tədbir təşkil edilib.
Mədəniyyət Mərkəzinin direktoru Gülbəs Məmmədova çıxış edərək, ölkəmizdə uşaqlara, o cümlədən sağlamlıq imkanları məhdud uşaqlara göstərilən yüksək dövlət qayğısından danışıb. Bildirib ki, uşaqların keyfiyyətli təhsil alması, onlar üçün zəruri şəraitin yaradılması, böyüməkdə olan nəslin layiqli vətəndaş kimi formalaşması Azərbaycanda dövlət uşaq siyasətinin başlıca prinsiplərindəndir. Prezident İlham Əliyevin uşaq hüquqlarının müdafiəsi sahəsində atdığı addımlar, birinci xanım Mehriban Əliyevanın uşaqlara göstərdiyi qayğı bu sahənin daim diqqətdə olduğunu göstərir. Ölkəmizdə yeniyetmələrin asudə vaxtlarının, istirahətinin təşkili diqqət mərkəzində saxlanılır, onların tətil günlərinin mənalı, yadda qalan olması, bilik səviyyələrinin, dünyagörüşünün artırılmasına köməklik göstərilməsi üçün silsilə tədbirlər həyata keçirilir.
Tədbir Mədəniyyət Mərkəzi tərəfindən hazırlanmış konsert proqramı ilə davam edib. İncəsənət ustaları tərəfindən təqdim olunan musiqi nömrələri balacalarda xoş əhval-ruhiyyə yaradıb.