Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
3780

Oş şəhərində TÜRKSOY Daimi Şurasının 37-ci dönəm toplantısı keçirilir

Noyabrın 30-da Qırğızıstan Respublikasının Oş şəhərində Beynəlxalq Türk Mədəniyyəti Təşkilatı – TÜRKSOY-un Daimi Şurasının 37-ci dönəm toplantısı və “Türk dünyasının mədəniyyət paytaxtı 2019” ilinin rəsmi bağlanış mərasimi keçirilir.

Tədbirlərə Azərbaycan Respublikası Mədəniyyət nazirinin müavini Rafiq Bayramovun rəhbərlik etdiyi nümayəndə heyəti də qatılıb.

TÜRKSOY Daimi Şurasının 37-ci dönəm toplantısında TÜRKSOY təşkilatının baş katibi Düsen Kaseinov, Qırğızıstanın Mədəniyyət, İnformasiya və Turizm naziri Azamat Jamankulov, Azərbaycanın Mədəniyyət nazirinin müavini Rafiq Bayramov, Türkiyənin Mədəniyyət və Turizm nazirinin müavini Nadir All Aslan, Qazaxıstanın Mədəniyyət və İdman nazirinin müavini Nurkisa Dayeşov, Özbəkistanın Mədəniyyət nazirinin müavini Kamola Akilova, Türkmənistanın Mədəniyyət nazirinin müavini Qurbanmurad Mıradaliev, digər rəsmilər iştirak ediblər.

TÜRKSOY ölkələri nümayəndə heyətlərinin rəhbər şəxsləri iclasda çıxış ediblər.

Mədəniyyət nazirinin müavini Rafiq Bayramov çıxışında TÜRKSOY-un türk xalqları arasında mədəni əlaqələrin daha da inkişaf etdirilməsi baxımından gördüyü işləri yüksək qiymətləndirib. Qeyd edib ki, hazırda TÜRKSOY mötəbər tədbirlərdə təmsil olunur və onun fəaliyyəti dünyanın nüfuzlu beynəlxalq təşkilatları tərəfindən alqışlanır.

Nazir müavini vurğulayıb ki, TÜRKSOY-a üzv olan ölkələr üçün əlamətdar hadisələr qurum tərəfindən iş planına salınaraq yüksək səviyyədə qeyd olunur. Azərbaycan və Türkiyənin təkliflərinə əsasən dahi Azərbaycan şairi və mütəfəkkiri İmadəddin Nəsiminin anadan olmasının 650 illik və Aşıq Veysəlin anadan olmasının 125 illik yubileyləri münasibətilə 2019-cu il TÜRKSOY çərçivəsində İmadəddin Nəsimi və Aşıq Veysəl illəri elan olunaraq silsilə tədbirlər təşkil olunub. “İmadəddin Nəsimi dünya dillərində” adlı kitab nəşr olunub, Bakı, Ankara, İstanbul, Türküstan və digər şəhərlərdə təqdimatı keçirilib.

İclasda TÜRKSOY-un fəaliyyəti, qurumun həyata keçirdiyi ənənəvi layihələrlə bağlı fikir mübadiləsi aparılıb.

Sonda TÜRKSOY Daimi Şurasının 37-ci toplantısının qərarları və yekun Bəyannamə imzalanıb. Özbəkistan Respublikasının Xivə şəhəri 2020-ci il üçün “Türk dünyasının mədəniyyət paytaxtı” elan olunub.

Toplantıdan sonra Sultan İbrahimov adına Qırğız Dövlət Dram Teatrında “Oş – Türk dünyasının mədəniyyət paytaxtı 2019” ilinin bağlanış mərasimi olacaq. Türk dünyasının incəsənət ustaları konsert proqramı ilə çıxış edəcəklər.

Mərasimdə “Türk dünyasının mədəniyyət paytaxtı”nın rəmzi Özbəkistanın Xivə şəhərinin rəhbərliyinə təqdim olunacaq.

Xatırladaq ki, TÜRKSOY-un “Türk dünyasının mədəniyyət paytaxtı” layihəsi 2012-ci ildən həyata keçirilir. Oş şəhəri 2019-cu ildə “Türk dünyasının mədəniyyət paytaxtı” elan edilib və bununla bağlı il ərzində silsilə tədbirlər reallaşıb. Əlamətdar hadisə ilə bağlı Oş şəhərində  “Türk dünyasının mədəniyyət paytaxtı 2019” abidəsi də ucaldılıb.

XƏBƏRLƏR

22.03.2024 22:10
Parisdə Azərbaycan və UNESCO arasında əməkdaşlığın inkişaf etdirilməsi müzakirə olunub
15.03.2024 15:16
Azərbaycan Milli Xalça Muzeyində “Türk xalqlarının geyim və zərgərlik mədəniyyəti” sərgisi açıldı
13.03.2024 14:13
Azərbaycan və Xorvatiya arasında iqtisadi əməkdaşlıq üzrə Birgə Komissiyanın 3-cü iclası keçirilib
07.03.2024 15:04
Mədəniyyət naziri Zaqatalada vətəndaşları qəbul edib
05.03.2024 17:19
Heydər Əliyev Mərkəzində Türk dünyası rəssamlarının “Tomris” adlı sərgisi keçirilib
04.03.2024 09:50
"Qarabağ” Futbol Klubu haqqında sənədli filmin təqdimatı keçirilib
01.03.2024 17:22
Bakı Şəhər Mədəniyyət Baş İdarəsinin tabeliyindəki müəssisələrin fəaliyyəti üzrə ictimai dinləmə keçirilib
01.03.2024 13:00
“Young Lions” Azerbaijan yaradıcı gəncləri səsləyir!
01.03.2024 12:55
Mədəniyyət Nazirliyində "TikTok" nümayəndə heyəti ilə görüş olub
28.02.2024 18:01
“Salam, Novruz!” 28 fevral – 15 aprel
28.02.2024 15:34
Xalq artisti Süleyman Ələsgərovun 100 illik yubileyinə həsr olunan konsert keçirilib
26.02.2024 09:00
CINEMO ilk Mobil Film Festivalının Qala Gecəsi keçirildi
24.02.2024 13:10
Dohada Azərbaycan Mədəniyyəti Günləri çərçivəsində qala-konsert keçirilib
23.02.2024 11:48
“TikTok” Azərbaycan Respublikası Mədəniyyət Nazirliyinin dəstəyi ilə #TikTokdanÖyrən layihəsinə başladı
23.02.2024 10:10
Qətər Milli Kitabxanasında “Qədim köklərə malik Azərbaycan mədəniyyəti” adlı kitab sərgisi açılıb
22.02.2024 18:05
Süleyman Ələsgərovun 100 illik yubileyinin qeyd edilməsi haqqında Azərbaycan Respublikası Prezidentinin Sərəncamı
17.02.2024 17:43
Mədəniyyət naziri Salyanda vətəndaşların müraciətlərini dinləyib
16.02.2024 18:59
Mədəniyyət və yaradıcı sənayelər sahəsi üzrə mütəxəssislərlə görüş keçirildi
15.02.2024 09:36
Ekspert Şurasının növbəti iclası keçirilib
14.02.2024 09:24
VI Ümumdünya Mədəniyyətlərarası Dialoq Forumu Təşkilat Komitəsinin iclası keçirilib
06.02.2024 16:54
Tanınmış şair Baba Vəziroğluna “Şərəf” ordeni təqdim olunub
05.02.2024 13:57
Azərbaycan Milli Xalça Muzeyində qobelen ustası Adil Şıxəliyevin “Vətənim mənim” sərgisi açılıb
02.02.2024 14:42
Mədəniyyət naziri Türk Mədəniyyəti və İrsi Fondunun prezidenti ilə görüşüb
01.02.2024 17:53
Mədəniyyət naziri Adil Kərimli üçüncü “Yüksəliş” müsabiqəsinin qalibləri ilə görüşüb